Нэхэмьяа 8:10 - Библи

¹⁰ Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Нэхэмьяа 8:10 Referencias Cruzadas

3 Хаан түрэнүүд 8:66

Нүгөөдэ үдэрынь Соломоон арад зониие гэртэнь табяа бэлэй. Тэдэ хаанда үреэл табяад, Давид богоолдоо болон Өөрын арад түмэн Израильда Эзэнэй һайн һайханиие хэһэндэ досоогоо баясан, гэр гэртээ тараа һэн.

1 Угай бэшэг 16:27

Нэрэ хүндэ болон һүр жабхалан урдань, хүсэ шадал ба үзэсхэлэн байдал нангин газартань оршодог.

Нэхэмьяа 8:11

Левидүүд арад зоной һанаа бодолые амаруулан, иигэжэ хэлэбэд: – Аргаарагты! Нангин энэ үдэр гашуудажа болохогүйл.

Нэхэмьяа 8:12

Арад зон гэр гэртээ хариба. Хүн зон хүхилдэжэ, байһанаараа зонтой хубаалдажа, булта амтатай эдеэ эдибэд, уубад. Иигэжэ шагнаһан дуулаһанаа ойлгожо абаба!

Эстээр 9:19

Тэрэ үеһөө хойшо хүдөөгэй иудейнүүд адаар һарын арбан дүрбэниие баяр нааданай, һайндэрэй үдэр болгожо, найр наада эмхидхэжэ, бэе бэедээ бэлэг баридаг заншалтай болоо һэн.

Эстээр 9:22

Ушар гэбэл, иудейнүүд тэдэ үдэрнүүдтэ дайсанай гарһаа мултаржа, уйдхар гашуудалынь баяр наадан боложо, гашуудалайнь үдэр баярай үдэр болон хубилаа бшуу. Тиимэһээ Мордохайн эльгээгшэ захяагай ёһоор иудей зон тэрэ үдэрые баярай үдэр болгон тэмдэглэжэ, найр наада дэлгэн, бэе бэеэ амтан эдеэгээр хүндэлжэ, ядаруу зондо бэлэг баридаг болонхой.

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Псалманууд 89:17

Эзэн Бурханаймнай талархал маанад дээрэ байхань болтогой! Хэһэн хэрэгүүдтэмнай туһалыт, хэһэн хэрэгүүдтэмнай туһалыт!

Һургаал 17:22

Сэдьхэлэй баяр баясхалан эмдэ адли туһатай. Уйдхарта абталга яһа хатааһан үбшэнтэй адли.

Экклезиаст 11:2

Таряагаа долоон гү, али найман хубида хубаагаарай, дэлхэй дээрэ юунэйшье болохые мэдэхэгүйш.

Экклезиаст 2:24

Эдихэ уухамни һайн, ажал үйлэмни урагшатай гэжэ сэдьхэлээ баярлуулхаһаа үлүү юумэн хүнэй хубида байхагүй. Теэд энэньшье Бурханай мэдэлдэ гэжэ би харабаб.

Экклезиаст 3:13

Хүн уугаад эдеэд, ажал хүдэлмэридөө сэдьхэлээ баярлуулаад байгаа һаа, энэнь Бурханай үгэһэн юумэн гээшэ.

Экклезиаст 5:18

Бурханһаа эд хогшол ба зөөри баялиг абаһан хүн бүхэндэ тэрэнээ эдлэхэ, хэрэглэхэ эрхэ олгожо, мүн өөрын ажалһаа баярлаха хуби хүртөөхэ гээшэ Бурханай бэлэг болоно.

Экклезиаст 9:7

Зай иигээд яба, үйлэ хэрэгүүдыш Бурханай һайшаажа байгаа хадань, эдеэ талхаяа дорюун зоогло, сэдьхэл сэнгэлэн үзэмэй дараһан архияа уу.

Дуунай дуун 5:1

Минии хубита, дүүхэймни! Сэсэрлигтээ би орооб. Һайхан үнэртэй дабирхай суглуулжа, зүгын үүрһээ балынь һорожо, үзэмэй дараһан архи шэмэжэ, һү уунам. Манай хайрата амарагууд! Хайрын зоогһоо амасагты! Хайрын архиһаа уугты! Ханажа садатараа эдеэлэгты!

Исай 49:5

Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 61:10

Эзэнэй үйлэ хэрэгүүдтэ Иерусалим баясана. Түрэ хуримай хубсаһа үмдэһэн, хадамлагдажа байһан басаганда адлил тэрэ! Бурхан Иерусалимые абаралай болон зүб шударгын хубсаһаар хубсалуулаа.

Ёһээл 2:23

Сионой хүбүүд, хүхюутэй байгты, танай Бурхан, Эзэн бороо үршөөбэ. Урдынхидаал адли хабаршье намаршье хура бороо асаржал байха.

Захарияа 14:21

Иерусалим болон Иудада эдеэнэй хамаг тогоонууд Түмэн Сэрэгтэ Эзэнэй арюун зүйл болохо. Тахил үргэгшэ бүхэн тэдэниие абажа, эдеэ шанаха аргатай. Тиигээд Түмэн Сэрэгтэ Эзэнэй үргөөдэ хариин наймаашад байхаяа болихо.

Лука 11:41

Зүгөөр аяга табаг соогоо байһан юумэнһээ үгытэйшүүлтэй хубаалсажа үгэлсэжэ байбал, таанадые газаа досоогүй арюун сэбэр болоо гэжэ Бурхан тоолохо һэн!

Коринфынхидтэ 2-дохи 8:2

Тэдэнэр бэрхэшээл зоболонгуудаар ехэтэ туршуулһаншье һаа, аргагүй ехэ баяртай байдаг. Тэдэнэр үгытэй ядуушье һаа, үгэхэдөө аргагүй баян бардам юм.

Филиппынхидтэ 3:4

Гэхэтэй зэргэ би тиимэ мэтын юумэндэ найдаха аргатай байгааб. Хэрбээ бэеын эрхэтэниие отолуулха ёһололдо найдаха һанаатайшуулай байбалнь, би хэнһээшье үлүү тиигэжэ найдаха шалтагаантай хүнби.

Гэршэлгэ 11:10

Газар дэлхэйдэ һуудаг хүнүүд хүхилдэн баясажа, найр зугаа хэнэ, бэе бэедээ бэлэг сэлэгүүдые барина, юундэб гэбэл, эдэ хоёр лүндэншэд газар дэлхэй дээрэ һуугшадые тамалан хэһээдэг байгаа.

1 Хаан түрэнүүд 25:8

Өөрынгөө зарасанарһаа асуубалтнай, тэдэ тиигэжэ хэлэхэ. Тиимэһээ минии залуушуулда үршөөл хайра үзүүлыт. Мүнөөдэр һайн үдэр. Бидэ, богоолнуудтаа, танай хүбүүн болохо Давидта арга шадалаараа юушье һаа, үгыт», – гэжэ хэлээрэйгты.