Нэхэмьяа 6:9 - Библи

⁹ Эдэ хүнүүд маанадые айлгаха гээд һэдэбэ, маанадые өөһэдынгөө ажал дүүргэнгүй орхихо гээд найдаһан байба. Харин би энэ хэрэгээ бүри эршэмтэйгээр эрхилбэб!

Нэхэмьяа 6:9 Referencias Cruzadas

2 Угай бэшэг 15:7

Харин таанад шанга байха ёһотойт, зоригтнай бү мүхэг, юундэб гэбэл, хэһэн хэрэгэйтнай түлөө шагнал байха.

2 Угай бэшэг 32:18

Иерусалимай хана дээрэ байгааша зондо еврей хэлэн дээрэнь хашхараншье хэлэжэ, айлгаха, һүрдөөхэ, иигэжэ хотые эзэлхэ гэжэ тэдэ һэдэһэн байна.

Эзраа 1:6

Нютаг зон һүмын үргэлдэ нэмэри оруулһанһаа гадна мүнгэн амһартануудые, алтан болон бусад үнэтэ хэрэгсэлнүүдые, үхэр мал үгэбэ.

Нэхэмьяа 6:14

Тобияа, Санбаллаат гэгшэдэй мүн намайе айлгахаар шиидэһэн Ноһаадьяа эхэнэрэй, бусадшье лүндэншэдэй эдэ бүхы ябадалнуудые, минии Бурхан, хадуун абыт!

Псалманууд 138:3

Ябана гүб, хэбтэнэ гүб – Та нарибшалан шэнжэлнэт. Минии бүхы харгы зам Танда мэдээжэ.

Псалманууд 56:3

Дээдэ Бурханда, намда һайе хэдэг Бурханда, хандан хашхарнаб.

Псалманууд 68:35

Тэнгэри ба газар, далай болон тэндэ амидарагша бүхэн Тэрэниие магтахань болтогой!

Псалманууд 71:1

[Соломоон тухай.] Бурхан, хаанда зүб шударгаяа, хаанай хүбүүндэ үнэн зүбөө үршөөгыт.

Исай 40:29

Тэрэ ядарһанда тэнхээ үгэжэ, шадал дутаһанда хүсэ нэмээдэг.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Ерэмияа 38:4

Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Эзэкээл 30:24

Вавилооной хаанай засаг шанга болгохо, Египедэй урдаһаа далайхыень һэлмэ тэрээндэ үгэхэб. Египедэй фараон хүсэгүй боложо, шархатаһан хүндэл адли Вавилооной хаанай урда ёолохо. Тиихэдэ Намайе Эзэн гээд улад зон мэдэрхэ.

Захарияа 10:12

Эзэн Өөрын арад түмэниие һэргээн, тэдэ Тэрэнэй нэрэ доро ажаһууха болоно. Эзэн тиигэжэ айладхана.

Коринфынхидтэ 2-дохи 12:9

«Минии үршөөл хайрал шамда яһала хангалтатай хүрэхэ, һүр хүсэн ахир һула байхада аргагүй һайнаар элирэн харагдадаг юм», – гэжэ Тэрэ намда харюусаа. Тиимэһээ би Христоосой хүсэ шадалаар дүүрэхын тулада ахир һула байһанаараа бахархаха ехэл дуратай байнаб.

Эфесэйхиндэ 3:16

Досоогоо хүсэ шадалтай болохынтнай тула Һүлдөөрөө дамжуулан алдарайнгаа баялигһаа таанадтай хубаалсахыень би Бурханиие гуйнаб.

Эфесэйхиндэ 6:10

Эсэстэнь иигэжэ хэлэһүү: Эзэнэй һүр хүсөөр бэхижэгты.

Филиппынхидтэ 4:13

Христоосой намда үршөөжэ байһан хүсэ шадалаар би ямаршье байдалые дабаха аргатайб.

Еврейнүүдтэ 12:12

Эсэһэн гарнуудаа дээшэнь дэен һунгагты, һуларһан үбдэгүүдээ бэхижүүлэгты.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.

1 Хаан түрэнүүд 30:6

Арад зоной бултадаа өөһэдынгөө хүбүүд, басагад тухай гашуудажа, Давид руу шулуу шэдэн алахаяа хэлсэжэ байһан ушарһаа Давид ехэ зобобо. Гэбэшье Давид өөрын Эзэн Бурханаар өөрыгөө зоригжуулба.