Нэхэмьяа 5:5 - Библи

⁵ Бидэ нэгэ яһатан, нэгэ мяха шуһатайлди, манай үхибүүд тэдэнэйхи мэтэл. Зүгөөр бидэ хүбүүд болон басагадаа богоол болгохо болонобди, манай басагадай зариманиинь хүсөөр зарагдажа байна. Манай таряалан, сэсэрлиг ондоо зоной мэдэлдэ, бидэ ямаршье шадалгүйбди.

Нэхэмьяа 5:5 Referencias Cruzadas

Эхин 29:14

Лаваан иигэжэ хэлэбэ: – Ши яаха аргагүй яһа мяханайм таһархайш. Яковай Лаваанайда байрлаһаар һара үнгэрөөд байхада,

Эхин 37:27

Тиихын орондо дүүгээ ишмаһээл наймаашадта худалдая, тиигээд гарнайшье сэбэр үлэхэ. Юуншье һаа, манай түрэһэн дүү, манай мяханай таһардаһан ха юм. Аха дүүнэрынь зүбшөөбэ.

4 Хаан түрэнүүд 4:1

Лүндэншэдэй зүблэлэй гэшүүн байһан нэгэ хүнэй бэлбэһэн эхэнэр Элишаада ерээд: – Шинии барлаг, минии үбгэн наһа бараа. Ши, барлагни Эзэниие хүндэлдэг байгаа гэжэ мэдэнэш! Мүнөө үри шэридэ ороһон бидэндэ зээлеэр мүнгэ үгэгшэ хүн өөртөө барлаг хэхэеэ минии хүбүүдые абаашахаяа ерээ! – гэжэ уйлан хашхарба.

Һургаал 22:7

Баян хүн үгытэй ядууе зонхилдог, үритэй хүн үгэгшын зараса болодог.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Исай 58:7

Үлэсхэлэн хооһонтой эдеэ хоолоо хубаалдан, орохо гэргүй ядуу зониие гэртээ оруулагты. Хубсаһагүй зониие харабал, хубсалуулагты, түрэлхидтөө туһалагты.

Матвей 18:25

Үриеэ түлэхэ юумэгүй байхадань, эзэн хаан тэрэниие, тэрэнэй һамгыень, үхибүүдыень, мүн эдлэжэ байһан бүхы зөөрииень худалдаад, үриень түлүүлхые захирба.