Нэхэмьяа 5:2 - Библи

² Тэдэнэй заримань иигэжэ хэлэбэ: – Бидэ өөһэдөө, басагад, хүбүүднайшье ехэ олон. Тиимэһээ бэеэ тэжээхын тула маанадта ехэ талха таряан хэрэгтэй болоно.

Нэхэмьяа 5:2 Referencias Cruzadas

Эхин 41:57

Хүршэ гүрэнүүдһээ таряа талха худалдан абахаяа Иосифто, Египет руу зон ерэжэл байгаа, юундэб гэхэдэ, үлэн хооһон байдал хамаг дэлхэйгээр тохёолдоо бэлэй.

Эхин 42:2

Египедтэ орооһо таряан бии гэлсэнэ. Тиишэ ошожо, орооһо худалдажа абаад асарагты, тиигэбэл, магад, туража үхэхэгүйбди.

Эхин 43:8

Иуда Израиль эсэгэдээ хэлэбэ: – Дүү хүбүүемнай маанадтай табиит даа, тиигээ һаатнай, ябахаар бэлэмди. Тиигэжэ бидэ бүгэдэ – бидэшье, ташье, манай хүүгэдшье – туража үхэнгүй, амиды мэндэ гарасалдахалди.

Эхин 47:19

Арад зоной туража үхэбэл, энэ газар хооһон болохо бэшэ гү? Хэрбэеэ танай маанадта эдихэ хоол үгөө һаатнай, бидэ үмсын газартаяа хамта хаанай албатан болохобди. Бидэндэ мүн лэ тариха үрэһэн хэрэгтэй.

4 Хаан түрэнүүд 4:1

Лүндэншэдэй зүблэлэй гэшүүн байһан нэгэ хүнэй бэлбэһэн эхэнэр Элишаада ерээд: – Шинии барлаг, минии үбгэн наһа бараа. Ши, барлагни Эзэниие хүндэлдэг байгаа гэжэ мэдэнэш! Мүнөө үри шэридэ ороһон бидэндэ зээлеэр мүнгэ үгэгшэ хүн өөртөө барлаг хэхэеэ минии хүбүүдые абаашахаяа ерээ! – гэжэ уйлан хашхарба.

Нэхэмьяа 5:3

Нүгөөдүүлынь иигэжэ нэмэбэ: – Үлэсхэлэн байдалай үедэ орооһо таряагаар гэр байраяа, сэсэрлиг таряалангуудаа барисаанда үгэхэ баатай болонобди.

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Малаахи 2:2

Түмэн Сэрэгтэ Эзэн айладажа байна: «Хэрбээ таанад хэлэһыем шагнахагүй, Минии нэрэ хүндэлхын тулада энээниие сэдьхэлдээ хүлеэн абахагүй һаатнай, Би хэһээлтэ буулгахаб. Минии алдар нэрэ үргөөгүй байбал, танай абаһан үреэл һөөргэ сухаряад хараал болохо. Ушарынь хадаа таанад Минии нэрэ хүндэлнэгүйт.

Хуули дабталга 23:19

Өөрынгөө арад зоной хэн нэгэндэ мүнгэ гү, али эдеэ хоол, үшөөшье ондоо юумэ зээлеэр үгөө гээшэ һаа, түрэсэ тэрээнһээ бү нэхэ.