Нэхэмьяа 5:13 - Библи

¹³ Би хормойгоо һэжэрэн иигэжэ хэлэбэб: – Хэлэһэн үгэеэ дүүргэдэггүй хүнүүдые Бурхан гэр байраһаань, зөөри баялигуудһаань холодуулаг лэ. Иимэ хүн үгырэн хооһорог! Бүхы суглаан дэмжэбэ: – Болтогой! Удаань Бурхандаа магтаал үргэбэ. Тиигээд булта хэлэһэнээ дүүргээ бэлэй.

Нэхэмьяа 5:13 Referencias Cruzadas

4 Хаан түрэнүүд 23:3

Хаан табсан дээрэ зогсоод, Эзэниие дахан ябаха, энэ ном соо бэшээтэй хэлсээнэй үгэнүүдые бэелүүлхын тула һургаал заабаринуудынь, захиралтануудынь, хуули ёһонуудынь бүхы сэдьхэлһээ, үнэнхэ зүрхэнһөө сахин байха тушаа хэлсээ баталба. Арад зон тэрэ хэлсээе тогтоон абаба.

1 Угай бэшэг 16:36

Израилиин Эзэн Бурхан хэтын хэтэдэ магтагдахань болтогой! Бүхы зон «Болтогой!» гэжэ хэлээ, Эзэниие магтаа.

Нэхэмьяа 8:6

Эзраа Эзэндэ, агуу Бурханда, мүргэбэ, тиихэдэнь бүхы арад гараа дээрэ үргэн иигэжэ харюусабад: «Болтогой, болтогой!» Эзэндээ бултадаа доро дохин, нюураараа газар мүргэн унабад.

Псалманууд 50:14

Танаар абарагдаха баяр намда һэргээгыт, хүсэлэнтэ Һүлдөөр намайе тэдхыт.

Псалманууд 76:11

Би иигэжэ хэлээб: «Дээдэ Бурханай баруун гарай ондоо болоһониинь минии уйдхар гашуудал мүн».

Һургаал 28:4

Хуули тоодоггүй зон нүгэлтэниие магтадаг. Харин хуули сахидаг зон тэдээнтэй тэмсэдэг.

Тоололго 5:22

Санаарта тэрэ эхэнэртэ тангариглан иигэжэ хэлэг: «Хараалай муу хараал шэнгээдэг энэ онсо тусгаар уһан бэеэршни тараг. Хэрбэеэ шинии нүгэл хэһэн байгаа һаа, умайш доошоо унажа, умайнгаа газаа хээлитэхэш». Тэрэ эхэнэр «Тиихэ болтогой!» гэжэ хэлэг.

Матвей 10:14

Ямар нэгэн айлай гү, али хотынхидой таанадые угтажа абаха дурагүй һаань, үгы һаа, таанадай хэлэһые шагнаха дурагүй һаань, тэрэ гэрһээ гү, али хотоһоо гаража ошогты, хүлдэтнай халдаһан тооһыень һэжэржэ өөһэдтэнь орхигты.

Хэрэгүүд 13:51

Тиихэдэнь Павел Барнааба хоёр хүлдөө халдаһан тооһо гүбижэ, Икоони руу ошобо.

Хэрэгүүд 18:6

Теэд тэдэ зоной арсалдажа, хэрүүл татахадань, Павел өөрынгөө хубсаһа гүбеэд: – Бурханай абаралгаһаа арсажа байһандаа таанад өөһэдөө зэмэтэйт. Би зэмэгүйб, тиин мүнөө бусад арадуудта ошохомни, – гэжэ хэлэбэ.

Коринфынхидтэ 1-дэхи 14:16

Хэрбээ шинии һүнэһэ һүлдөөрөө Бурханда баясхалан хүргэжэ байбалшни, хэлэһэн юумыешни ойлгохогүй байһан юрын хүн хайшан гээд шинии баясхаланда «болтогой» гэжэ хэлэхэб.

1 Хаан түрэнүүд 15:28

Самуил тэрээндэ: – Эзэн мүнөөдэр шамһаа Израилиин хаан түрэ таһалан абаа, тэрэниие шамһаа үлүү хүндэ үгэбэ.