Нэхэмьяа 4:14 - Библи

¹⁴ Би бултыень хараһанай һүүлээр ноёд һайдта, дарганарта, бусад зондо иигэжэ хэлэбэб: – Бү һүрдэн айгты! Агууехэ, аймшагтай Эзэнээ һанан дурдагты, мүн тиигээд, өөһэдынгөө гэрнүүдэй, өөһэдынгөө һамгадай, өөһэдынгөө хүбүүд, басагадай, өөһэдынгөө аха дүүнэрэй түлөө тэмсэн бодогты!

Нэхэмьяа 4:14 Referencias Cruzadas

2 Хаан түрэнүүд 10:12

Зоригтой бай! Арад түмэнэйнгөө түлөө, Бурханайнгаа хотонуудай түлөө эрэлхэг шангаар зогсоё. Эзэн хэхэ юумэеэ үйлэдэхэнь болтогой!

2 Угай бэшэг 32:7

– Шанга, зоригтой байгты. Ассириин хаанһаа, тэрээнтэй байгааша олон сэрэгһээ бү айгты, бү һүрдэгты, юуб гэхэдэ, бидэ тэрээндэ орходоо ехэ хүсэтэйбди.

Нэхэмьяа 1:5

хэлэбэб: – Агууехэ, һүрөөтэ Огторгойн Эзэн Бурхан! Танай захяануудые бэелүүлэгшэдтэй, Танда үнэн зүрхэнһөө дурлагшадтай, үнэн сэхэ Танай хэлсээе наринаар бэелүүлэгшэдтэй баталһан Хэлсээгээ сахин дүүргэнэт.

Иоов 37:22

Тэнгэриин хойто хаяада сугларһан үүлэн наранай гэрэлдэ алтан мэтэ туяаран харагдадаг. Бурханай ойро алтан үүлэнтэй жэшэхээр бэшэ бүришье һүрөөтэй.

Псалманууд 143:5

Эзэн, тэнгэринүүдээ тонгойлгоод доошоо буугыт, хадануудта гар хүрыт, утаан гараг.

Псалманууд 20:7

Та хэтэ мүнхэдөө тэрэниие үреэгөөт, Өөрын оршондо баясаха арга тэрээндэ үгөөт.

Псалманууд 27:1

[Давидай зохёоһон.] Минии аршалалта Эзэн, Таниие дууданаб! Дуугүй бү байгыт! Дуугүй байбалтнай, үхэһэн хүндэ адли болохолби.

Псалманууд 65:5

Бурханай юу хэһые харыт! Хэһэн хэрэгүүдынь зондо айдаһатайл.

Псалманууд 66:3

Тиигэбэл, Танай зам газар дэлхэй дээр ойлгосотой болохо, бүхы үндэһэтэд абаралыетнай ойлгохо.

Псалманууд 66:5

Яһатан баясан, хүхилдэн байг! Арадуудые Та зүб шударга шүүхэт, дэлхэйн яһатаниие захирхат.

Египедһээ гаралга 14:14

Танай түлөө Эзэн дайлалданал, зүрхөө дарыт.

Египедһээ гаралга 14:25

Дайшалхы тэргэнүүдэйнь мөөрнүүд тэргэһээ мултаран гаража, египет сэрэг тэдэниие арай-шамай шэрэжэ ябабад. «Израиль угсаатанһаа зугадая! – гэжэ египет сэрэгшэд гэмэр-гутар гэлдэбэ. – Эзэн тэдээндэ туһална: Тэрэ Өөрөө Египедтэй дайлалдана ха даа».

Экклезиаст 12:1

Хүшэр үдэрнүүд ерэжэ, амидаралай жаргал үзөөгүйб гэжэ хэлэхээр жэлнүүдэй ерэхэһээ урид шадал дундаа залуу ябахадаа, Зохёон бүтээгшые һанадаг бай.

Даниил 11:32

Нангин хэлсээндэ урбагшадые тэрэ билдагууша үгөөр өөртөө татана, харин Бурханаа шүтэгшэд шанга боложо, урдаһаань һөөргэдэхэ.

Захарияа 14:3

Удаань Түмэн Сэрэгтэ Эзэн тулалдаанай үдэртэ дайладаг шэнгеэрээ тэдэ арад үндэһэтэдтэ эсэргүү дайгаар орохо.

Тоололго 14:9

Эзэнэй урдаһаа эсэргүүсэн таанад бү бодогты! Тэрэ орон нютагай арадһаа таанад бү айгты! Тэдэниие бидэ илахабди! Тэдээндэ ямаршье аршалалта үгы. Тиихэдэнь Эзэн бидэнтэй хамтал! Тэдээнһээ таанад бү айгты!

Матвей 10:28

Хүнэй бэе һүнөөгөөд, һүнэһыень һүнөөхэ хүсэ шадалгүй хүнүүдһээ бү айгты, зүгөөр хүнэй һүнэһыеньшье, бэеыеньшье гал тамада хаяжа һүнөөхэ аргатай Бурханһаал айжа һүрдэжэ ябагты.

Хуули дабталга 10:17

Юуб гэхэдэ, Эзэн Бурхантнай бурхадай ехэ Бурхан, эзэдэй ехэ Эзэн, Тэрэ агууехэ, асари хүсэтэй, һүрөөтэй Бурхан. Тэрэ нюур илгажа байдаггүй, эдилгэ абадаггүй,

Еврейнүүдтэ 13:6

Тиимэһээ: «Бурхан минии туһалагша, би айхагүйб. Хүн намда юу хэжэ шадахаб?» – гэжэ бидэ зоригтойгоор хэлэхэбди.

Нүүнэй Иисүүс 1:9

Би шамда зарлиг буулганаб: хатуу ба зоригтой байгаарай, бү ай, бү һүрдэн бахарда. Хаанаш ошоо һааш, Эзэн, шинии Бурхан хажуудаш байха.

Ударидагшад 3:27

Тиигээд тэрэ тэндэһээ Эпрааимай хадануудта хүрөөд, эбэр бүреэгээ үлеэбэ. Бүреэгэй абяанай сууряатан зэдэлхэдэнь, израильшууд тэндэ сугларба. Тиигээд тэдэнэр хада руу буужа эхилбэд. Тэдэнэй урдань Эһууд ябана.