Нэхэмьяа 3:15 - Библи

¹⁵ Мицпаа нютагые толгойлогшо, Хол-Хозээгэй хүбүүн Шаллуум Булагай үүдэ шэнэлбэ. Тэрэ үүдэ шэнэлээд, харшын үүдые пүмпэгэр маягтайгаар бүтээбэ, хаабаринуудыень, мүн шэбхэ, хүшэлгэнүүдыень үлгэбэ. Давидай хотоһоо доошолһон гэшхүүрһээ хаанай сэсэрлиг соохи Шээлах гэжэ сөөрэм хүрэтэр хана һэргээн заһабарилба.

Нэхэмьяа 3:15 Referencias Cruzadas

2 Хаан түрэнүүд 5:9

Иигэжэ Давид тэрэ хэрэмдэ байрлажа, тэрэнь Давидай хото гэжэ нэрлэгдээ бэлэй. Бүхы хотые, Миллоһоо эхилээд саашань, шэнэ хэрэм ханаар хүреэлбэ.

4 Хаан түрэнүүд 25:4

хотын хэрэм хана сүмэ сохигдобо. Тиихэдэнь бүхы сэрэгшэд һүниин харанхые һамбаашалжа, Хоёр Ханын хаалта үүдээр гаража, хаанай сэсэрлигэй хажуугаар, хотын газаа гараад, (тиихэдэ тэрэ хото халдейнүүдтэ тойруулан хүреэлүүлэнхэй байба), Арабаа тээшэ ошодог харгыгаар ябабад.

2 Угай бэшэг 32:30

Энэл Хэзэкияа Гихоон горхоной дээдэ һэдэһэ хаажа, Давидай хотын баруун тала руу, доошонь табиһан гээшэ. Тэрэнэй бүхы хэрэгүүд урагшатай һайн ябаа.

Нэхэмьяа 12:37

Булагай үүдэ үнгэрөөд, Давидай Хотын табсангуудаар тэдэнэр дээшэлээд, хана үгсэн Давидай гэрэй хажуугаар зүүлжээ Уһашанай үүдэн хүрэтэр.

Нэхэмьяа 2:14

Минии Булагай үүдэн болон Хаанай сөөрэм хүрэхэдэ, унаагаар ябахын аргагүй байба.

Нэхэмьяа 2:17

Харин мүнөө би тэдэнэртэ иигэжэ хэлэбэб: – Ямар гай тодхорто байһанаа таанад хаража байнат. Иерусалим һандаргагдаа, хаалга үүдэнүүдынь галда шатаагданхай. Иерусалимай хэрэм ханануудые бодхооёл, өөһэдһөө эшхэбтэр муухайе зайлуулаял!

Нэхэмьяа 3:12

Ханын үргэлжэлэлые Иерусалимай нүгөө хахад можые толгойлогшо Һаллоһээшэй хүбүүн Шаллуум өөрынгөө басагадтай хамта заһабарилба.

Нэхэмьяа 3:14

Шэбхэ шоройн үүдые Бэт-Һахээрэм гэжэ нютагые толгойлогшо, Рэхаабай хүбүүн Малхияа заһабарилба. Тэрэ үүдэ заһабарилжа, хаабаринуудыень, шэбхэ, хүшэлгэнүүдыень үлгэбэ.

Нэхэмьяа 3:19

Саашань Мицпаа нютагай толгойлогшо Иисүүсэй хүбүүн Ээзэр буландахи зэбсэг хадагалдаг байрын шанха урда үгсэһэн ханын нүгөө талые заһабарилба.

Нэхэмьяа 3:7

Евфратһаа баруулжаа газарай засаг баряашын мэдэлэй Гибэһоон, Мицпаа нютагуудай зон – Гибэһоон нютагай Мэлаатияа, Мэроноот нютагай Ядоон гэгшэд хэрэм хана саашань заһабарилбад.

Нэхэмьяа 3:9

Ханын саанадахиие Иерусалимай хахад можые толгойлогшо Хуурай хүбүүн Рэпаяа,

Экклезиаст 2:6

Ургажа байһан модо сэсэрлигүүдээ уһалхын тулада уһа нөөсэлхэ сөөрэмүүдые малтааб.

Исай 8:6

Тэрэ иигэжэ айладхаа: «Эдэ зоной Шилоах горхоной аалин намдуу урасхал уһые шамарлажа, Рэциин ба Рэмаалияагай хүбүүндэ баясажа байһандань

Ерэмияа 40:6

Иигэжэ би Мицпаа руу Ахикаамай хүбүүн Гэдаалияада ерэжэ, тэрээнтэй хамта энэ орон нютагтаа үлэһэн зоной дунда байгаа һэм.

Лука 13:4

Үгышье һаа, унаһан Шилоамай аранга самхагта даруулжа үхэһэн арбан найман хүниие Иерусалимай бүхы зонһоо үлүү ехэ нүгэлтэй байгаа гэжэ һанана аалта?

Иоанн 9:7

– Иигээд Шилоам сөөрэмдэ ошожо нюураа угаа, – гэжэ Иисүүс тэрэ һохор хүндэ хэлэбэ (Шилоам гэжэ үгэ «Эльгээгдэһэн» гэһэн удхатай). Һохор хүниинь ошожо нюураа угаагаад, юумэ харадаг болоод, ерэбэ.

Ударидагшад 20:1

Даанһаа Бэһээр-Шээбэ хүрэтэр ажаһуудаг израильшууд болон Галаадта ажаһуугшад бултадаа нютаг нютагһаа гаража, Мицпаадахи Эзэнэй гэрэй урда сугларбад.

Ударидагшад 20:3

Мицпаада израильшууд сугларба гэжэ Бэньямиинэй угай зон дуулаба. – Ямар ушарһаа энэ муухай үйлэ хэрэг хэгдээб гэжэ хэлыт? – гэжэ израильшуудай ударидагшад асуубад.