Нэхэмьяа 13:5 - Библи

⁵ арбанай нэгэ хуби гэжэ левидүүдтэ, дуушадта, үүдэнэй харуулшадта үгтэдэг орооһо, үзэмэй дараһан архи, тоһо гэхэ мэтые, санаартадта бэлэгүүдые, талхан үргэлнүүдые, уталгануудые, амһартануудые хадагалдаг байһан ехэ таһалгые Тобияада үгэбэ.

Нэхэмьяа 13:5 Referencias Cruzadas

2 Угай бэшэг 31:11

Хэзэкияа хаанай захиралтаар Эзэнэй Һүмэ соо зөөри нөөсэлхэ таһалганууд бэлдэгдэбэ.

2 Угай бэшэг 34:11

Үшөө Иудын хаашуулай муудхааһан гэрнүүдые заһабарилха хэрэгтэ хабтагайлжа хайһан шулуунуудые, гэр модо худалдажа абахыень модошо дархашуулда, барилгашадта тэрэ мүнгэнһөө үгтөө бэлэй.

Нэхэмьяа 10:36

Һургаал соо бэшэгдэһэнэй ёһоор, манай Эзэн Бурханай Һүмэдэ санаартадта, бидэ өөһэдынгөө ууган хүбүүдые, мүн тиихэдэ хони, үнеэнүүдэйнгөө түрүүшын түл асардаг байхабди.

Нэхэмьяа 10:37

Манай Бурханай гэрэй хадагаламжада, санаартадта, хилээмэнэй, алим жэмэсүүдэй, үзэмэй дараһан архиин, ургамалай тоһоной дээжэнүүдые бидэ үргэжэ байхабди, харин ургасын арбанай нэгэ хубиие – левидүүдтэ (тэдэ левидүүд газар элдүүрилдэг манай бүхы хотонууд бүриһөө арбанайнь нэгые суглуулна).

Нэхэмьяа 10:38

Арбанай нэгэ хуби суглуулдаг левидүүдтэй хамта Аһарооной үри санаартан байха ёһотой, левидүүд манай Бурханай гэр руу, хадагаламжын таһалганууд руу, бүхыдөө суглуулһанай арбанайнь нэгэ хубиие оруулха.

Нэхэмьяа 12:44

Тэрэ үдэр хадагаламжануудые даагшанар томилогдобо, тэдэнэр эндэ оруулагдаһан хүнэһэ болон элдэб зүйлнүүдые, хото бүхэнэй мэдэлэй газарһаа суглуулагдаһан ургасын арбанай нэгэ хубиие, түрүүшын ургасын дээжэ үргэлнүүдые бүридхэн абаха, санаартадта, левидүүдтэ Хуулиин ёһоор үгтэхэ хубинуудые тодорхойлхо зэргэтэй. Зогсон албаяа хэжэ байгааша санаартад, левидүүд – Иудын улад зондо баяр хүхилдөөн бшуу.

Нэхэмьяа 13:7

Иерусалим бусажа ерэбэб, Элиашиибай Тобияагай туһада ямар муу юумэ хэһэниие, Бурханай гэрэй хашаа соо таһалга үгэһые мэдэбэб!

Эзэкээл 40:38

Хойто хаалгануудай урдуур байһан таһалга соо дүрбэн шэрээ харагдаа һэн: хоёр шэрээ нэгэ талада, нүгөө хоёр шэрээ – нүгөөдэ талада бэлэй. Тэдэ шэрээнүүд дээрэ түгэс шатаалта, нүгэл сагааруулгын болон гарза харюулгын үргэлэй мал үүсэлэгдэхэ ёһотой. Энэ таһалгаһаа гадуур нэгэ багахан таһалга байгаа. Тэндэ үргэлэй мал угаагдадаг бэлэй.