Нэхэмьяа 13:13 - Библи

¹³ Би хадагаламжануудые даагшадаар санаартан Шэлээмияае, Хуули заадаг багша Цадоогые, мүн левит Пэдаяае томилбоб, харин тэдэнэй туһалагшаар Маттаанияагай аша, Заххуурай хүбүүн Ханаһааные табибаб. Тэдэнэр ехэ найдамтай хүнүүд гээд тоологдодог һэн. Тэдэнэр өөһэдынгөө аха дүүнэрэй хоорондо бүхы юумэ хубаарилха уялгатайнууд байгаа.

Нэхэмьяа 13:13 Referencias Cruzadas

4 Хаан түрэнүүд 12:15

Хүдэлмэришэдтэ тоосооень хэхэеэ Эзэнэй һүмын һанһаа мүнгэ абаһан хүнүүдтэ юунэй түлөө мүнгэ түлэһэн тухайнь тоосохо эрилтэ табигдадаггүй, харин тэдэнэр найдал этигэмжэдэ хүртэдэг байба.

4 Хаан түрэнүүд 12:16

Гэм ба нүгэл сагааруулгын үргэлдэ үргэдэг тахилай мүнгэн Эзэнэй һүмын һанда оруулагдадаггүй, харин тэдэ мүнгэн санаартадта зорюулагдана.

4 Хаан түрэнүүд 22:7

Эдэ мүнгэ дамжуулан үгэһэн хүнүүдһээ тоосоо хэхэ эрилтэ абаһанай хэрэггүй. Тэдэнэр этигэл найдалтайгаар ажаллаг.

Нэхэмьяа 10:12

Заххуур, Шэрээбияа, Шэбааньяа,

Нэхэмьяа 10:38

Арбанай нэгэ хуби суглуулдаг левидүүдтэй хамта Аһарооной үри санаартан байха ёһотой, левидүүд манай Бурханай гэр руу, хадагаламжын таһалганууд руу, бүхыдөө суглуулһанай арбанайнь нэгэ хубиие оруулха.

Нэхэмьяа 11:22

Иерусалимда левидүүдые Баниин хүбүүн Үззии ударидан толгойлдог һэн; Бании Хашаабияагай, Хашаабияа Маттаанияагай, Маттаанияа Михаагай бэлэй. Үззии Бурханай гэртэ мүргэл гүйсэдхэлгын түлөө харюусадаг дуушадай Асаап гэжэ угһаа гаралтай һэн.

Нэхэмьяа 12:35

тиигээд бүреэнүүдтэй санаартад, баһа тиигээд Ёнатаанай хүбүүн Захарияа (Ёнатаан Шэмаяагай хүбүүн, Шэмаяа Маттаанияагай, Маттаанияа Михайяагай, Михайяа Заххуурай, Заххуур Асаапай хүбүүн бэлэй),

Нэхэмьяа 12:44

Тэрэ үдэр хадагаламжануудые даагшанар томилогдобо, тэдэнэр эндэ оруулагдаһан хүнэһэ болон элдэб зүйлнүүдые, хото бүхэнэй мэдэлэй газарһаа суглуулагдаһан ургасын арбанай нэгэ хубиие, түрүүшын ургасын дээжэ үргэлнүүдые бүридхэн абаха, санаартадта, левидүүдтэ Хуулиин ёһоор үгтэхэ хубинуудые тодорхойлхо зэргэтэй. Зогсон албаяа хэжэ байгааша санаартад, левидүүд – Иудын улад зондо баяр хүхилдөөн бшуу.

Нэхэмьяа 3:30

Ханын нүгөө талые Цалаапай зургаадахи хүбүүн Хануун ба Шэлээмияагай хүбүүн Ханаанияа үргэлжэлүүлбэ. Ханын саашанхи үргэлжэлэлые Бэрэхияагай хүбүүн Мэшуллаам байрынгаа урдахиие заһабарилба,

Нэхэмьяа 7:2

Иерусалимые зонхилхо хэрэг хоёр хүндэ даалгабаб: өөрынгөө дүү Ханаанида, хэрэмэй дарга Ханаанияада (тэрэ ехэ найдамтай, һүзэгтэй, энээн шэнги хүн тон үсөөн бэлэй).

Нэхэмьяа 8:4

Хуули заадаг багша Эзраа энэ хэрэгтэ гэжэ зорюулагдаһан тусхай түхеэрэгдэһэн аранга дээрэ байба, тэрэнэй баруун гарай талада Маттиитияа, Шэмаа, Анаяа, Урияа, Хилхияа ба Маашэяа, харин зүүн таладань Пэдаяа, Мишаһээл, Малхияа, Хашуум, Хашбадаана, Захарияа ба Мэшуллаам байбад.

Лука 12:42

– Тиигэхэдээ этигэл найдабаритай, ухаантай зарасань хэн бэ? Гэрэйнгээ эрхилэгшээр табяад, бусад зарасанараа даалгажа, эдеэ хоол сагтань үгэжэ байхаар гэрэй эзэн хэниие томилхо гээшэб?

Хэрэгүүд 6:1

Шабинарай тоо олошорон нэмэгдэхэ тэрэ үдэрнүүдтэ грек хэлэтэй еврейнүүд нютагайнгаа еврейнүүдтэ гэмэрэлдэбэ, юундэб гэхэдэ, үдэр бүхэн хубаагдадаг хоол тэдэнэй бэлбэһэн эхэнэрнүүдтэ хүртэдэггүй байгаа.

Хэрэгүүд 6:3

Аха дүүнэр, Арюун Һүлдөөр дүүрэһэн, сэсэн ухаатай долоон эрэшүүлые өөһэдынгөө дундаһаа шэлэжэ абагты. Тиихэдэтнай бидэ энэ хэрэгые тэдэндэ даалгахабди,

Коринфынхидтэ 1-дэхи 4:2

Тиимэ зарасанар булта эзэндээ үнэн шударга байха ёһотой.

Тимофейдэ 1-дэхи 1:12

Намда ажаллаха хүсэ шадал үгэһэн Эзэн Христоос Иисүүстэ би баясхалан хүргэнэб. Намайе найдабаритай гэжэ тоолоод, Өөртэнь алба хэхыемни табиһандань баясхалан хүргэнэб.

Тимофейдэ 1-дэхи 3:10

Тиимэ хүнүүдые түрүүн туршаад, тэдэнэй шалгалтаяа бариһан хойнонь алба хэхэ эрхэ тэдэндэ даалгажа болохо.