Нэхэмьяа 10:36 - Библи

³⁶ Һургаал соо бэшэгдэһэнэй ёһоор, манай Эзэн Бурханай Һүмэдэ санаартадта, бидэ өөһэдынгөө ууган хүбүүдые, мүн тиихэдэ хони, үнеэнүүдэйнгөө түрүүшын түл асардаг байхабди.

Нэхэмьяа 10:36 Referencias Cruzadas

2 Угай бэшэг 31:5

Энэ захиралтын тунхаглагдаһанай удаа Израилиин улад зон бүхы юумэнэй арбанай нэгэ хубиие – орооһо таряанай, үзэмэй дараһан архиин, оливын тоһоной, зүгын балай, элдэб ургасын угаа ехэ дээжэ асарба.

Нэхэмьяа 12:44

Тэрэ үдэр хадагаламжануудые даагшанар томилогдобо, тэдэнэр эндэ оруулагдаһан хүнэһэ болон элдэб зүйлнүүдые, хото бүхэнэй мэдэлэй газарһаа суглуулагдаһан ургасын арбанай нэгэ хубиие, түрүүшын ургасын дээжэ үргэлнүүдые бүридхэн абаха, санаартадта, левидүүдтэ Хуулиин ёһоор үгтэхэ хубинуудые тодорхойлхо зэргэтэй. Зогсон албаяа хэжэ байгааша санаартад, левидүүд – Иудын улад зондо баяр хүхилдөөн бшуу.

Нэхэмьяа 13:5

арбанай нэгэ хуби гэжэ левидүүдтэ, дуушадта, үүдэнэй харуулшадта үгтэдэг орооһо, үзэмэй дараһан архи, тоһо гэхэ мэтые, санаартадта бэлэгүүдые, талхан үргэлнүүдые, уталгануудые, амһартануудые хадагалдаг байһан ехэ таһалгые Тобияада үгэбэ.

Египедһээ гаралга 13:2

– Израилиин зоной дунда эхын умайһаа унаһан ехэ хүбүүе, малай түрүүшын түлые Намда зорюулдаг бологты: эдэш Минии болоно.

Египедһээ гаралга 23:19

Газарһаа абтаһан түрүүшынгээ ургасын дээжыень Эзэн Бурханайнгаа гэртэ асардаг бай. Эшэгэнэй мяха эхынь һүн соо бү шана.

Египедһээ гаралга 34:19

Эхын умайһаа унаһан түрүүшын хүбүүн ба жэжэ, бодо малай түрүүшын эрэ түл – Минии.

Малаахи 3:10

«Минии үргөөдэ зөөриингөө арбанай нэгэ хубиие асаржа ерэгты. Тиигэжэ Намайе туршагты. Би таанадай түлөө тэнгэриин сонхо нээжэ, эбигээл үршөөл халитар хүртөөхэб» гэжэ Түмэн Сэрэгтэ Эзэн айладажа байна.

Тоололго 3:13

Ушар юуб гэхэдэ, алишье ууган хүбүүн ба малай түрүүшын бүхы түл – Минии. Египедэй ууган хүбүүдые болон малай түрүүшын түл үгы хэхэдээ, Би Израиль соо бүхы ууган хүбүүдые ба малай түрүүшын түлые илгааб Өөртөө. Тэдэ Минии юм. Би Эзэн мүн!

Галадуудта 6:6

Бурханай һургаал заалгаһан хүн һурган хүмүүжүүлэгшэтэйгөө бүхы эд зөөреэрөө хубаалсаг.

Хуули дабталга 12:6

Түгэс шатаалта үргэлөө, үргэлөө, ургасынгаа болон малай арбанай нэгэ хубиие, өөһэдынгөө хубиин үргэл, шахаа тангаригаартнай хараалагдаһан үргэл, өөһэдын һайн дуранай үргэл, томо болон жэжэ малай түрүүшын түл тиишээ асарагты.