Нэхэмьяа 1:6 - Библи

⁶ Өөрынгөө зарамалай мүргэлые шагнахын тула шэхэнтнай һонор, нюдэнтнай нээлтэтэй байг лэ! Израилиин нүгэлнүүдэй түлөө, Израилиин хүбүүдэй, Танай зарасануудай түлөө үдэр һүнигүй мүргэхыемни дуулыт. Танай урда бидэ нүгэлтэйбди; минии бүхы угсаатан, мүн бишье нүгэлтэйб.

Нэхэмьяа 1:6 Referencias Cruzadas

3 Хаан түрэнүүд 8:30

Минии болон Өөрын арад түмэн Израилиин энэ газарта зальбаржа гуйжа байхада, огторгойдо оршогшо газарһаа маанадые анхаржа, нүгэлымнай хүлисэжэ хайрлыт!

3 Хаан түрэнүүд 8:47

Баряанда байхадаа тэдэ һэгээ орожо, «бидэ нүгэл хээбди, муу юумэ үйлэдөөбди, зэмэтэйбди» гэжэ нүгэлөө мэдэрэн гэмшэбэл, Танда зальбарбал,

2 Угай бэшэг 28:10

Мүнөө Иудын болон Иерусалимай улад зониие өөрын богоол болгохо һанаатай байнат. Иихэдээ таанад Эзэн Бурханайнгаа урда нүгэл хэнэбди гэжэ мэдэнэгүй аалта?

2 Угай бэшэг 29:6

Манай үбгэ эсэгэнэр муу юумэ үйлэдэн, Эзэн Бурхандамнай таагүй хэрэгүүдые хэдэг байгаа. Тэдэ Бурханаа орхижо, Эзэнэй Һүмэһөө буруу хаража,

2 Угай бэшэг 6:40

Эзэн Бурхамнай! Маанадые харыт, энэ газарһаа манай зальбаран мүргэхэдэ, Та шагныт.

Эзраа 10:1

Бурханай гэрэй урда Эзраагай гуйжа, мүргэжэ, һүгэдэжэ, бархиржа байхада израильшууд – эрэшүүл, эхэнэрнүүд, үхибүүд гэхэшэлэн олон зон суглараад, ехээр бархиралдаа.

Эзраа 10:11

Мүнөө Эзэнэйнгээ урда, эсэгэнэрэйнгээ Бурханай урда, гэмээ наманшалагты, Тэрэнэй хүсэл бэелүүлэгты, ондоо газарай зонһоо, буса түрэлтэ һамгадһаа өөрыгөө холодуулагты!

Нэхэмьяа 1:11

Гуйнаб Таниие, Эзэмни! Танай нэрын урда һүгэдэхые хүсэһэн зарасынгаа гүйлтада, Танай зарасануудай гүйлтануудта, Эзэмни, шэхэеэ табин шагныт. Энэ хүнэй урда байхадам, Өөрынгөө энэрэл хайра намда үршөөгыт, Өөрынгөө зарасада туһалыт! Би тэрэ үедэ хаанай архи аягалагша байгааб.

Псалманууд 102:17

Харин Эзэнэй энэрэл хайра Өөрһөөнь түбэгшөөдэг зондо мүнхэһөө мүнхэ, Зүб шударгань үри һадаһадтайнь хододоо байхал.

Псалманууд 106:6

Теэд тэдэ зобожо-тулижа Эзэниие дуудаба, тиихэдэнь Тэрэ гай гамшагһаа зайлуулба,

Псалманууд 130:2

Би сэдьхэлээ һатааруулан, абяагүй болгон байгааб. Хүхэнһөө гараһан хүүгэдэй эхынгээ гар дээрэ байдагтал сэдьхэлни минии дотор хүхэнһөө гараһан хүүгэд мэтэл.

Псалманууд 32:5

Тэрэ зүб болон шударга байдалда дуратай, дэлхэй энэрэл хайраарнь дүүрэнхэйл.

Псалманууд 34:15

Харин минии бүдэрхэдэ, тэдэ баярлан суглараа, урдаһаамни тулажа суглараа. Зогсоо зайгүй тэдэ намайе гүжэрдээ, яаһандам тиигээб – мэдэнэгүйб.

Псалманууд 88:1

[Эзраахай Этаанай ирагуу үгэнүүд.]

Исай 6:5

Тиихэдэнь би иигэжэ хэлэбэб: – Ай даа! Һалахамнил! Хэлэһэн үгэ бүхэмни нүгэл шэбэлтэй, нүгэл шэбэл дуугардаг зоной дунда ажаһуунаб. Тиимэ аад, Түмэн Сэрэгтэ Эзэн Хааниие хараалби.

Гашуудал 5:7

Эсэгэнэрнай нүгэл хээ, тэдэ мүнөө үгы. Харин бидэ гэмэйнь түлөө хэһээгдэжэ байнабди.

Даниил 9:15

Эзэн Бурхамнай, агууехэ хүсөөрөө Өөрын арад түмэниие Египедэй орон нютагһаа гаргаат, мүнөөшье хүрэтэрөө алдар солотнай гэрэл мэтэ толорно. Харин бидэ нүгэлтэйбди, буруу юумэ хээбди.

Даниил 9:20

Иигэжэ би дуугаржа, мүргэн зальбаржа, өөрын болон арад түмэн Израилиингаа нүгэл наманшалжа, Бурханайнгаа нангин хада уула тушаа гуйлта Эзэн Бурхандаа үргэжэ байбаб.

Даниил 9:5

Харин бидэ нүгэлтэйбди, гэм хээбди, буруугаар юумэ үйлэдөөбди, үсэрэлдөөбди, ёһо гуримуудыетнай, хуули ёһонуудыетнай хазагайруулаабди.

Даниил 9:8

Эзэмнай! Нүгэл Танай урда хэһэндээ бидэ бултадаа, хаашуулнайшье, түшэмэл ноёднай, үбгэ эсэгэнэрнайшье, нэрээ хухараабди.

Лука 18:7

Тэрэнэй тиигэжэ байхадань, Бурхан шэлэжэ абаһан зонойгоо үдэр һүнигүй туһаламжа гуйхадань, бүришье һайнаар харгалзаха хамгаалха бэшэ гү? Тэдэндээ анхаралаа табиха бэшэ гү?

Лука 2:37

Мүнөө тэрэ үдэр һүнигүй Бурханда мүргэжэ, масаг сахижа, Һүмэһөө холододоггүй һэн.

Эфесэйхиндэ 2:3

Бидэ булта тэдэ зондол адли мүн шанарайнгаа жама ёһоор амидаран, өөһэдын бэеын ба һанал бодолой хүсэлэнгүүдые ханган, хүн бүхэндэл адли Бурханай уур сухал хүргэжэ байгаабди.

Тимофейдэ 1-дэхи 5:5

Хойноһоонь хараха хүнгүй, үнэндөө бэлбэһэн эхэнэр хүн гансал Бурханда найдажа, үдэр һүнигүй Тэрэниие гуйжа, Тэрээндэ зальбаржа байдаг.

Тимофейдэ 2-дохи 1:3

Үбгэ эсэгэнэрэйнгээ мүргэдэг Бурханда би үнэн зүрхэнһөө алба хэжэ, үдэр һүнигүй Тэрээндээ зальбархадаа, үргэлжэ шамайе дурдан, баяр хүргэжэ байдагби.

Иоаннай 1-дэхи хандалга 1:9

Хэрбээ нүгэл шэбэл хэһэнээ мэдэрээ һаамнай, үнэншэ зүб Бурхан нүгэл шэбэл хэһыемнай хүлисэхэ, бүхы муу юумэнһээ маниие арюудхан сэбэрлэхэ.

1 Хаан түрэнүүд 15:11

– Би Саулые хаан болгоһондоо халагланаб. Юуб гэхэдэ, тэрэ Намһаа эрьежэ, Минии захяа заабари дүүргэбэгүй, – гэжэ дуулдаба. Самуил уур сухал боложо, бүхэли һүниндөө Эзэндэ зальбаран мүргөө һэн.