Нэхэмьяа 1:5 - Библи

⁵ хэлэбэб: – Агууехэ, һүрөөтэ Огторгойн Эзэн Бурхан! Танай захяануудые бэелүүлэгшэдтэй, Танда үнэн зүрхэнһөө дурлагшадтай, үнэн сэхэ Танай хэлсээе наринаар бэелүүлэгшэдтэй баталһан Хэлсээгээ сахин дүүргэнэт.

Нэхэмьяа 1:5 Referencias Cruzadas

3 Хаан түрэнүүд 8:23

иигээд зальбарба: – Израилиин Эзэн Бурхан! Дээгүүр огторгойгоор, доогуур газар түбеэр Тандал адли Бурхан байхагүй! Һургаал заабарииетнай үнэнхэ зүрхэнһөө сахигша зондоо Та энэрэл хайраяа үзүүлнэт, зарасанартайгаа баталһан хэлсээгээ мартанагүйт.

1 Угай бэшэг 17:21

Танай арад түмэн Израильдал адли үшөө ямар үндэһэтэн газар дээрэ байнаб? Та, Бурхан, Израилиие абаржа, Өөрын арад түмэн болгоод, Өөрынгөө нэрэ алдаршуулаа бэлэйт. Египедһээ гаргажа, ондоо арадуудһаа сүлөөлэн, арад түмэнэйнгөө түлөө Та агууехэ, һүрдэмөөр үйлэ хэрэгүүдые хээ бэлэйт.

Эзраа 1:2

«Персиин хаан Киир иимэ зарлиг буулгана: Огторгойн Эзэн Бурхан газар дэлхэйн бүхы хаан түрэнүүдые минии мэдэлдэ үгөө. Иудын Иерусалимда Тэрээндэ шүтэн мүргэдэг Һүмэ барихыемни Тэрэ захираа.

Нэхэмьяа 2:4

Хаан иигэжэ хэлэбэ: – Тиигээд юу эрихэеэ һананабши? Огторгойн Бурханда зальбарһанай удаа

Нэхэмьяа 4:14

Би бултыень хараһанай һүүлээр ноёд һайдта, дарганарта, бусад зондо иигэжэ хэлэбэб: – Бү һүрдэн айгты! Агууехэ, аймшагтай Эзэнээ һанан дурдагты, мүн тиигээд, өөһэдынгөө гэрнүүдэй, өөһэдынгөө һамгадай, өөһэдынгөө хүбүүд, басагадай, өөһэдынгөө аха дүүнэрэй түлөө тэмсэн бодогты!

Нэхэмьяа 4:8

Манай оролдолгые һалгаахын тула тэдэнэр Иерусалим руу дайгаар орожо, хотые һандаргахаяа хэлсэбэд.

Нэхэмьяа 9:32

Ассириин хаашуулай үеһөө энэ болотор Танай бүхы арадай, манай эсэгэнэрэй хуби заяанда, мүн манай лүндэншэдэй, санаартадай, манай удамаршадай, хаашуулай хуби заяанда, маанадта үзэгдэһэн бүхы бэрхэшээлнүүдые багада бү тоолыт, Хэлсээгээ үнэн сэхээр хадагалагша, нигүүлэсхы, аймшагтай, хүсэтэй агуу Бурхан, Ээ манай Бурхан!

Псалманууд 47:2

Агууехэ Эзэн Бурханаймнай хото соо, нангин хада дээрээ угаа магтагдана.

Псалманууд 76:8

Эзэн хэтэ мүнхэдөө буруу хараа юм гү? Саашадаа Тэрэ нигүүлэсхыгээр хандахагүй юм гү?

Псалманууд 89:2

Эзэн, Та үеһөө үедэ маанадай оршохо газар мүн. Хадануудай бии болохоһоо урид,

Псалманууд 89:3

газар дэлхэй болон юртэмсэ мүндэлхэһөөнь урид, эгүүриһээ эгүүри хүрэтэр Та Бурхан мүн.

Псалманууд 89:8

Та манай бурууе Өөрын урда табижа, манай нюусые Өөрын оршоһон гэрэлдэ байлгабат.

Египедһээ гаралга 20:6

Намда дуратай, захяа заабариием сахижа ябагша зондо мянганшье үе хүрэтэрынь үршөөл хайра үзүүлдэгби.

Хуули дабталга 7:12

Эдэ ёһо гуримуудые анхаржа, сахижа, бэелүүлжэ ябаа гээшэ һаатнай, Эзэн Бурхантнай үбгэ эсэгэнэртэтнай найдуулһанайнгаа ёһоор, таанадтай хэлсээгээ сахижа, үршөөл хайраяа бэлэглэжэ байхал.

Хуули дабталга 7:21

Тэдэ арадуудһаа бү һүрдэгты, юуб гэхэдэ, Эзэн Бурхантнай – агууехэ, һүрөөтэй Бурхан. Тэрэ таанадтай хамта байна.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.