Нэхэмьяа 1:3 - Библи

³ Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.

Нэхэмьяа 1:3 Referencias Cruzadas

3 Хаан түрэнүүд 9:7

үгэһэн газар дайдаһаа Израилиин арад түмэниие хюдан һалгаахаб, Өөрын нэрэ алдарта шэлэжэ абаһан энэ Һүмые буруушаахаб, тиихэдэм Израиль дэлхэйн арадуудай наадан, шоо үзэлгэн болохо.

4 Хаан түрэнүүд 25:10

Набузарадаанай сэрэгшэд Иерусалимые тойроһон хотын хэрэм ханые буталан һандаргаба.

2 Угай бэшэг 36:19

Навуходоносорой сэрэгшэд Бурханай гэрые галдан шатааба, Иерусалимай хэрэм ханануудые һандаргаба, шухала ордон, самхагуудыень галдаба, бүхы баялигуудыень үгы хэбэ.

Эзраа 2:1

Вавилооной хаан Навуходоносорто дайгаар абтажа, хүсөөр Вавилоон абаашагдаад, тэндэһээ Зэрубабээлтэй, Иисүүстэй, Нэхэмьяатай, Сэраяатай, Рээлааяатай, Мордохайтай, Билшаантай, Миспээрэдтэй, Бигбайтай, Рэхүүмтэй, Баһанаатай хамта Иуда, Иерусалим болон өөр өөрынгөө хотонуудта бусажа ерэһэн израильшуудай нэрэй жагсаал иимэ:

Эзраа 5:8

Иудын можодо баригдажа байһан Бурханай гэртэ ошообди гэжэ тандаа мэдээсэнэбди. Тэрэ Һүмэ томо шулуунуудаар баригдана, ханадань гасуу модон хабшуулагдажа хэгдэнэ. Тэдэнэй оролдолгоор Һүмын барилга угаа түргэн бүтэнэ.

Нэхэмьяа 11:3

Иерусалимда ажаһуудаг ороной хүтэлбэрилхы угуудай гулбаанар эдэнэр болоно. (Харин Иудын хотонуудта израильшууд, санаартад, левидүүд, Һүмын албатад, мүн Соломооной зарасанууд – эдэнэр өөһэд өөһэдынгөө хотонуудта ажаһуугаа.)

Нэхэмьяа 2:13

Иерусалимай ханануудые шэнжэлэн, Нугын үүдэн гэдэг хаалгаар һүни гараад, би Луу могойн булаг, Шэбхэ шоройн үүдэн гэдэг хаалганууд руу шэглэн ошобоб. Ханануудынь һандаргагданхай, үүдэнүүдынь галдагданхай байба.

Нэхэмьяа 2:17

Харин мүнөө би тэдэнэртэ иигэжэ хэлэбэб: – Ямар гай тодхорто байһанаа таанад хаража байнат. Иерусалим һандаргагдаа, хаалга үүдэнүүдынь галда шатаагданхай. Иерусалимай хэрэм ханануудые бодхооёл, өөһэдһөө эшхэбтэр муухайе зайлуулаял!

Нэхэмьяа 2:3

хаанда иигэжэ хэлэбэб: – Хаан хэтэ мүнхэдэ ажаһууг лэ! Минии элинсэгүүдэймни хүдөөлүүлэгдэһэн хотын һандаргагдаад, үүдэнүүдэйнь галдагдаад байхада муудангүй яахабиб?

Нэхэмьяа 7:6

«Вавилооной хаан Навуходоносорто дайгаар абтажа, хүсөөр Вавилоон абаашагдаад, тэндэһээ Зэрубабээлтэй, Иисүүстэй, Нэхэмьяатай, Азаарияатай, Раамияатай, Нахамаанитай, Мордохайтай, Билшаантай, Миспээрэдтэй, Бигбайтай, Нэхүүмтэй, Баһанаатай хамта Иуда, Иерусалим болон өөр өөрынгөө хотонуудта бусажа ерэһэн израильшуудай нэрын жагсаал иимэ:

Эстээр 1:1

Энэ үйлэ хэрэг хадаа эзэн хаан Ахашвероошой хан шэрээгээ эзэлэн һуугаа үедэ болоһон гэхэ. Ахашвероош хаан Энэдхэгһээ Эфиопи хүрэтэр зуун хорин долоон аймагые зонхилдог һэн.

Псалманууд 79:4

Бурхан! Маанадые һөөргэнь бусаагыт! Нюуртнай гэрэлтэг, бидэ абарагдахабди!

Һургаал 25:28

Бэеэ баридаггүй хүн ханагүй һандарһан хото мэтэ.

Исай 43:28

Тиимэ ушарһаа Би санаарта ударидагшадые нангин үүргэһээнь болюулааб, Яковые хосоролдо үгөөб, Израилиие доромжолгодо оруулбаб.

Исай 5:5

Мүнөө Би үзэмэй жэмэсэй сэсэрлигтэйгээ юу хэхэ гэжэ байһанаа таанарта мэдүүлхэм: хорёо хотыень абахаб, тэрэниие хооһолог лэ; ханыень һандаргаахаб, тэрэниие гэшхэг лэ.

Ерэмияа 24:9

Газар дэлхэйн бүхы хаан түрэнүүдэй һүрдэмөөр гай тодхор тэдээндэ тохохоб. Минии тэдэниие тарааһан бүхы газарнуудаар зон тэдэниие энеэдэ наада бариха, доромжолхо, шоодборилхо ба хараал шэрээл табиха.

Ерэмияа 29:18

Би тэдээнһээ дайн дажар, үлэн хооһон байдал, тахал үбшэ таһалдуулангүй дахан байлгахаб. Дэлхэйн үндэһэ яһатан тэдэниие хаража, һүрдэхэ. Хаа-хаанагүй тэдэниие тараахаб, зон эдэ бүгэдые хараад, сошохо, айха. Үндэһэ яһатад тэдэниие наада хараха, хараал мэтээр нэрыень дурдадаг болохо.

Ерэмияа 39:8

Тэрэ үедэ Вавилооной сэрэг хаанай ордон, зоной байра галдажа, Иерусалимай хэрэм ханануудые һандаргааба.

Ерэмияа 42:18

Израилиин Түмэн Сэрэгтэ Эзэн Бурхан иигэжэ айладхана: «Иерусалимай улад зондо Минии уур хилэнгэй адхарһандал адляар таанад дээрэ, Египет ошоо һаатнай, тиимэ Минии уур сухал таанад дээрэ адхарха. Та бүгэдэ үзэмжэгүй муухай юумэн ябахат, зон таанадые наада барижа, нэрыетнай хараалай орондо хэлэдэг болохо. Таанад энэ орон нютагаа бэшэ харахагүйт».

Ерэмияа 5:10

Үзэмэй таряалан мэтэ арад зон руу сүйд хэхыень дайсадые эльгээхэб, гэбэшье бүримүһэн усадхуулхагүйб, харин мүшэрнүүдыень хухалхые захирхаб, юуб гэхэдэ, тэдэ Минии арад бэшэ.

Ерэмияа 52:14

Набузарадаанай сэрэгшэд Иерусалимые тойроһон хотын хэрэм ханые буталан һандаргаба.

Гашуудал 1:7

Гай тодхорто үдэрнүүдэй ерэхэдэ Иерусалим урдандаа ямар үнэтэ зүйлые эзэмдэн байдагаа һанан байна. Теэд арад түмэниинь дайсанда диилдээ, хэншье туһалнагүй. Дайсад тэрээн руу хаража, хүсэгүй байра байдалыень наадалан энеэлдэнэ.

Гашуудал 2:9

Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Гашуудал 3:61

Намайе шоо үзэжэ байхыень, намтай юу хэхэеэ һанаһыень Та харанат.

Гашуудал 5:1

Эзэн! Бидэнтэй юу болоһые һаныт! Маанадай доромжологдоһониие харыт, үзыт!

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.