Наум 2:13 - Библи

¹³ «Харагты даа, Би таанадые хэһээхэб! – гэжэ Түмэн Сэрэгтэ Эзэн айладана. – Дайшалхы тэргэнүүдыетнай гал дүлэндэ шатаахаб, һэлмээр сабшан, үхи хүүгэдыетнай усадхахаб, олзо оршыетнай хүрьһэтэ дэлхэйһээ үгы хэхэб. Дэлхэйн арадуудые баадхажа, занажа байдаг элшэнэрэйтнай абяа дуун бэшэ дуулдахаяа болихо».

Наум 2:13 Referencias Cruzadas

4 Хаан түрэнүүд 18:17

Ассириин хаан Лахиишһээ Иерусалим руу Хэзэкияа хаанда өөрынгөө Тартан, Раб-Сарис ба Ассириин түшэмэл ноён гурбые олон сэрэгтэй хамта эльгээбэ. Тэдэнэр Иерусалимда дүтэлжэ, харгын хажууда бүд будажа сагаан болгодог газарта, хэмэл ехэ сөөрэм руу уһа урадхуулдаг һубагай хажууда тогтоод,

4 Хаан түрэнүүд 18:19

Ассириин түшэмэл ноён тэдээндэ хандажа: – Хэзэкияа хаанай бэедээ найдан байһанай шалтагаан юун бэ гэжэ Ассириин агууехэ хаанай мэдэхэеэ һанаһан тухай хэлэбэ:

4 Хаан түрэнүүд 19:23

Элшэдээрээ дамжуулан ши Эзэниие гомодхообош! Ши иигэжэ хэлэбэш: Тэргэнүүд намда олон, тэдэнтэеэ хамта хаданууд дээрэ, Ливаанай шэлэ хүтэлнүүд дээрэ гарааб. Ливаанай үндэр хушануудые, Тэрэнэй эгээн һайн кипарис модонуудые таһа сабшааб. Тэдэнэй эгээн саада орьёлнуудта гарааб, тэдэнэй эгээн буртаг шэрэнгитэй, хүбшэ ойдо орооб.

4 Хаан түрэнүүд 19:9

Күүшэй хаан Тирһаакаагай дайгаар ерэжэ байһан тухай Ассириин хаан дуулажа, элшэнэрые иимэ бэшэгтэйгээр Хэзэкияа хаанда эльгээбэ:

2 Угай бэшэг 32:19

Хүнэй гараар бүтээһэн хүрэг мэтээр, дэлхэйн арадуудай юрын бурхадта адли гээд Иерусалимай Бурхан тухай тэдэ хэлээдшье абаа.

Псалманууд 46:9

Үндэһэтэдые Бурхан захиран байна; Бурхан нангин сэнтиидээ залараа.

Ерэмияа 21:13

Иерусалим хото, Би урдаһаашни тулахаб. «Хэн маанадта хүрэжэ шадахаб? Хэн манай бэхижүүлгые сохин гаража, манай гэр байрануудта орожо ерэхэ юм?» гэлдэнэт.

Ерэмияа 46:14

Египедэй хотонууд соо энээн тухай соносхогты – Мигдоол, Ноот, Тахпанхээстэ, бэеэ аршалхаяа зэһэгты, бүхы юумэншни һалгаагдахал.

Ерэмияа 50:31

Вавилооной улад зон, таанад бардам зантайт. Тиимэһээ Би, Түмэн Сэрэгтэ Эзэн Бурхан, таанадай урдаһаа тулахаб. Таанадые Минии хэһээхэ саг ерэбэ.

Ерэмияа 51:25

Вавилоон, ши бүхы орон дэлхэйе усадхажа байгааша хада уула мэтэш. Би, Эзэн, шинии урдаһаа тулахаб. Шамайе абажа, дээрэһээ унагаажа, шатанхай, үнэһэн тоброог болгон орхихоб.

Эзэкээл 13:8

Тиимэһээ Эзэн Бурхан иигэжэ айладхана: – Таанад худалаар хэлэнэт, үзэлтнайшье худал. Тиимэһээ Би таанадай урдаһаа тулахаб.

Эзэкээл 21:3

Минии тэдэнэй урдаһаа тулахаяа, һэлмэеэ хуйһаань һугалаад, һайн, муушье зониие бултыень хюдахаяа байһан тухайм дуулга.

Эзэкээл 26:3

Энээнэйнь түлөө Би, Эзэн Бурхан, Тиирэй урдаһаа тулахаб! Далайн долгинуудаа туун асардагтал мэтэ Би Тииртэ добтолхыень олон үндэһэ яһатадые эльгээхэб!

Эзэкээл 28:22

Зондонь Минии иимэ үгэнүүдые дуулга: Би, Эзэн Бурхан, танай дайсамби! Таанадтай үйлэдэһэн хэрэгэйнгээ ашаар Би алдар солоёо элирхэйлхэб.

Эзэкээл 29:10

Тиимэһээ Би шинии болон голойш урдаһаа тулахаб! Би Египедэй газарые хойто зүгэй Мигдоол хотоһоо эхилээд, урда зүгэй Сиһээн хото хүрэтэр, юрэдөө, дууһан Эфиопиин хилэ хүрэтэр ханха зайдан хооһон тала болгохоб.

Эзэкээл 29:3

Иигэжэ тэрээндэ хэлэ: Египедэй фараон, голой дунда хэбтэжэ байгша мантан крокодил мэтэш, «энэ Нил мүрэн минии, би тэрэниие өөрөө бүтээгээб» гэжэ хэлэнэш. Харин Би, Эзэн Бурхан, шинии урдаһаа тулахаб!

Эзэкээл 35:3

Тэдээндэ Минии иигэжэ айладхаһые хэлэ: Би, Эзэн Бурхан, урдаһаатнай тулахаб! Орон нютагыетнай хубхай хооһон тала болгохоб!

Эзэкээл 38:3

Мээшэх болон Тубаал хан түрэнүүдэй зонхилогшо Гоог! Би, Эзэн Бурхан, урдаһаашни тулахаб!

Эзэкээл 39:1

– Хүнэй үри Эзэкээл! Гоогые шүүмжэлжэ, иигэжэ тэрээндэ дуулга: Мээшэх болон Тубаалай ноёншье һэн гэлэйш, харин Би, Эзэн, шинии урдаһаа тулахаб!

Эзэкээл 5:8

Би, Эзэн Бурхан, таанадта иигэжэ дуулганаб: Би таанадай дайсан болооб. Үндэһэ яһатадай хараһаар байтар Би таанадые шүүбэрилэн хэһээхэб.

Наум 2:12

Гүлгэдөө болон эмэ арсаланаа дүүрэн садхаахын тула олзоёо таһа татан алажа, байдаг нүхэеэ тэрэ мяхаар дүүргэгшэ арсаландал адли һэн тэдэ.

Наум 3:1

Худал болон дээрмэшэлгээр дүүрэнхэй шуһата хотодо гай тодхор буугаа! Дээрмэшэлгэ тэндэһээ һаланагүй.

Наум 3:12

Эдеэшэһэн жэмэстэй инжир модондол адли бүхэлэлтэнүүдшни! Халта һэгсэрхэдэ, тэдэ залгихаар бэлэн хүнэй аман руу сэхэ унахал!

Наум 3:15

Теэд энэ ямаршье туһагүй, юуб гэхэдэ, тэндэ ши гал дүлэндэ шатахаш, һэлмэдэ сабшагдахаш, бүхы ургаса таршаа шумуулда дууһан эдигдэдэгтэл, ши оро һэегүй үгы болохош.

Наум 3:5

– Үзөөрэй даа, Би шамайе хэһээхэб! – гэжэ Түмэн Сэрэгтэ Эзэн айладхана. Хормойеш нюур хүрэтэршни шуужа, арадуудта шинии нюсэгэн бэе, хаан түрэнүүдтэ эшхэбтэр юумыеш харуулхаб!

Нүүнэй Иисүүс 11:6

Эзэн Иисүүстэ хэлээ: – Тэдээнһээ бү ай, үглөөдэр, энэ үе багта, тэдээниие Би Израилиин хүбүүдэй гарта сохихынь үгэхэб; моридойнь шүрбэһэ таһа отолоорой, байлдаанай хоёр сахаригта тэргэнүүдынь шатаагаарай.

Нүүнэй Иисүүс 11:9

Иисүүс тэдээниие Эзэнэй хэлэһэн ёһоор шиидхээ – моридойнь шүрбэһэ таһа отолоо, байлдаанай хоёр сахаригтануудынь шатаагаа.