Наум 1:7 - Библи

⁷ Эзэн болбол ашата һайн. Гай зоболоной сагта бата бүхэлэлтэ мэтээр Тэрэ зониие аршалдаг. Өөртэнь этигэн найдадаг зондоо Тэрэ һанаагаа табин харгалзадаг.

Наум 1:7 Referencias Cruzadas

1 Угай бэшэг 16:34

Эзэндэ магтаал үргэгты, юуб гэбэл, Тэрэ һайн, энэрэл хайрань хэтэ мүнхэдөө!

1 Угай бэшэг 5:20

Байлдаанай үедэ тэдэнэр Бурханда ехээр этигэн найдажа мүргэбэ. Тэдэниие Бурхан дуулаба, һагаарнуудые, бүхы зөөри зөөшэнүүдыень тэдэнэртэ эзэмдүүлэн үгэбэ.

2 Угай бэшэг 13:18

Израилиин улад зон номгоржо, Иудын зон үбгэ эсэгэнэрэйнгээ Эзэн Бурханда найдадаг байһандаа илалта туйлаба.

2 Угай бэшэг 32:11

«Эзэн Бурхамнай Ассириин хаанһаа бидэниие абарха» – гэжэ Хэзэкияа хэлэхэдээ, эдихэ эдеэгүй, ууха ундагүй болоод үхэхыетнай һанана бэшэ аал?

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

2 Угай бэшэг 32:8

Тэрэ хүнэй талаар хүсэтэй, харин маанадтай хамта Эзэн Бурхамнай! Тэрэ бидэндэ туһалха, байлдаануудта маанадтай хамта дайлалдаха. Арад зон хаанайнгаа үгэнүүдые шагнаад, шанга зоригтой болобо.

Эзраа 3:11

«Магтагты!», «Эзэн Бурханаа алдаршуулагты!», «Энэрхы хадаа Тэрэ Израилиие хододоо үмэгшэлхэ!» гэхэшэлэн олон магтаал дуунуудые дуулабад. Эзэнэй һүмын һууриин табигдаһантай дашарамдуулан бүхы зон Эзэндээ соло магтан хашхаралдаба.

Псалманууд 1:6

Юуб гэбэл, Эзэн зүб шударга зоной замые хинадаг, харин хорото муу зон үхэлэй харгыгаар шэглэдэг.

Псалманууд 100:5

Дүтын хүнөө нюусаар муулажа байгаашадые усадхахаб, бардам харасатай, дээрэлхүү зантай хүниие тэсэжэ байхагүйб.

Псалманууд 20:1

[Дуунай бүлэгэй хүтэлбэрилэгшэдэ: Давидай псалма.]

Псалманууд 25:8

Эзэн! Танай нангин үргөөдэ, алдар солынтнай оршодог газарта дуратайб.

Псалманууд 27:5

Тэдэ Эзэнэй ажал хэрэгүүдые, бүтээлнүүдыень ойшоодоггүй. Энээнэй түлөө Эзэн тэдэниие усадхажа, дахин бодхоохогүй.

Псалманууд 46:2

Бүхы арадууд, альга ташагты! Баярта хашхараагаар Бурханиие магтагты!

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Псалманууд 71:3

Хадаһаа зондо һайн байдал, гүбээнүүдһээ үнэн зүб ерэг лэ.

Псалманууд 86:7

Дууладаг, лимбэ дээрэ наададаг зон «эхин булагуудни шам дотор байна» гэхэ.

Псалманууд 9:10

Дарлагдаад байгаа хүндэ Эзэн хорохо газар, бэрхэшээлтэй сагта хоргодохо газар болохо.

Псалманууд 91:15

Тэдэ хүгшэрөөшье һаа, жэмэс үгэнэ, тэдэ шүүһэлиг, ногоон.

Һургаал 18:10

Эзэнэй нэрэ бата бэхи хэрэм. Үнэн шударга хүн тиишээ тэрьелээд, абаралта олоно.

Исай 25:4

Та үгытэйшүүлдэ хамгаалалтань, ядуу зондо түшэг тулгуубаринь боложо, шуурганһаа хоргодохо газар, халуунһаа халхалха һүүдэрынь болоо бэлэйт. Хэрзэгы дайсадай добтолгонь шулуун ханын урдаһаа ороһон бороо шуургандал һэн.

Исай 32:2

Эдэ удамаршадай хүн бүхэниинь һалхинһаа хорохо газар, шуурганһаа халхалха халхабша мэтэ, хуурай газараар урдагша уһанай һубаг, ангаһан-хатаһан газарта үндэр хабсагайн һүүдэр мэтэ болохо.

Исай 50:10

Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!

Ерэмияа 16:19

Эзэмни, Та минии хүсэ шадал, минии Хамгаалагшат! Гай зоболоной үедэ намда туһалнат. Газар дэлхэйн захаһаа үндэһэтэд Танда ерэжэ: Манай үбгэ эсэгэнэр гансал худал хуурмаг бурхадтай, ямаршье аша туһагүй шүтөөнүүдтэй байгаа.

Ерэмияа 17:17

Намайе ухаа алдуулан айлгажа бү байгыт. Гай тодхорой үедэ Та минии аршалалтат.

Ерэмияа 24:5

– Би, Израилиин Эзэн Бурхан, Вавилоон руу Иудаһаа туужа абаашагдаһан улад зон энэ һайн инжиртэл адли гээд тоолоноб. Би тэдээндэ һайнаар хандахаб.

Ерэмияа 33:11

баяр, хүхилдөөнэй, түрэ хуримай абяануудые соносохот. Зоной дуу дуулахые шагнахат. Тэдэ хадаа баяр баясхалан хүргэн, Минии Һүмэ соо үргэл хэхэ. Тэдэ иигэжэ хэлэн байхал: «Түмэн Сэрэгтэ Эзэндэ баясхалан хүргыт. Тэрэ хадаа угаа һайн. Тэрэнэй үршөөл хайра мүнхэ». Би энэ орон нютагые урданайхидань адли амжалта түгэс болгохоб. Энэ болбол Би, Эзэн, айладхана мүн!

Гашуудал 3:25

Өөртэнь найдадаг зондо, Өөр руунь тэгүүлэгшэдтэ Эзэн һайнаар хандадаг.

Даниил 3:28

Навуходоносор: – Шадраахай, Мэшаахай, Абээд-Нэгоогой Бурханда магтаал үргэгты! Тэрэ тэнгэриин Эльгээмэлээ эльгээжэ, Өөртэнь этигэдэг богоолнуудаа абараа! Эдэ зон минии захиралта дуулангүй, ами наһаяа хайрлангүй, өөрын Бурханһаа ондоо бурхадта шүтэн мүргэхэеэ арсаал!

Даниил 6:23

Хаан угаа ехээр баярлажа, Даниилые нүхэнһөө гаргаха гэжэ захирба. Тэрэниие нүхэнһөө гаргахадань, ямаршье шарха шулгархайгүй гэжэ элирбэ. Бурхандаа этигэдэг байһанайнгаа түлөө тэрэ бүрин бүтэн гарасалдаа гээшэл.

Ёһээл 3:16

Эзэн Сионһоо нэерэн, Иерусалимһаа дуугаа шангадхаха. Газар тэнгэри шэшэрхэ. Гэбэшье Эзэн арад түмэнэйгөө хорохо газар, Израилиин хүбүүдэй бата тулга болохо.

Цэпаанияа 3:12

Харин юрын, даруу зантай зониие үлөөхэб, тиихэдэм тэдэ Намда зальбаран байха.

Матвей 27:43

Тэрэ Бурханда найдадаг байгаа, Өөрыгөө Бурханай Хүбүүнби гэжэ нэрлээ. Зай, тиигэбэл, Бурханда хэрэгтэй юм һаань, Бурхан Тэрээниие абараг лэ! – гэлдэбэ.

Матвей 7:23

Тиихэдэнь Би одоо: «Би хэзээшье таанадтай танил байгаагүйб. Холо бологты Намһаа, нүгэлтэ зон», – гэжэ харюусахалби.

Иоанн 10:14

Би хадаа шударгуу һайн адуулагшаб. Би Өөрын хонидые мэдэдэгби, Минии хонидшье Намайгаа мэдэдэг.

Иоанн 10:27

Минии хонид үгыемни дууладаг, Бишье тэдэнээ мэдэхэб, тэдэмни Минии хойноһоо дахажа ябана.

Римэйхиндэ 11:22

Бурхан ямар үршөөл хайратай, ямар уур сухалтай байдаг бэ гэжэ таанад эндэһээ харабат. Бурхан Өөртэнь үһэрхэһэн зондо уур сухалтайгаар, зүгөөр Тэрэнэй үршөөл хайрада байһан танда үршөөл хайратайгаар хандадаг. Тэрэнэй үршөөл хайрадань оршоогүй һаатнай, таанадые баһал таһалжа хаяха.

Галадуудта 4:9

Мүнөө таанад Бурханиие мэдэһэн аад лэ, тодорхойлон хэлэбэл, Бурханай таанадые мэдэһэн хойно таанад яагаад һүр хүсэгүй, ахир тулюур хүсэнүүдтэ дахин бусабат, тиигээд тэдэндэ алба хэхэеэ һанабат?

Тимофейдэ 2-дохи 2:19

Тиигэбэшье Бурханай татаһан бата һуури хүдэлөөгүй. «Эзэн Өөрынгөө хүнүүдые мэдэхэ», «Эзэнэй харьяалда орооб гэжэ хэлэһэн хүн нүгэлтэ хэрэгүүдые хэхэеэ болихо ёһотой» гэһэн үгэнүүдтэй тамга тэрэ татагдаһан һууриндань табигданхай байна.