Наум 1:4 - Библи

⁴ Тэрэнэй зэмэлхэдэнь, далай хатадаг, бүхы голнууд шэргэдэг. Башаан болон Кармээл хатажа эхилдэг, Ливаанай набша намаа ганхадаг.

Наум 1:4 Referencias Cruzadas

Эхин 8:1

Тиигээд Бурхан Ной тухай, тэрээнтэй суг ханза-онгосо соо ябаһан амитадые һанаандаа оруулжа, һалхи үлеэлгэхэдэнь, үерэй уһан татажа эхилбэ.

2 Хаан түрэнүүд 22:16

Эзэнэй дуу хоолойһоо, уур сухалта амисхаалһаа уһанай эхин үзэгдэбэ, газарай һууринууд эли гараба.

Псалманууд 104:7

Тэрэ бол манай Эзэн Бурхан, бүхы дэлхэйгээр Тэрэнэй зарга шүүлгэн.

Псалманууд 106:9

Юуб гэбэл, Тэрэ ангаһан зониие ундалуулаа, туража үхэжэ байгшадые эдеэлүүлээ.

Псалманууд 114:3

Үхэлэй уяанууд намайе орёогоо, Үхэлэй ороной гай тодхортой намда хүрөө, зоболон ба уйдхар гашуудалтай ушарааб.

Псалманууд 114:5

Эзэн нигүүлэсхы ба зүб шударга, Бурхамнай хайрладаг.

Исай 33:9

Газар гашуудан хатаба. Ливаанай ой модоной набша уршын хатана, Шароон гэдэг үрэжэлтэ һайн газар элһэн сүл губидал адли болоо, Башаан ба Кармээлдэшье мододой набша шарлан унана.

Исай 42:15

Уула гүбээнүүдые үгы хэн, бүхы үбһэ ногоо хатаахаб. Голой нюрууе элһэн сүл губи болгожо, сөөрэмүүдые шэргээхэб.

Исай 44:27

Минии тэнгис далайда захирхада, уһаниинь шэргэжэ хатадаг.

Исай 51:10

Абарһан зонойнгоо гаталан гарахын тула далайе шэргээжэ, гүн уһые харгы зам болгогшонь мүн лэ Та бэлэйт.

Эзэкээл 30:12

Нил мүрэниие хатаахаб, муу муухай зоной мэдэлдэ Египедэй газар уһа дамжуулхаб. Хариин зониие эльгээжэ, газарыетнай зэлүүд хооһон болгохоб. Энэ болбол Би, Эзэн, айладхана мүн!

Эзэкээл 38:20

Дэлхэйн амитан бүхэн – загаһа жараахай, шубуу шонхор, ан арьяатан, мүлхидэг амитад, хүншье Намһаа айха. Хаданууд хамхаран унаха, хабсагайнууд нураха, хотонууд һандарха.

Амоос 1:2

Амоос иигэжэ хэлээ: Сион хадаһаа Эзэн арсаландал архирха, Иерусалимһаа хоолойнь ханхинан нижаганаха. Хонидой бэлшээринүүд хуурай болон гашуудаха, Кармээл хадын орой шарлан-харлан хатаха.

Амоос 5:8

Зургаан мүшэд, Ориониие байгуулагша, бүдэг гэрэлые үглөөнэй туяа, үдэрые харанхы һүни болгогшо, далайн уһанда захиран дуудажа, бүхы дэлхэйгээр тараан урдахуулагша гэбэл, Эзэн мүн!

Матвей 8:26

– Таанад юундэ иигэтэрээ айгаабта? Һүзэг этигэлээр хомор байнат даа, – гэжэ Иисүүс тэдэндээ хэлэбэ. Тиигээд хүл дээрээ бодожо, дошхон һалхинда, далайн долгинуудта зогсохыень захирба. Тиихэдэнь оршон тойрон огто аалин намдуу болошобо.

Нүүнэй Иисүүс 3:16

дээрэһээ урдаһан уһан Царэтаанай хажуудахи Адаам хото хүрэтэр ехэ зайда хана болобо; талын далай, Дабһата далай руу урдаһан уһан шэргэн дууһаба.