Наум 1:15 - Библи

¹⁵ Харыт, һайн мэдээ асардаг, амар амгаланиие соносхогшо хада уула дээрэ ерээд байнал! Оо, Иуда, найр наадануудаа тэмдэглэн, тангаригуудаа бэелүүлэ. Юуб гэбэл, зохисгүй нэгэн шамаар гаража ябахагүй – тэрэ бүримүһэн усадхагдаа.

Наум 1:15 Referencias Cruzadas

Псалманууд 107:8

Бурхан нангин үргөөдөө иигэжэ айладхаа: «Угаа баярлан, Шэхээмые хубаахаб, Суккоот нюруугай газар хэмжэхэб.

Исай 41:27

Би, Эзэн Бурхан, эгээл түрүүлэн Сиондо мэдээ дуулгаа һэм, «Зонтнай гэртээ бусажа байна!» гэжэ Иерусалимда соносхохыень Бил элшые эльгээгээ бэлэйб.

Исай 42:11

Элһэн сүл губи, хотонуудынь Бурханиие магтаг лэ, Кэдаарай улад зон Тэрэниие магтаг, Сээлын ажаһуугшад уулын оройһоо баярлан хашхарха болтогой!

Исай 52:1

Сион, һэрииш, һэрииш, дахин хүсэ шадалаа нэмэрыш! Нангин хото Иерусалим, алдар солынгоо хубсаһа үмдыш! Буруу номнолтон ба бэеэ арюудхаагүй зон шинии бартаануудаар бэшэ орохогүй.

Исай 52:7

Энхэ тайбаниие соносхожо, һайн мэдээ асаран, абарал зарлажа, «Танай Бурхан хаан түрэеэ бахим баряа!» гэжэ Сиондо хэлэжэ, һайн мэдээсэл дэлгэрүүлэгшын алхамууд хэды дэмбэрэлтэйб!

Ёһээл 3:17

«Тиихэдэ таанад Намайе Өөрын нангин уулада оршодог таанадай Бурхан, Эзэн мүн гэжэ мэдэхэ болохот. Иерусалим арюун боложо, хойто үедэ хари хүнүүд тэрэниие дайран үнгэрхэеэ болихо.

Левит 23:2

– Израильшуудта Эзэнэй һайндэрнүүд тухай, нангин суглаагаа тэрэ үдэрнүүдтэ татаха тухай тунхагла. Энэ минии һайндэрнүүд гээшэ:

Левит 23:4

Энэ Эзэнэй һайндэрнүүд гээшэ, нангин суглаануудые саг соонь үнгэргэхэ ёһотойт.

Наум 1:14

Ассири, шам тушаа Эзэн иимэ захирал буулгана: «Нэрыеш зүүхэ үри һадаһад бэшэ байхагүй. Бурхадайш гэрһээ шүтээн болон шудхамал хүрэгыеш абан хаяхаб. Би шамда хүүр булаша бэлэдхэхэб, юуб гэбэл, ши жэгшүүритэй муухайш!»

Лука 2:10

Эльгээмэл тэдээндэ хэлэбэ: – Бү айгты! Би бүхы арад зониие ехэтэ баясуулха һайн мэдээсэл таанадта дуулгахаяа ерээб:

Хэрэгүүд 10:36

Амгалан байдал тухай номнолые Бурхан Иисүүс Христоосоор дамжуулан, бүхы Израилиин зондо айладхаа. Иисүүс Христоос хүн бүхэнэй Эзэн гээшэ.

Римэйхиндэ 10:15

Тиихэдэ номногшодые ябуулаагүй һаа, яажа мэдээсэлые номнолтойб? «Һайн Мэдээсэл дэлгэрүүлэгшын алхамууд хэды дэмбэрэлтэйб», – гэжэ Нангин Бэшэг соо хэлэгдэнэ.