Наум 1:14 - Библи

¹⁴ Ассири, шам тушаа Эзэн иимэ захирал буулгана: «Нэрыеш зүүхэ үри һадаһад бэшэ байхагүй. Бурхадайш гэрһээ шүтээн болон шудхамал хүрэгыеш абан хаяхаб. Би шамда хүүр булаша бэлэдхэхэб, юуб гэбэл, ши жэгшүүритэй муухайш!»

Наум 1:14 Referencias Cruzadas

4 Хаан түрэнүүд 19:37

Нэгэтэ тэрэнэй өөрынгөө Нисроох бурханай һүмэ соо мүргэл хэжэ байхада, тэрэнэй Адраммээлэх, Шарээцэр гэжэ хоёр хүбүүд эсэгээ һэлмээр сабшан алаад, өөһэдөө Арараат нютаг руу зугадаба. Сэннахэриибэй орондо Эсархаддоон гэжэ хүбүүниинь хаан шэрээ эзэлээ һэн.

2 Угай бэшэг 32:21

Эзэн Эльгээмэлээ ябуулжа, тэрэ Ассириин сэрэгые ноёд һайдтайнь хамта хюдаба. Иигэжэ Ассириин хаан өөрынгөө газар руу нэрээ хухараад бусаа һэн. Тиигээд тэрэнэй өөрынгөө бурханай һүмэ соо мүргэл хэхэеэ ерэхэдэ, тэрэнэй түрэһэн хүбүүд эсэгээ һэлмээр сабшан алаа бэлэй.

Псалманууд 71:3

Хадаһаа зондо һайн байдал, гүбээнүүдһээ үнэн зүб ерэг лэ.

Египедһээ гаралга 12:12

Харин Би тэрэ һүниндөө Египет орониие һэтэ гаража, тэндэхи хамаг зоной гэр бүлэдэ түрэһэн ехэ хүбүүдэйнь, малайнь түрүүшын эрэ түлнүүдэй ами таһалан нэрбэхэб. Египедэй бурхан шүтөөнгүүдые бүгэдые хэһээхэ Эзэн мүн гээшэб.

Һургаал 10:7

Үнэн ёһото ябадалтай хүн һайн дурасхаал үлөөнэ, нүгэлтэ хүнэй нэрэ үгы болодог.

Исай 19:1

Энэ болбол Египет тушаа зүн. Эзэн хурдан үүлэ хүлэглэн, Египет руу ерэжэ ябана. Египедэй шүтөөнүүд Тэрэнэй урда шэшэржэ, Египедэй зон айжа-һүрдэжэ байна.

Исай 33:13

Холо, ойрын арад яһатан, Минии хэһэн үйлэ хэрэгүүд тушаа шагныт, Минии хүсэ шадалые мэдэрэн ойлгыт!

Ерэмияа 50:2

Үндэһэ яһатанда һураг суу дуулгагты! Соносхогты! Дохёо тэмдэг үгэжэ, дуулгагты! Нюужа бү байгты! Вавилоон һалаа! Бээл нэрээ хухараа! Мэродаах бурханиинь бута һүрөө! Вавилооной хүрэгүүд эшхэбтэр зүйл болоо, шүтөөнүүдынь бута сохигдоо!

Даниил 11:21

Хаан болохо ямаршье эрхэгүй, жэгшүүрилтэ муу хүн тэрэнэй орондо заларан гараха. Тэрэ гэнтэ бии боложо, мэхэ гохын аргаар хаан болохо.

Даниил 5:27

Текел – «Шэгнүүр дээрэ шэгнэгдэжэ, ши хүнгэнши гээд элирбэ»;

Левит 26:30

Тахилай үндэр газарнуудыетнай һандаргаахаб, нангин баханануудыетнай эбдэхэб. Танай үхэһэн бэенүүдые бутархай һүлдэ хүрэг дээгүүртнай тараахаб. Үнэнхэ зүрхэнһөө Би таанадһаа жэрхэхэб.

Михей 5:13

Хүрэг онгонуудыеш, мүргэдэг баханануудыеш хажууһаашни усадхахаб, тиихэдэм өөрынгөө хэһэн бүтээлнүүдтэ һүгэдэн мүргэхэеэ болихош.

Михей 5:14

Ашэраа бурханда мүргэдэг модон баханануудыеш үгы хэжэ, хотонуудыеш усадхахаб.

Аввакуум 2:10

Олон арадуудые усадхажа, нүгэл үйлэдөөш. Иигэжэ гэр бүлэдөө ши гай тодхор татабаш.

1 Хаан түрэнүүд 3:13

Хүбүүдэйнгээ Намайе, Бурханиие, хараадагые мэдэжэ байгаад, тэдэниие баридаггүй байһанайнь түлөө, иимэ гэм зэмэй түлөө тэрэнэй гэр бүлые хэтэ мүнхэдөө хэһээхэб гэжэ Би тэрээндэ айладхаа бэлэйб.