Михей 7:8 - Библи

⁸ Минии дайсан, намһаа боложо бү баяса! Би хэды унаашье һаа, бодохоб. Харанхыда хэды байгаашье һаам, Эзэн минии гэрэл юм.

Михей 7:8 Referencias Cruzadas

Иоов 31:29

Дайсанай хосорхые хараад, би баярлажа байгаагүйб.

Псалманууд 112:4

Эзэн бүхы үндэһэтэд дээгүүр, алдар солонь тэнгэри дээгүүр.

Псалманууд 143:3

Эзэн, хүн гээшэ юун байһандань Та тэрээн тушаа һанаагаа табинабта? Хүнэй хүбүүн гээшэ юун байһандань Та тэрээн тушаа бодонобта?

Псалманууд 20:8

Дээдэ Эзэн, Танда хаан найдадаг, Танай хайрын ашаар тэрэ ганхахагүй.

Псалманууд 27:1

[Давидай зохёоһон.] Минии аршалалта Эзэн, Таниие дууданаб! Дуугүй бү байгыт! Дуугүй байбалтнай, үхэһэн хүндэ адли болохолби.

Псалманууд 37:21

Һайн руу эрмэлзэдэг туламни туһые уһаар харюулдаг зон урдаһаам тулана.

Псалманууд 84:11

Энэрэл хайра болон үнэн хамта уулзаха, зүб шударга болон амгалан тайбан таалалдаха.

Исай 2:5

Яковай үри һадаһад, ерэгты, Эзэнэй гэрэл туяа соо алхалан ябая!

Исай 49:9

Хаагдаатай байһан зондо «гарагты» гэжэ хэлэхэб, харанхы соо оршогшо хүнүүдтэ «наашаа үзэгдэгты» гэхэб. Харгын хажуугаар тэдэ бэлшээри олохо, гүбээнүүд бэлшэхэ газарынь болохо.

Исай 50:10

Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!

Исай 9:2

Харанхы мунхагта алхалжа ябаһан зон тон ехэ гэрэл туяа үзэбэ! Үхэлэй ороной һүүдэртэ һуугаашадта гэрэл туяа сасарба.

Ерэмияа 48:27

Моһаабай зон, һанана гүт, таанад Израилиин уладые наада барижа, хулгайшандал адляар тэрээндэ хандан доромжолжо байһанаа?

Ерэмияа 50:11

Эзэн иигэжэ айладхана: – Вавилооной улад зон, таанад Минии арад түмэниие тоноот. Жаргажа, налайжа, таряа сохижо байһан үнеэндэл ябабат, азаргадал инсагаалнат.

Ерэмияа 8:4

Эзэн Өөрынь арад түмэндэ иигэжэ хэлэхыемни захираа: – Хүн унабал, дахин бододоггүй юм гү? Харгыһаа хадуурбал, һөөргөө бусадаггүй юм гү?

Эзэкээл 25:6

Израилиин гай тодхорто таанад альгаа ташажа, собхоржо дэбһэжэ баясан байгаа бэлэйт.

Эзэкээл 35:15

Израилиин һалан һандаржа байхада баясажа байгаа бэлэйш. Тон тиимэ юумэн шамтай тохёолдохо: Сэһиирэй хадалиг улас, хамаг Эдоом орон нютаг хооһорон һандарха. Тиихэдэ хүн бүхэн Намайе Эзэн гээд ойлгохо.

Эзэкээл 36:5

Угаа ехээр уурлан, тэдэ арадуудай, илангаяа Эдоомой арад түмэнэй, урдаһаа тулахаб гэжэ айладханаб! Таанадые баһан, тэдэ бусадһаа шангаар энеэгээ бэлэй, газар бэлшээрииетнай эзэмдээ.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Авдии 1:12

Өөрын дүүгэй золгүй тэрэ үдэр бардамлаха бэшэ, Иудын зоной һүйдхэлтэ үдэр баясаха бэшэ, тэдэнэй зоболонгой үдэр энеэжэ байха бэшэ байгааш.

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.

Михей 7:10

Дайсамни энээниие хараад, эшэн улайха. «Эзэн Бурхантнай хаана гээшэб?» – гэжэ асуужа тэрэ байгаа бэлэйл. Гудамжануудаар гэшхэгдэдэг шабартал адляар тэрэнэй гэшхэгдэн, доромжолуулагдан байгаашые би харахаб.

Захарияа 12:8

Тэрэ үдэр Эзэн Иерусалимда оршон һуугшадые хамгаална. Тэдэнэй дорой нэгэниинь Давид мэтэ боложо, Давидай гэр Бурхан мэтэ, тэдэнэй үмэнэ Эзэнэй тэнгэриин Эльгээмэл мэтэ байха болоно.

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Матвей 4:16

харанхы мунхагта һуугаашад тон ехэ гэрэл туяа үзэбэ! Үхэлэй ороной һүүдэртэ һуугаашадта гэрэл туяа сасарба!»

Иоанн 16:20

Таанарта үнэн зүбые хэлэнэб: уйлахат, гашуудахат, харин дэлхэйн зон баярлаха, хүхихэ. Түрүүшээр уйдхар гашуудалда абтахат, теэд удаань баярлахат.

Иоанн 8:12

Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Коринфынхидтэ 2-дохи 4:9

Бидэниие мүрдэбэшье, бидэ нүхэдгүй үлэдэггүйбди. Даруулбашье, бидэ үхөөгүйбди.

Гэршэлгэ 21:23

Хотын һаруул гэрэлтэй байхын тула нара, һарашье хэрэггүй байгаа, юундэб гэбэл, Бурханай алдар солонь хотые гэрэлтүүлээ. Хурьган Тэрэнэй дэнгынь мүн.

Гэршэлгэ 22:5

Тэндэнь дахин һүни болохогүй, тэдэндэ дэнгэйшье гэрэл, наранайшье туяа ондоо хэрэггүй, юуб гэбэл, тэдэниие Эзэн Бурхан гэрэлтүүлхэ. Тиин тэдэнэр хэтын хэтэдэ хаан түрэ засаг барижа байха.