Михей 7:17 - Библи

¹⁷ Тэдэ шорой тооһондо могой, нүхэ һүбэһөө газарай хорхой мэтэ мүлхин гараха, Эзэн Бурханһаамнай айн шэшэрэлдэхэ.

Михей 7:17 Referencias Cruzadas

2 Хаан түрэнүүд 22:46

Хариин улад зон зүрхөө алдажа, хороһон газарһаа шэшэрэлдэн гарана.

2 Угай бэшэг 17:10

Иудын хажуугаар оршодог хан түрэнүүдые Эзэн Иудаһаа айдаг болгобо. Тиимэһээ тэдэ Ёшапаадтай дай үүдхэдэггүй бэлэй.

Псалманууд 72:11

«Бурхан яагаад мэдэхэб даа? Дээдэ Эзэн мэдэхэ юм аал?» – гэжэ тэдэ хэлэнэ.

Псалманууд 72:9

Амаа огторгой руу ангайн, хэлэниинь газараар тэнэгшэ.

Псалманууд 9:20

Эзэн, заларыт! Хүнэй бардамынь бү илаг лэ! Үндэһэтэнүүд Танай зарга шүүлгэндэ ерэг лэ!

Исай 25:3

Тиимэһээ хүсэтэй арадуудай улад зон Таниие магтан, алдар соло дуудан байха. Хархис хэрзэгы үндэһэ яһатанай хотонуудта зон Танһаа айн байхал.

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Исай 59:19

Зүүн зүгһөө баруун зүг хүрэтэр бүхы зон Тэрээнһээ, асари ехэ һүр һүлдэһөөнь айха. Голой урасхал, шанга һалхин мэтэ Тэрэ буухал.

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Исай 64:2

Бургааһанай гал дүлэндэ абтадагтал, уһанай гүсэ соо бусалдагтал, үндэһэ яһатад Танай ерэхэдэ доһолхо, шэшэрхэл! Өөрынгөө хүсэ шадал дайсадтаа харуулыт! Үндэһэ яһатадые шэшэрүүлыт!

Исай 65:25

Шоно хурьгадтай хамта бэлшэхэ, арсалан үхэр мэтэ һолоомо эдихэ, шорой могойн хоол болохо. Минии нангин уула дээрэ ямаршье муу, хорото хэрэг ябуулагдахагүй».

Исай 7:19

Дайсад ерэжэ, эзэгүй хооһон хүндыгөөр, хабсагайн хабшуу газараар, үүргэнын һөөгүүдөөр болон бүхы уһатай газарнуудаар буудаллан буужа эзэлхэ.

Ерэмияа 16:16

Эзэн тунхаглана: – Үзөөрэйгты, олон загаһашадые Би эльгээхэб. Тиихэдэм, тэдэ зониие губшан бариха. Удаань олон ангуушадые эльгээхэдэм, тэдэ хада уула, гүбээ бүхэнһөө, хабсагайн забһарнуудһаа зониие агнан намнаха.

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Гашуудал 3:29

«Найдал үшөө бии аалам?» гэжэ тэрэ амаа газарта шоройдон мүргэнэ,

Захарияа 14:5

«Минии уулын хүндыгөөр таанар зугадаха болонот, уулын хүнды Ацээлдэ хүрэхэ юм. Иудын хаан Уззияагай байха үедэ газарай хүдэлэлгэһөө тэрьелһэн шэнги тэрьелхэт». Тиин минии Бурхан болохо Эзэн заларха, Тэрээнтэй хамта хамаг гэгээн сэрэгынь ерэхэ.

Хуули дабталга 32:24

Тиихэдэ тэдэнэр гэдэһээ үлдэн, мүн үбшэ хабшанһаа гээгдэхэ. Би урдаһаань зэрлиг арьяатанай шүдэ, могойн хоро эльгэхэб.

Нүүнэй Иисүүс 9:24

Харюудань тэдэ хэлээ: – Эзэн, шинии Бурхан таанарта бүхы газар үгэжэ, танай урда газар дээрэхи бүхы зониие усадхахынь өөрынгөө богоол Моисейдэ захираа гэһэн мэдээн богоолнуудайш шэхэндэ хүрөө, тиихэдэнь бидэ амиимнай таһалхань гэжэ ехээр айһандаа иимэ юумэ хээбди.

Гэршэлгэ 3:9

Хаража байгаарайт! Өөһэдыгөө еврейнүүд гэжэ тоолодог аад, сатанагай мэдэлдэ байһан уладые танда асараад, хүлдэтнай унан дохихыень баадхахаб. Үнэхөөрөө тэдэнэр еврейнүүд бэшэ, худалаар хэлэнэ. Мүн танда дуратай байһыемни тэдэ улад мэдэхэ.

1 Хаан түрэнүүд 14:11

Тэдэ хоёрой пилиштүүдэй сэрэгэй бүлэгтэ өөрыгөө харуулхадань, пилиштүүд: – Харагты, еврейнүүд хоргодожо байһан нүхэнүүдһээ гаража байна, – гэлдэбэ.