Михей 7:14 - Библи

¹⁴ Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Михей 7:14 Referencias Cruzadas

Псалманууд 100:3

Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

Псалманууд 143:5

Эзэн, тэнгэринүүдээ тонгойлгоод доошоо буугыт, хадануудта гар хүрыт, утаан гараг.

Псалманууд 28:9

Эзэнэй дуу хоолойһоо һогоон тугалладаг, ой модон нюсэгэртэрөө хуу татагдадаг. Нангин үргөөнь Өөртэнь соло магтаалаар дүүрэнхэй.

Псалманууд 95:7

Арад зоной обогууд, Эзэниие магтагты, Эзэнэй алдар соло ба хүсэ шадал магтагты!

Египедһээ гаралга 33:16

Угсаата арадтаа талархажа байһанайтнай гэршэ ямар бэ? Маанадтай ябаха гээшэтнайл болоно! Тиибэл, дэлхэйн ондоо арадуудһаа бидэниие үлүү тооһонойтнай гэршэ энэ мүн лэ даа.

Дуунай дуун 4:1

Инагни, ши үзэсхэлэн гоёш! Яахын арагагүй уран гоёш! Гивлүүрэй саана хоёр нюдэдшни сагаан тагтаа мэтэ энхэрэн нюугданхай. Хөөбэр үһэнэйш намилзан хүдэлхэнь Галаад хадаһаа уруудан ябааша ямаан һүрэгэй зэрэлгээн мэтэл.

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Исай 35:2

Зэлүүд хооһон газар сэнгэн баясажа, баяртайгаар хашхаран хуугайлан байха. Ливаанай хада ууладал энэ угаа һайхан, Кармээл болон Шарооной таряалангуудтал үрэжэлтэ баян болохо. Хүн бүхэн Эзэнэй ялас гэмэ оршол, һүр жабхалан адаглан хараха.

Исай 37:24

Богоолнуудаараа дамжуулан, ши Эзэниие гомодхообош! Ши иигэжэ хэлэбэш: Тэргэнүүд намда олон Тэдэнтэеэ хамта хаданууд дээрэ Ливаанай шэлэ хүтэлнүүд дээрэ гарааб. Ливаанай үндэр хушануудые, тэрэнэй эгээн һайн кипарис модонуудые таһа сабшааб. Тэдэнэй эгээн саада орьёлнуудта гарааб, тэдэнэй эгээн буртаг шэрэнгитэй хүбшэ ойдо орооб.

Исай 40:11

Тэрэ хонишон мэтэ һүрэгөө харюулжа, хурьгадаа суглуулжа, гар дээрээ үргэн, сээжэдээ тэбэреэд, хурьгалһан хонидые дүмүүхэнээр адуулха.

Исай 49:10

Тэдэ гэдэһээ үлдэхэгүй, ангахагүй, ааяма халуунда, наранда ядархагүй. Юуб гэхэдэ, тэдэниие Энэрэгшэнь хүтэлжэ, уһанай сөөрэмүүд руу дахуулха.

Исай 65:10

Минии арад түмэн Намда зальбаран, Шароон газар руу хонидоо, Ахоорой нюруу газар руу үхэрөө туужа адуулдаг байхал.

Ерэмияа 49:31

Ерэжэ байна! Вавилоонойхид, хашалгүй, һанаа амар байгаа арад түмэндэ добтологты! Тэдэнэй хото ямаршье үүдэ үрхэгүй, суургагүй, ямаршье аршалалтагүй.

Гашуудал 1:7

Гай тодхорто үдэрнүүдэй ерэхэдэ Иерусалим урдандаа ямар үнэтэ зүйлые эзэмдэн байдагаа һанан байна. Теэд арад түмэниинь дайсанда диилдээ, хэншье туһалнагүй. Дайсад тэрээн руу хаража, хүсэгүй байра байдалыень наадалан энеэлдэнэ.

Гашуудал 5:21

Эзэн! Маанадые Өөр тээшээ эрьюулыт, бидэ эрьехэбди! Урдандаал адли үдэрнүүдыемнай бусаагыт!

Эзэкээл 36:11

Улад зон, адууһа мал олошорхо, үнэржэн үдэн байха. Иигэжэ таанад хаясаанай бэшэ, олон зоной орон нютаг болохот. Би таанадые урданһаа үшөө ехээр үршөөхэб. Тиихэдэм Намайе Эзэн гээд мэдэдэг болохот.

Левит 27:32

Бодо, жэжэ малай арбанай нэгэ хуби, юрэдөө, малшанай модоор заажа тоолоһон малай арбанай нэгэ хубинь Эзэнэй нангин зөөри гээшэ.

Амоос 9:11

Тиихэдэнь Би Давидай унаһан майханиие дахин бодхоохоб, ханын соорхойнуудые бүглэхэб, һандарһые дахин бүрин бүтэн болгохоб, урдандань адляар заһабарилхаб.

Авдии 1:19

Урда зүгэй зон Эсаавай уулануудые эзэмшэхэ, далайн нюрууда ажаһуудаг зон Пилиштые эзэмдэхэ. Тэдэ Эпрааимай ба Самариин газар нютаг эзэмшэхэ. Бэньямиинэй обог Галаадые эзэмшэхэ.

Михей 5:4

Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Цэпаанияа 3:13

Израилиин үлдөөсэ зон буруу хэрэг үйлэдэхэгүй, худал хэлэхэгүй, мэхэ гохо хэрэглэхэгүй. Тэдэ эдеэ хоолоо барин, амаран, аюулгүй амгалан амидарха.

Захарияа 10:10

Би тэдэниие Египедһээ болон Ассириин газарһаа бусаан асаржа, Галаадай газарта, хүршэ Ливаан орондо түбхинүүлхэб. Тэндэшье газарынь багадажа болохо».

Захарияа 11:7

Нядалхаар илгагдаһан, хариин наймаашадта хабаатай хонин һүрэг Би харюулдаг болобоб. Өөртөө хоёр дулды абабаб. Нэгыень Үршөөл гэжэ дуудаад, нүгөөдыень Нэгэдэлгэ гэжэ нэрлэбэб.

Малаахи 3:4

Тиин Иудын ба Иерусалимай үргэл эртын үдэрнүүдтэ, урдын жэлнүүдтэ шэнги Эзэнэй нюдэндэ дулаан, урин болохо.

Тоололго 23:9

Би байсын оройһоо тэрэниие шэртэнэб, би гүбээгэй оройһоо тэрэниие харанаб. Бусад арадуудтай тэдэ ниилэнгүй, бултадаа тэдэнэр аминдаа ажаһуунал.

Тоололго 32:1

Рэүбээнэй болон Гаадай обогуудай үхэр мал үй түмэн боложо, үхэр мал үдхэн барихада Язээрэй болон Галаадай газар дайданууд һайн гэжэ тэдэнэр хараба.

Матвей 2:6

«Иудейн орон дайдын Бэтлэһээм хото, ши Иудын мэдэлэй бусад шухала хотонуудһаа юугээрээшье дутанагүйш, юундэб гэхэдэ, Минии Израилиин арад зониие хүтэлхэ ехэ ударидагша шамһаа мүндэлэн гараха».

Иоанн 17:16

Тэдэнэр, Намда адли, энэ дэлхэйн зоноор нэгэн бэшэ ха юм.

Хуули дабталга 33:28

Израиль аюулгүй амгалан ажаһууна, Яков орооһо таряагаар, жэмэсэй архяар баян, бороо хурын ородог газар дээрэ гансаараа хашалгүй ажаһууна.