Михей 3:9 - Библи

⁹ Израилиин удамаршад, Яковай гэр бүлын толгойлогшод, энээниие шагныта! Таанад шударга ёһые үзэн ядадаг, сэхэ юумэ гажаадагта.

Михей 3:9 Referencias Cruzadas

Нэхэмьяа 13:17

Би Иудын ноёд һайдые зэмэлбэб. Тиигээд би тэдэнэртэ иигэжэ хэлэбэб: – Таанад яахадаа иимэ муу ябадал гаргажа, субботын үдэрые бузарланабта?

Египедһээ гаралга 3:16

Ошо, Израилиин аха захатаниие суглуула. Тэдээндэ иигэжэ дуулга: таанадай эсэгэнэрэй, Абраһаамай, Исаак ба Яковай Бурхан болохо Эзэн намда ерэжэ, иигэжэ айладаал: «Би Египедтэ ямар байдалтай байһыетнай харабаб.

Һургаал 17:15

Хара һанаатаниие зүб гэгшэ ба үнэн шударга хүниие буруушаагша хоёр Эзэнэй зэбүүрхэл адли түрүүлдэг.

Һургаал 17:23

Шударга байдалые забхайруулхын тулада муу хүн эдилгэ үбэртэлжэ ябадаг.

Һургаал 18:5

Нүгэлтэнэй тала бариха гээшэ хэрэг шүүлгэ дээрэ гэмгүй хүниие хардаһантай адли муухай хэрэг.

Һургаал 21:7

Нүгэлтэн шударга һайн үйлэһөө арсадаг һэн тула тэдэнэй хара һанаата хэрэгүүдынь өөһэдыень үгы хэнэ.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Ерэмияа 5:28

Тэдэ таргалаа, тоһо өөхөөр ялаганаа. Элдэб муу хэрэгүүдые үйлэдэнэ, буруу шүүбэрилнэ, үншэн хэнзын хэрэгһээ баяжана, ядуу зоной эрхэшье хамгаалнагүй.

Эзэкээл 44:23

Нангин болон юрын, сээртэй болон арюун зүйлнүүдэй хоорондохи илгаае зондо тэрэ ойлгуулха ёһотой.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Левит 26:15

хэрбээ Минии тогтоол хуулинуудые үзэн ядаа һаатнай, хэрбээ зүрхэ сэдьхэлтнай Минии гаргаһан хуулида дураа гутаа һаань, Минии захяа заабари дүүргэхэеэ болёо һаатнай, Намтай хэлсээгээ эбдээ һаатнай,

Амоос 5:7

Зүб хуулиие шаралза үбһэн болгогшо, үнэн шударгые газардуулагша таанар!

Михей 1:1

Ётаам, Ахааз болон Хэзэкияа гэгшэдэй Иудын хаашуул байха үе сагта Морээшэт хотын Михейдэ Эзэн айладхал буулгажа, Самари болон Иерусалим хотонууд тушаа үзэгдэл харуулһан байна.

Михей 3:1

Би иигэжэ хэлэбэб: Яковай гэр бүлын толгойлогшод, Израилиин удамаршад, шагныта! Зүб, бурууе таанар мэдэнэбди гэжэ һананат.

Хуули дабталга 27:19

«Ерүүл зоной, үншэн хэнзын, үбгэеэ гээһэн эхэнэрэй эрхэнүүдые эбдэһэн хүн хараалай ехэ хараал шэнгээхэ!» Бүхы арад зон харюусаха: «Болтогой!»