Михей 3:7 - Библи

⁷ Үзэлшэд эшэжэ эхилхэ, мэргэшэд аягүй байдалда орохо. Бурханһаа харюу абахагүй тэдэ бултадаа амаа хаажа эхилхэ.

Михей 3:7 Referencias Cruzadas

Псалманууд 74:9

Эзэнэй гарта аяга байна, тэрээн соо үзэмэй дараһан архи хөөһэрнэ. Дэлхэйн хорото муу бүхы зондо тэрэниие аягалхадань, тэдэ шабхарууень шахан ууха юм.

Египедһээ гаралга 9:11

Фараоной эльбэшэд Моисейтэй мүрысэжэ шадахаяа болибо: тэдэнэй, Египедэй бүхы зоной бэедэ яра шарха бии болобо.

Исай 44:25

Би худал лүндэншэдые илгажа тодоруулдагби, үзэлшэдэй үгэнүүдэй үнэн бэшые харуулдагби, сэсэн мэргэшүүлэй үгэнүүдые буруушаадагби, эрдэм мэдэсэнь удхагүй тэнэг гэжэ элирхэйлдэгби.

Ерэмияа 18:18

Байһаар улад зон иигэжэ хэлсэбэ: «Ерэмияагай урдаһаа хамтарая! Маанадта хуули ёһо зааха санаартад, зүбшэл үгэхэ сэсэн мэргэшүүл, лүндэншэд хододоо байхал. Тэрэниие улаан хэлээрээ даража, хардая, хэлээшыень анхархаяа болие!»

Эзэкээл 24:17

Абяагүй гашууда. Толгойгоо тэрэл зандаа боолто-малгайгаар орёожо, хүлдөө гуталаа үмдэжэ бай. Гашуудан нюураа бүглэжэ, ямбын эдеэ эдижэ бү байгаарай.

Эзэкээл 24:22

Тиихэдэ таанад минии мүнөө хэжэ байгааша юумэ хэхэт: нюураа бүглэхэгүйт, хахасалгын хоол барихагүйт.

Левит 13:45

Тэрэ яра шархатай һэлхэ үбшэнтэн хахарһан хангирһан хубсаһа үмдөөд, тархи нюсэгэн, аман хүрэтэрөө нюураа хаагаад: «Бузартайб! Бузартайб!» – гэжэ хашхарха ёһотой.

Амоос 8:11

Удахагүй Би энэ орон нютаг руу үлэсхэлэн хооһые эльгэхэб. Хоол эдихэеэ үлдөөд байһан бэшэ, унда уухаяа ангаад байһан бэшэ, Минии, Эзэнэй, айладхал жүрөөдэһэн байдал болохо! – гэжэ Эзэн Бурхан айладана.

Михей 3:4

Таанад Эзэнһээ туһа эрин хашхаралдахат, теэд Эзэн таанадые дуулахагүй, муу муухайе үйлэдэн байгаа сагтатнай Тэрэ таанарһаа буруу харан байха.

Михей 7:16

Энээниие бусад арадууд хаража, ядуухан сэрэгтэй байһандаа эшэжэ, юушье хэлэхэ, дуулахаяа шадахагүй, зог татаха.

Захарияа 13:4

Мүн тэрэ үдэр лүндэншэд өөһэдын үзэл үзэлгэһөө эшэжэ, мэхэлхын тула үмдэдэг шэрүүн нэмэргэеэ үмдэхэгүй,

1 Хаан түрэнүүд 14:37

Саул Бурханһаа асуун: – Пилиштүүдэй хойноһоо ябажа мүрдэхэмни гү? Та тэдэниие Израилиин гарта үгэхэ гүт? – гээд һураба. Теэд Бурхан тэрэ үдэр Саулда харюусабагүй.

1 Хаан түрэнүүд 28:15

Самуил Саулда: – Юундэ ши намайе дуудажа, намайе дэбэргээнэбши? – гэхэдэнь, Саул харюудань: – Би ехэ зобожо байнаб. Пилиштүүдэй намтай дайлалдахаяа ерэжэ байхадань, Бурхан намһаа һалан ошоо, лүндэншэдээршье, зүүдээршье намда харюу үгэнэгүй. Тиимэһээ яаха ёһотойемни намда заажа үгэхыетнай би таниие дуудааб, – гэбэ.

1 Хаан түрэнүүд 28:6

Тэрэнэй Эзэндэ хандахадань, Эзэн зүүдээршье, уримээршье, лүндэншэдээршье харюу үгэбэгүй.

1 Хаан түрэнүүд 9:9

Саул зарасадаа: – Зүб хэлэжэ байнаш. Ошоё, – гээ һэн. Иигээд Бурханай хүнэй байдаг хото руу тэдэ ябаба. Хото өөдэ үгсэн ябахадаа, уһа удхахаяа гаража ябаһан залуу басагадтай тэдэ уулзажа, тэдээнһээ асууба: – Мэдэлшэн бии гү? (Урдань Израильда хэн нэгэн Бурханай хүниие асуухаяа ошоходоо, «мэдэлшэндэ ошоё» гээд хэлэдэг бэлэй. Мүнөө Бурханай лүндэншэ гээд нэрлэдэг хүниие урдань мэдэлшэн гэдэг байгаа.)