Михей 2:8 - Библи

⁸ Эзэн иигэжэ айладхана: Урдань Минии байгааша арад түмэн таанад дайсан мэтээр урдаһаам һөөргэдэн бодобот. Аажам тайбан үнгэржэ байгааша зоной, дайн дажарһаа бусажа байгшадай гадар, доторшье хубсаһыень буляажа абажа байнат.

Михей 2:8 Referencias Cruzadas

2 Хаан түрэнүүд 20:19

Абээл хадаа Израилиин хуушанай, амгалан тайбан, найдамтай һайн хотонуудай нэгэн болоно. Ямар ушарһаа та тэрэниие һандаргаахаяа һананабта? Эзэнэй угай зөөриие урижа һалгаахатнайл, – гэбэ тэрэ эхэнэр.

Исай 9:21

Мэнашшээ обогой зон Эпрааимай обогто добтолхо, хамтаран, тэдэ Иудын хан түрэдэ добтолхо. Энээнэйшье удаа Эзэнэй уур хилэн буурахагүй, хэһээхэ гэжэ гарынь һунгаатай зандаа байхал.

Ерэмияа 12:8

Шэлэһэн зомни урдаһаам эсэргүүсэбэ. Ой соохи арсалан мэтэ тэдэ нам руу архирба. Тиимэһээ Би тэдэниие үзэн яданаб!

Михей 3:2

Теэд таанар һайн юумэ үзэн ядадагта, муу муухайда дуратайт. Минии арад зоной арһа хуулажа, яһанһаань мяхыень һалгаанат.

Михей 3:3

Арадайм мяха эдижэ, арһыень хуулажа, яһыень эбдэн, бутаргаад, мяхыень хэршэн тогоон руу хэнэт.

Михей 7:2

Бурханда үнэн сэхэ зон энэ газар дээрэ үгы болоо. Зоной дунда зүб шударга хүн байхагүй. Шуһа урасхуулхаяа хүн бүхэн худал хэрэглэнэ, аха дүүнэртээ урьха занга табина.

Михей 7:3

Муу муухай хэрэгүүдые хэхэдээ гарнуудынь һурамхи. Дарга эдилгэ абана, шүүгшэ хахуули абажа шүүбэри хэнэ. Хүндэтэй зон зоргоороо хэхэ юумэеэ хэжэ, хэрэг муудхаана.