Михей 2:4 - Библи

⁴ Тэрэ сагай ерэхэдэ, таанадтай тохёолдоһон ушарые гай тодхорой жэшээ болгон зон хөөрэлдэжэ, иимэ гашуудалтай дуу дуулахал: «Бидэ дууһан усадхагдаабди! Манай газар дайда урбагшадта үгтэбэл! Маанадта һөөргөө бусахаа болёол!»

Михей 2:4 Referencias Cruzadas

2 Хаан түрэнүүд 1:17

Давид Саул болон тэрэнэй хүбүүн Ёнатаан тухай гашуудалай энэ дуу дуулажа,

2 Угай бэшэг 35:25

Ерэмияа лүндэншэ Ёшияа хаан тушаа гашуудалай дуу зохёоһон гээшэ. Дууша эрэшүүл ба эхэнэрнүүд гашуудалай дуунууд соогоо Ёшияа тушаа мүнөө болотор хэлэдэг байгаа, тиигээд Израилиин арад түмэн тэдэниие дууладаг болоо. Иигэжэ тэдэ дуунууд Гашуудалай дуунай согсолбори соо бүридхэгдэһэн гээшэ.

Иоов 27:1

Иоов дахин хэлэбэ:

Исай 14:4

Тэрэнэй эдэ бүгэдые гүйсэдхэхэдэнь, зон Вавилооной хааниие наадалжа, иигэжэ дууладаг болохо: «Дарлагшын эсэс ерээ! Уур хилэнгынь түгэсөө!

Исай 24:3

Газар дэлхэй дууһан хооһорхо, бүхыдөө тонуулаатай юумэн хэбтэхэ. Ушарынь гэбэл, Эзэн иимэ айладхал буулгаа бшуу.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Ерэмияа 14:18

Хээрэ тала руу гарахадам, дайнда алуулһан зоной һэенүүд байна. Хото руу орожо ерэхэдэм, туража үхэхэеэ байгшад харагдана. Лүндэншэд, санаартад юу хэхэеэ ойлгожо ядан, орон нютагаар тэнэнэ.

Ерэмияа 4:13

Харагты, дайсан хара үүлэн мэтэ дээшээ гаража байна. Тэрэнэй дайшалхы тэргэнүүд хуй һалхин мэтэ, тэрэнэй морид бүргэдһөө үлүү хурдан юм. Бидэ сүйд гасаланда орообди! Бидэ һалаабди!

Ерэмияа 6:12

Тэдэнэй гэрнүүд, таряалангууд болон һамгадынь ондоо зондо үгтэхэ. Юуб гэхэдэ, Би энэ орон нютагай ажаһуугшадые хэһээхэ һанаатайб.

Ерэмияа 8:10

Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Ерэмияа 9:16

Би тэдэниие өөһэдыньшье, үбгэ эсэгэнэрэйньшье мэдээгүй үндэһэ яһатанай дунда тараахаб. Тэдэниие дууһан хюдатараа хойноһоонь сэрэг ябуулжал байхаб.

Эзэкээл 16:44

«Эхэнь ямар бэ, басаганиинь тон тиимэ байха» гэдэг сэсэн мэргэн үгэ шам тушаа, Иерусалим, зон хэлэдэг байха.

Эзэкээл 2:10

Тэрэнэй энэ бэшэг минии урда дэлгэхэдэнь, хоёр тээһээ тэрэ бэшэгдэнхэй, гашуудал, уйлаан, зоболон тэндэ бэшээтэй байгаа һэн.

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Ёһээл 1:8

Удархай самса нэмэрһэн эхэнэртэ адли эдир залуу үеынгөө нүхэрэй түлөө орилон уйлагты.

Амоос 5:1

Эдэ үгэнүүдые шагныта! Израильшууд, хүдөөлүүлгын дуу таанад дээрэ дуулан байнаб.

Амоос 5:17

Таанарай дундуур Минии үнгэрэн гарахада, уһан үзэмэй сэсэрлигүүдтэ уйлаан-бархираан эхилхэ.

Михей 1:15

Марэшаагай ажаһуугшад, Эзэн таанад руу эзэмдэгшэ нэгэниие асарха. Израилиин алдарта хаан Адуллаамай агы нүхэн руу ошожо, хоргодохо баатай болохол.

Михей 1:8

Энээнһээ боложо, би гашуудахаб, сурхирса уйлахаб, хүл нюсэгэн, шараа нюсэгэн ябахаб, айһандаа сүүбэн шоно мэтэ улижа, айран тэмээн хяруул мэтэ хашхаран байхаб.

Михей 2:10

Бодожо, эндэһээ ябагты. Энэ газарта амгалан тайбан таһалдаа. Таанадай хэһэн нүгэл энэ газарые аймшагтай һандаралда хүргөө.

Аввакуум 2:6

Дарлагша арадуудынь бултадаа тэрээн тушаа ябаган зугаа, наадалһан дуу дуулаха: «Өөрын бэшэ зөөреэр өөрыгөө баяжуулдаг хүн удаанай гү? Үри зээли арадууд дээрэ тохожо, тэрэ бэеэ зобооно!»

Цэпаанияа 1:2

Эзэн иигэжэ айладаа: – Энэ хүрьһэтэ дэлхэй дээрэһээ бүхы юумэ дууһан усадхахаб.

Тоололго 23:18

Балаһаам өөрынгөө һургаал үгүүлэлые дуугаран иигэжэ хэлэбэ: – Хүл дээрээ зогсо, Балаак, ханамжатайгаар шагна, Циппоорой хүбүүн,

Тоололго 23:7

Балаһаам Балаагта иимэ өөрын һургаал үгүүлэлые дуугаран хэлэбэ: – Моһаабай хаан Балаак, алас дурнын хадануудһаа, Араамһаа намайе эндэ асараад, аргагүй ехээр иигэжэ бааланал: Ерээд эндэ Яковые тарнидажа үгэ, ерээд эндэ Израильда муу юумэ айлада!

Тоололго 24:15

Балаһаам өөрынгөө һургаал үгүүлэлые хэлэжэ эхилбэ: – Бэһоорой хүбүүн Балаһаам хэлэнэб. Би тон һайнаар хаража байһан тухайгаа хэлэнэб.

Тоололго 24:3

тэрэ өөрынгөө һургаал үгүүлэлые иигэжэ айладаба: – Бэһоорой хүбүүн Балаһаам хэлэнэб. Би тон һайнаар хаража байһан тухайгаа хэлэнэб.

Марк 12:12

Иисүүсэй хэлэһэн һургаалта үгэнүүдые дуулаад, түрүү санаартан ба фарисейнүүд өөһэд тухайнь хэлэжэ байна гэжэ ойлгобо. Тиимэһээ Иисүүсые барижа хэһээхэеэ хүсэбэ, теэд улад зонһоо айжа, Тэрэниие хүрэбэгүй.

Хуули дабталга 28:29

Тиихэдэнь һохор хүнэй тэмтэржэ ябадагтал, гэгээн сагаан үдэр дунда тэмтэрэн ябадаг болохот. Зориһон хэрэгтнай урагшагүй, үдэр бүри зон таанадые хашажа харшалжа, дээрмэшэлжэ байха, таанадые абарха хүн олдохогүй.