Михей 2:3 - Библи

³ Тиимэһээ Эзэн иигэжэ айладхана: Анхарагты, Би таанадта нэгэ гай тодхор тохёолдуулха гэжэ байнаб. Тэрэ таанадай хүзүүн дээрэ тудаад, һалахаар бэшэ байха. Энэ муу сагта таанад бардам сэхээр ябажа шадахаяа болихот.

Михей 2:3 Referencias Cruzadas

Исай 29:20

Зониие дарлажа байгаашадта, Бурханиие хүндэлдэггүйшүүлдэ энэ хадаа эсэс болохо. Гэмтэй хүн бүхэн хюдагдаха.

Исай 3:16

Эзэн иигэжэ айладаба: «Харыт, Сионой эхэнэрнүүд бардам гээшэнь! Тэдэ хамараа өөдэнь үргөөд, нюдөөрөө наадажа, хүлдөө бугааг жэнгирүүлэн, гоо гоёмсуугаар алхалан ябанал.

Исай 5:19

«Эзэн айладхалаа түргөөр бэелүүлэг лэ, бидэ тэрэнииень нюдөөрөө харахаяа һананабди. Израилиин арюун Бурхан түсэбөө бэелүүлэг лэ, бидэ тэрэнииень лаб мэдэхэеэ хүсэнэбди!» гэжэ тэдэ хэлэнэ.

Ерэмияа 18:11

Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 27:12

Би иимэл үгэнүүдые Иудын хаан Цэдэкиия гэгшэдэ хэлээб: – Вавилооной хаанай мэдэл доро орожо, тэрээндэ болон арад түмэндэнь алба хэгты, тиигээд амиды мэндэ үлэхэт.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Ерэмияа 36:23

Иеһудиигэй гурба-дүрбэн бадаг уншаад байхада, хаан тэрэнииень багахан хутагаар отолоод, гал руу хаяжа байба. Иигэжэ бүхы хуйламал ном шатаагдан, үгы хэгдээ бэлэй.

Ерэмияа 43:2

Һошаяагай хүбүүн Азаария, Карээһаагай хүбүүн Ёханаан болон бусад дээрэлхүү зантай зон намда иигэжэ хэлэбэ: – Та буруу юумэ хэлэнэт. Египет руу бү ошогты гэжэ Эзэн Бурхамнай танда айладхаагүй.

Ерэмияа 8:3

Харин амиды мэндэ үлэһэн зон, энэ муу муухай угсаатанай үлдөөсэ зон, амиды байхаһаа үхэһэмнай дээрэ гэжэ тоолохо. Минии тэдэниие үлдэн гаргаһан бүхы газарта амиды мэндэ үлөөшэдынь тиигэжэ һанахал. Энэ болбол Би, Түмэн Сэрэгтэ Эзэн, айладхана мүн!

Гашуудал 1:14

Нүгэлөөрни Тэрэ хөөмэгшэ хэжэ, гартаа уян баряа, тэрэ хөөмэгшэ хүзүүем дарана, тэрээн доро хүсэгүй бүдэрэн байнаб. Мултархын аргагүй гарта намайе Эзэн дамжуулаа!

Гашуудал 2:17

Шиидэһэн хэрэгээ Эзэн бүтээгээ, эртэ урдын үдэрнүүдтэ айладаһан үгөө бэелүүлээ. Тэрэ хайра гамгүй һалгаана, дайсадаар шамайе баһуулан баясуулаа, дайсадые үргэмжэлөө.

Гашуудал 5:5

Бидэниие мүрдэн намнаашад хүзүүндэмнай хүрэжэ байна, эсэтэрнай ажал хүүлэнэ, амархын арга байхагүй.

Амоос 2:14

Эгээл хурдан хүнэй хурдань мөхөжэ, эгээл хүсэтэй хүнэй хүсэнь буураха, эрэлхэг зоригтойшье амияа абаржа шадахагүй.

Амоос 3:1

Израилиин улад зон, таанар тухай, Египедһээ гаргаһан бүхы обогууд тухай, Эзэнэй айладхал дуулагты!

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Амоос 5:13

Тиимэһээл үнгэрхэдөө сэсэн мэргэнэйшье тээлмэрдэн, дуугаржа шадахаяа болимоор саг ерэхэнь! Хатуу саг эрьехэнь!

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.

Римэйхиндэ 16:4

минии түлөө ами наһанай аюул оһолдошье орожо байгаа. Гансашье би бэшэ, харин еврей-бэшэ һүзэглэгшэдэй бүлгэмүүд бултадаа тэдээндэ баяр баясхалан хүргэнэ.

Эфесэйхиндэ 5:16

Гараһан боломжо бүхэнөө ашаглан, дэмбэрэлтэй һайхан юумэ бүтээжэ байгты, юундэб гэхэдэ, мүнөөнэй саг ехэл муу үе саг юм.

Хуули дабталга 28:48

Эзэн таанадай урдаһаа дайсадые эльгээхэ. Тэдээндэ алба хэхэт. Үлэн хооһон, ехэ ангаһан, нюсэгэн сурба, бүхы юумээр дуталдажа ажаһуухат. Хүзүүндээ хөөмэгшэ углуулһандал, үхэтэрөө хүшэр хүндэ мүлжэлгэ, дарлалта доро байхат.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.