Михей 1:6 - Библи

⁶ Эзэн иигэжэ айладхаа: «Энээнэйнь түлөө Би Самариие задагай хээрэ газарта обоолоотой һандархай шулуун, уһан үзэм һуулгаха газар болгохоб. Нюруу газар руу шулууень адхахаб, һуурииень эли гаргахаб.

Михей 1:6 Referencias Cruzadas

2 Хаан түрэнүүд 17:13

Хэрбээ тэрэнэй али нэгэн хото руу орон хоргодоо һаань, манай зон тэрэ хото руу аргамжануудые асаржа, нэгэшье шулуунай үгы болотор тэрэ хотые хүнды хүрэтэр доошонь шэрэхэбди.

4 Хаан түрэнүүд 18:10

Гурбан жэлэй үнгэрхэдэ, Шалманасаар тэрэ хотые эзэмдэн абаба. Хэзэкияагай зургаадахи жэлээ хан түрэеэ засаглажа байхада, (Израилиин хаан, Элаагай хүбүүн Һошээгэй юһэдэхи жэлээ хан түрэеэ засаглажа байхада) Самари һандарба.

4 Хаан түрэнүүд 18:9

Хэзэкияагай дүрбэдэхи жэлээ хан түрэеэ засаглажа байхада, (Израилиин хаан Элаагай хүбүүн Һошээгэй долоодохи жэлээ хан түрэеэ засаглажа байхада) Ассириин хаан Шалманасаар дайгаар Самарида добтолон орожо, тэрэ хотые сэрэгээрээ тойрон бүһэлбэ.

4 Хаан түрэнүүд 19:25

Минии эдэ бүгэдые үнинэй түсэблэһэн тушаа ши дуулаагүй юм гүш? Мүнөө энээниие бэелүүлбэ гээшэб. Бүхэлэгдэһэн хотонуудые обоохой шулуун боложо һандаргаха арга боломжо таанадта үгөөб.

Исай 17:1

Дамааск тухай Эзэн иигэжэ айладхал буулгаба: «Дамааск саашадаа хото гэгдэхэгүй, эбдэрһэн-һандарһан шулуун болоод лэ һалаха.

Исай 25:12

Үндэр ханатай Моһаабай хэрэмүүдые Тэрэ бута сохихо, шорой шохойтой адли болгохо!

Исай 25:2

Хотонуудые эбдэрхэй шулуун обоо, бүхэлэлтэнүүдыень һандархай шулуун болгобот. Хариин зоной ордонгууд һандараа, хэзээдэшье һэргээгдэхэгүй.

Ерэмияа 31:5

Самариин гүбээнүүд дээрэ үзэмэй модоной сэсэрлигүүдые дахин һуулгахат. Тэдэниие һуулгагша таанад өөһэдөө үрэ жэмэсыень эдидэг байхат!

Ерэмияа 51:25

Вавилоон, ши бүхы орон дэлхэйе усадхажа байгааша хада уула мэтэш. Би, Эзэн, шинии урдаһаа тулахаб. Шамайе абажа, дээрэһээ унагаажа, шатанхай, үнэһэн тоброог болгон орхихоб.

Ерэмияа 51:37

Вавилоон һандархай шулуунуудай, сүүбэн шононуудай орон нютаг, угаа үзэмжэгүй муухай болохо, хэншье тэндэ байхагүй, эдэ бүгэдые харагша хэн нэгэн ехэ һүрдэхэ.

Ерэмияа 9:11

Эзэн айладхана: «Иерусалимые һандарһан шулуун обоо, сүүбэн шонын үүр болгохоб. Иудын хотонуудые ажаһуугшадгүй хооһон болгохоб».

Гашуудал 4:1

Оо, гай даа! Алтан ямараар харлаа, шэжэр алтан хэды ехэ бүрүүл болоо гээшэб! Нангин үргөөгэй үнэтэ шулуун харгын уулзуураар хаягданхай.

Эзэкээл 13:14

Таанадай будаһан ханые унагаахаб, тиихэдэмни байрань харагдаха. Тэрээнтэй хамта таанадшье хосорхот. Тиихэдээ Намайе Эзэн гэжэ мэдэхэт.

Амоос 5:11

Үгытэй ядуу зониие татабаряар зобоожо хооһоруулнат, таряаень алба татабари гэжэ абанат. Энээнэй түлөө таанартай юун тохёолдохоб гэбэл: шулуу сабшан гэр барихат, гэбэшье тэндэ ажаһуухагүйт. Уһан үзэмэй сэсэрлиг һуулгахат, харин үзэмэй дараһан архи уухагүйт!

Амоос 6:8

Түмэн Сэрэгтэ Эзэн Бурхан Өөрөөрөө тангариглажа, иигэжэ айладана: Яковай бардам зан Намда жэгшүүритэй, бүхэлэлтэнүүдыень үзэн яданаб. Хотые бүхы ажаһуугшадтайнь хамта дайсадай гарта дамжуулхаб!

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Аввакуум 3:13

Өөрын арад түмэнэй абарал болон, шэлэжэ тоһолон ёһолһон хаанаа абархын тула Та гаража ерээ бэлэйт. Нүгэлтэй муу арадай удамаршые Та сохижо, дууһан нюсэгэлэн орхинот.

Матвей 24:2

Иисүүс шабинартаа: – Эдэ бүгэдые харана гүт? Энэ һууринда ганса шулууншье үлэхэгүй; баран һандаргагдаха гэжэ танда хэлэнэб, – гэбэ.