Матвей 8:8 - Библи

⁸ Тиихэдэнь зуунай дарга иигэжэ хэлэбэ: – Ай, эзэн! Таниие гэртээ урижа оруулхаар бэшэ ахир дорой амитанби. Гансал зарлигаа буулгажа хайрлыт даа, тиигэбэлтнай зарасамни эдэгэшэхэл.

Шэнэ Хэлсээн

⁸ Тиихэдэнь зуунай дарга иигэжэ харюусаба: «Ай, эзэн! Шамайе гэртээ урижа оруулхаар бэшэ хүн гээшэлби даа. Ганса зарлигаа буулгыш даа, тиигэбэлшни зарасамни эдэгэжэрхихэ.

Матвей 8:8 Referencias Cruzadas

Эхин 32:10

Танай богоол би хамаг үршөөл хайраһаатнай, хэшэгһээтнай хүртэхэ эрхэтэй гээшэ гүб? Түрэл нютагһаа гаража, Иордан гол гаталхадаа, би гартаа гансахан тулгууртай ябаа бэлэйб. Мүнөө бусажа ябахадаа, хоёр бүлэг болгон хубаарилһан олон зонтой, үй түмэн адуу малтай ябанаб.

Псалманууд 33:9

Туршыта, Эзэнэй хэды ехэ һайн байһые үзэхэт, Тэрээндэ найдагша хүн аза жаргалтайл. י Ёд

Тоололго 20:8

– Дулдыгаа абаарай, тиигээд Аһароон ахатаяа хамта арад зоноо суглуулаад, шулуун байсада дүтэлэ. Арад зоной хараһаар байтар дулдыгаараа шулуун байса тоншо. Шулуун байсаһаа уһанай урдахадань, ши арад зоноо үхэр малтайнь хамта ундалуулхаш.

Матвей 3:11

Нүгэлөө гэмшэһыетнай баталан би таанадые уһаар арюудханаб, теэд минии хойноһоо Заларан Ерэгшэ таанадые Арюун Һүлдэ гал хоёроор арюудхаха. Тэрэ намда орходоо агууехэ. Би Тэрэнэй гуталыеньшье абажа ябаха эрхэгүйб.

Матвей 3:14

Тиихэдэнь Иоанн Иисүүсэй һанал хубилгаха зорилготойгоор: – Би Танһаа уһан арюудхалда хүртэхэ ёһотойлби, тиигэн гэһээ Та намда ерэбэ гүт? – гэбэ.

Матвей 8:3

Иисүүс гараа һарбайжа, тэрэ хүндэ хүрөөд абаха зуураа: – Эдэгээхэ хүсэлтэйб, арюун болыш даа, – гэбэ. Тиихэдэнь тэрэ хүн һэлхэ бузар үбшэнһөө дары арюудхагдан эдэгэбэ.

Матвей 8:7

– Зай, Би ошоод, тэрээнииешни эдэгээхэб, – гэжэ Иисүүс харюусаба.

Матвей 8:9

Ушарынь хэлэбэл, бишье баһал дээрээ ноёдтой, мүн мэдэлдээ сэрэгшэдтэй хүнби. Тэдэнэйнгээ нэгэндэнь: «Ошо» гэхэдэм ошодог, нүгөөдэдэнь: «Ерэ» гэхэдэм ерэдэг, зарасадаа: «Тэрээниие хэ» гэхэдэм хэдэг юм.

Лука 15:19

Танай хүбүүн гэжэ нэрлэгдэхээр бэшэ муу амитанби. Зарасаяа зараһандаал намайе зарагты“, – гээд хэлэхэб».

Лука 15:21

«Абамни, би Бурханай, мүн танайгаа урда нүгэл үргэлбэб. Хүбүүнтнай гэжэ тоологдохо эрхэгүйб», – гэжэ хүбүүниинь хэлэбэ.

Лука 5:8

Иимэ олзотой болоһон Симон Пётр Иисүүсэй урда үбдэглэн һэхэрэн һүгэдэжэ: – Эзэн аа, намайе орхижо ошогты! Би нүгэлтэй хүнби, – гэжэ хэлэбэ.

Иоанн 1:27

Минии хойноһоо Заларан ерэгшын гуталайнь ооһорыешье тайлаха эрхэгүйб, – гэжэ Иоанн харюусаба.