Матвей 8:6 - Библи

⁶ – Эзэн, аа! Минии зараса саа үбшэндэ даруулагдаад, гэртээ тулижа хэбтэнэ, – гэбэ.

Шэнэ Хэлсээн

⁶ «Эзэн, аа! Минии зараса саа үбшэндэ даруулаад, гэртээ тулижа хэбтэнэ», – гэбэ.

Матвей 8:6 Referencias Cruzadas

Матвей 4:24

Иисүүс тухай алдар бүхы Сири ороноор хаа хаанагүй тараба. Тиимэһээ Тэрээндэ ехээр үбдэжэ зобожо байһан, досоогоо ада шүдхэртэй болоһон, унадаг, саа үбшэнтэй, мүн бусадшье элдэб янзын үбшэ хабшантай зон олоор ерэбэ, Иисүүс тэдэниие бултыень эдэгээбэ.

Матвей 8:7

– Зай, Би ошоод, тэрээнииешни эдэгээхэб, – гэжэ Иисүүс харюусаба.

Матвей 9:2

Хэдэн хүн тэрээндэ саа үбшэндэ дайруулһан нэгэ хүниие шэрдэгтэйнь тэлээд асарба. Иисүүс тэдэ зоной аргагүй ехэ этигэлтэй байһыень хараад, саа үбшэнтэндэ хандан: – Ши, хүбүүн, зоригоо бү алда! Нүгэлнүүдшни хүлисэгдэбэ, – гэжэ хэлэбэ.

Хэрэгүүд 10:7

Эльгээмэлэй ябаһан хойно Корнелий хоёр зарасаяа, үнэн сэдьхэлтэ сэрэгэй нэгэ туһалагшаяа дуудажа,

Хэрэгүүд 8:7

Олон ада шүдхэрнүүдынь оог хашхараа табин гаража, олон саа үбшэнтэн болон дохолон хүнүүд эдэгэбэ.

Хэрэгүүд 9:33

Тэндэ саа үбшэн хүрөөд, найман жэлэй туршада хэбтэриин болоод байһан Эней гэжэ хүнтэй Пётр уулзаба.

Колоссынхидтэ 3:11

Эсэстээ грегүүдэй болон иудейнүүдэй хоорондо, отолуулһан болон отолуулаагүй хүнүүдэй хоорондо, хариин болон зэрлиг зоной хоорондо, барлагуудай болон сүлөөтэй хүнүүдэй хоорондо ямаршье илгаа үгы юм, гансал Христоос бии, тиин бүхы юумэн Христоос, бүхы юумэн соо Христоос байха.

Колоссынхидтэ 4:1

Эзэд, өөһэдынгөө барлагуудта үнэн сэхээр хандагты. Таанад өөһэдөө тэнгэридэ Эзэнтэй байһанаа мэдэнэт.

Тимофейдэ 1-дэхи 6:2

Христоосто һүзэглэдэг эзэнэй богоолшолгодо байһан барлаг нэгэ һүзэгтэй эзэнтэй байһан ушарһаа эзэндээ хайхарамжагүйгөөр хандаха ёһогүй. Тэрээнһээ гадна, һүзэгтэй, Бурханай хайра дурада хүртэһэн хүндэ алба хэжэ байһандаа бүришье оролдосотойгоор ажаллаха ёһотой. Ши тиигэжэл хүнүүдые һургажа, идхажа байгаарай.

Филимондо 1:16

Мүнөө тэрэ ганса барлаг бэшэ, харин барлагһаа үлүү ехэ: тэрэ хайрата дүү гээшэ. Мүнөө би тэрээниие ехэл һайшаанаб. Харин хүн байһан хубидаа, Эзэнээр дүүшни гэжэ нэрлэгдэһэн хубидаа тэрэ шамда бүришье хайратай байхал.