Матвей 8:2 - Библи

² Гэнтэ һэлхэ бузар үбшэнтэй нэгэ хүн ойртоод, Иисүүсэй хүлдэнь мүргэжэ: – Эзэн, аа! Хэрбээ Та хүсэбэл, намайе арюудхан эдэгээжэ шадахат, – гэбэ.

Шэнэ Хэлсээн

² Гэнтэ һэлхэ бузар үбшэнтэй нэгэ хүн ойртоод, Иисусай хүлдэнь мүргэжэ: «Дээдын Эзэн, аа! Хэрбээ ши хүсэбэл, намайе арюудхан эдэгээжэ шадахаш», – гэбэ.

Матвей 8:2 Referencias Cruzadas

2 Хаан түрэнүүд 3:39

Би хаан түрэдэ тоһоор түрхюулэн ёһолуулһаншье һаа, мүнөөдөө үшөөл хүсэгүйб, харин Цэруяагай хүбүүд угаа хэрзэгы хатуу. Эзэн мууе үйлэдэгшэдэ хэһэн хэмээрнь тэрэнииень амасуулхань болтогой!

4 Хаан түрэнүүд 15:5

Эзэн Азаарияа хаанда үбшэн эльгээбэ. Саа үбшэн тэрэнэй бүхы бэеэр тараба. Тэрэ наһа баратараа саа үбшэндэ даруулаад, амяараа гэртэ Бэт-Хотшиитдо ажаһуугаа. Ётаам хүбүүниинь улас түрынгөө хэрэгүүдые эрхилжэ, арад зоноо ударидаба.

4 Хаан түрэнүүд 5:1

Араамай хаанай сэрэгүүдэй дарга Наамаан өөрынгөө эзэндэ агууехэдэ тоологдодог ба хүндэлүүлдэг байба. Ушар юуб гэхэдэ, Эзэн тэрээгээр араамшуудта илалта туйлуулһан юм. Эрэлхэг зоригтой сэрэгшэ Наамаан элдинээр үбшэлдэг байба.

4 Хаан түрэнүүд 5:27

Наамаанай элдин үбшэн шамда, шинии үри һадаһадта бүхы наһандатнай халдаг! – гэжэ хэлэбэ. Гэһаази элдин үбшэнһөө хужаруутажа, саһан мэтэ сагаан шэг шарайтай болошоод, Элишаагай гэрһээ гараба.

Тоололго 12:10

Үүлэн баханын майхан һүмэһөө холодоходонь, Мириамай бэе саһан мэтэ сагаан арһанай үбшөөр хушагдаба. Аһароон эрьелдээд, арһанай үбшэндэ Мириамай нэрбэгдэһые хараба.

Матвей 10:8

Үбшэн хүнүүдые эдэгээгты, үхэһэн хүнүүдые амидыруулагты, һэлхэ бузар үбшэнтэниие арюудхагты, ада шүдхэрнүүдые намнажа гаргагты. Таанад түлөөһэгүй абаһанаа түлөөһэгүй үгэжэ байгты.

Матвей 13:58

Улад зоной этигэл һүзэггүй байһан туладань, Иисүүс нютагтаа гайхамшагта хэрэгүүдые ехээр бүтээбэгүй.

Матвей 14:33

Онгосодо байһан шабинарынь Иисүүстэ мүргэжэ: – Та үнэхөөрөөл Бурханай Хүбүүн байнат, – гэлдэбэ.

Матвей 15:25

Харин тэрэ эхэнэр бүри ойртоод, Иисүүсэй урда дохин мүргэжэ: – Эзэн! Намда туһалыт, – гэжэ гуйба.

Матвей 18:26

Тиихэдэнь барлаг хаанай хүлдэнь унажа, «Эзэн хаан! Намайе хүлеэжэ хайрлыт, би үриеэ танда дууһыень түлэхэлби», – гэжэ гуйба.

Матвей 2:11

Сэсэшүүл гэртэ ороод, хүбүүнэй Мария эхэтэйгээ байхыень хараба, тиигээд газар хүрэтэр дохин Тэрээндэ мүргэбэ. Асарһан бэлэгүүдээ дэлгэжэ, хүбүүндэ алта мүнгэ, сан санзай, һайхан үнэртэй ургамалай тоһо үргэбэ.

Матвей 20:20

Зэбэдэйн хүбүүдэй эхэнь хүбүүдтэеэ хамта Иисүүстэ ерээд, урдань дохин мүргэжэ, Тэрээнэй үршөөл гуйба.

Матвей 26:6

Иисүүсэй Бэтаанида һэлхэ үбшэндэ дайруулһан Симонэй гэртэ хоол барижа байхадань,

Матвей 28:17

Тиигээд Иисүүсые харахадаа, Тэрээндэ дохин мүргэбэ, зүгөөр тэдэнэй зариманиинь бүрин этигэнгүй байгаа.

Матвей 28:9

Замдань гэнтэ тэдэнтэй Иисүүс тааралдажа: – Амар мэндэ, – гэжэ тэдэниие мэндэшэлбэ. Тиихэдэнь эхэнэрнүүд Иисүүстэ ойртоод, хүлһөөнь барижа, Тэрээндэ мүргэбэ.

Матвей 4:9

– Хэрбээ хүлдэм унажа мүргөө һаатнай, би эдэ бүгэдые Танда үгэхэб! – гэжэ Тэрээндэ шолмос хэлэбэ.

Матвей 8:1

Хада дээрэһээ Иисүүсэй буухадань, тэрэнэй хойноһоо олон зон дахажа ябаба.

Матвей 8:25

Шабинарынь хажуудань ерээд, һэреэжэ: – Ай, багша! Абарыт, хосорхомнайл, – гэлдэбэ.

Матвей 9:18

Тиигэжэ хэлэжэ байтарнь, нэгэ дарга ерээд, Иисүүсэй хүлдэ мүргэжэ: – Басагамни һаяхан наһа барашабал. Манда ерэжэ, тэрээндэмни гараараа хүрөө һаатнай, басагамни амидырхал, – гэбэ.

Лука 4:27

Элишаа лүндэншын ажамидарха үедэ Израильда һэлхэ бузар үбшэнтэн олон байгаа, теэд тэдэнэй нэгэнэйньшье арюудхагдан эдэгээгүй байхада, Сири уласай Наамаан лэ гансаараа эдэгэһэн байгаа.

Иоанн 9:38

– Эзэн аа, этигэнэб! – гэжэ тэрэнь харюусаад, Иисүүсэй урда үбдэглэн һүгэдэбэ.

Хэрэгүүд 10:14

– Үгы даа, яабашье эдихэгүйб, Эзэн. Би сэбэр бэшэ, бузар юумэндэ нэгэшье ама хүрөөгүй һэнби, – гэжэ Пётр харюусаба.

Хэрэгүүд 10:25

Пётрой орохотой сасуу Корнелий тэрэниие угтан, хүлдэнь мүргэн унаба.

Коринфынхидтэ 1-дэхи 14:25

Тэрэ хүнэй һанал бодолойнь нюусанууд эли боложо, тэрэ һүгэдэн Бурханай урда унажа, «Үнэхөөрөө Бурхан таанадай дунда байна», – гээд айладхаха.

Гэршэлгэ 19:10

Би газарта һунан хэбтэжэ, хүлдэнь мүргөөб. Теэд тэрэ намда хэлэбэ: «Иимэ юумэ бү хээрэй, мэдэжэ бай! Би Иисүүс тухай гэршэлдэг шамтайл адли, шинии аха дүүнэртэл адли зарасань гээшэб! Бурханда һүгэдэн мүргэ! Иисүүс тухай гэршэлэгшэд лүндэншэдые урмашуулдаг һүлдэтэй».