Матвей 7:7 - Библи

⁷ Тиимэһээ эригты, тиихэдэтнай танда үгэхэ; бэдэрэгты, тиихэдээ олохот; үүдэ тоншогты – танда нээхэ.

Шэнэ Хэлсээн

⁷ Тиимэһээ эригты, тиихэдэтнай танда үгэхэл; бэдэрэгты, тиихэдээ олохот; үүдэ тоншогты, тиихэдэтнай танда нээхэ.

Матвей 7:7 Referencias Cruzadas

Эхин 26:32

Тэрэл үдэртөө худаг малтажа байгаа барлагууд уһан олдобо гэжэ Исаагта мэдээсэбэ.

3 Хаан түрэнүүд 3:5

Гибэһоондо тэрэл һүниндөө Эзэн Соломоондо зүүдэндэнь үзэгдэжэ: – Юун шамда хэрэгтэйб, Намһаа гуйхадаш болохо, – гэжэ Бурхан айладхаба.

Псалманууд 10:4

Эзэн Өөрын нангин үргөөдэ байна. Эзэнэй сэнтиинь – тэнгэридэ. Нюдэдынь зон руу хаража, мэлмынь тэдэниие шалгажа байна.

Псалманууд 27:8

Эзэн хадаа арад түмэнэйнгөө хүсэ шадал, Өөрын шэлэһэн хаанда абарал, хамгаалалта мүн.

Псалманууд 34:4

Намайе алахаяа һанагша зонтой эшхэбтэр байдал, аягүй ушар тохёолдог лэ. Намда муу һанаашархагшад эшэн һөөргөө бусаг лэ.

Псалманууд 37:4

Танай хилэнһээ боложо, бэедэм элүүр газар үгы, нүгэлһөөм боложо, яһамни үбдэнэ.

Псалманууд 50:15

Гэм буруутай зондо Танай харгы зам заахаб, нүгэлтэйшүүл Тан руу эрьехэл.

Псалманууд 70:4

Бурхамни, муу муухай хүнһөө, гэм хэгшэһээ, хэрзэгы дарлагшаһаа намайе зайлуулыт.

Псалманууд 86:5

Сион тушаа зон иигэжэ хэлсэхэ: «Энэ хүн ба тэрэ хүн тэндэ түрэһэн, Дээдэ Бурхан тэрэниие Өөрөө бэхижүүлээ».

Һургаал 8:17

Дура һаналтай хүндэ дура һаналаа харюудань мэдүүлхэб, намайе бэдэрдэг хүн намайе олохо.

Дуунай дуун 3:2

Халуун оронһоо бодон харайжа, харанхы хотын гудамжа, талмайгаар харууһалан хэсэжэ амарагаа бэдэрээб. Харин би олобогүйб.

Исай 30:19

Сион дээрэ, Иерусалимда ажаһуугша арад! Танай нёлбоһод хатаха. Абарал тушаа гуйхадатнай, Эзэн таанадта туһалха, таанадые дуулажа, харюу үгэхэ.

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Амоос 5:4

Эзэн израильшуудта иигэжэ айладана: Нам руу эрьебэл, амиды мэндэ үлэхэт!

Матвей 18:19

Тэрээнһээ гадна, хэрбээ таанадай хоёртнай газар дэлхэй дээрэ үгэеэ ойлголсоод, ямаршье юумэ эреэ һаатнай, эреэшыетнай Огторгойдо оршодог Минии Эсэгэ танда үгэхэ гэжэ хэлэхэ байнаб.

Матвей 21:22

Зальбаржа байхадаа этигэл һүзэгтэй байбал, ямаршье эриһэн юумэнтнай танда үгтэхэ, – гэжэ шабинартаа хэлээ бэлэй.

Матвей 6:33

Түрүүшээр Бурханай хаан түрые, Бурханай үнэн зүбые бэдэрэгты, тиигээ һаатнай, бусад бүгэдэ юумэнүүд танда үгтэхэ.

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Матвей 7:8

Юундэб гэбэл, эриһэн алишье хүн абадаг, бэдэрһэн хүн олодог, тоншоһон хүндэ үүдэ нээжэ үгэдэг.

Марк 11:24

Тиимэһээ Бурханда зальбаржа юумэ гуйхадаа, ямаршье эриһэн юумэеэ заабол абахаб гэһэн этигэлтэй байгты, тиигэбэл тэрэ юумэеэ абахат.

Лука 13:25

Гэрэй эзэнэй бодожо үүдэеэ хаахадань, таанад газаа тээнь зогсон, үүдыень тоншожо: «Эзэн! Эзэн! Манда үүдээ нээгыт», – гэжэ хэлэхэт. «Хаанахи зомта, би таанадые танинагүйб», – гэжэ тэрэ танда харюусаха.

Лука 18:1

Һанаа үнөөндөө дарагдаһанай хэрэггүй, саг үргэлжэ Бурхандаа зальбаржа ябаха ёһотой гэжэ ойлгуулхын тула Иисүүс иимэ һургаалта үгэ шабинартаа хөөрэбэ:

Иоанн 15:16

Таанар Намайе шэлэжэ абаагүйт, харин Би таанадые шэлэжэ абааб, хүнүүдтэ ошожо, саг үргэлжын үрэжэл асархыетнай заяагааб. Тиин таанарай Минии нэрэһээ эриһэн, хүсэһэн бүхы юумыетнай Эсэгэмни үгэхэ.

Иоанн 15:7

Хэрбээ таанадай Минии досоо оршожо, Минии үгэнүүдэй таанарай досоо оршобол, юушье эрибэлтнай, Бурхан бултыень таанарта үгэхэ.

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Римэйхиндэ 3:11

юумэ ойлгодог, Бурханиие бэдэрдэг хүн нэгэшье үгы.

Еврейнүүдтэ 11:6

Һүзэг этигэлгүй хүнүүдэй хэнииньшье Бурханай һайшаалда хүртэжэ шадахагүй: Бурханда ерэжэ байһан хүн Бурхан бии, Тэрэниие бэдэржэ байһан хүнүүдэй ашыень тэрэ харюулха гэжэ һүзэглэжэ байха ёһотой.

Яковай хандалга 5:15

Этигэл һүзэгтэйгөөр зальбархада, үбшэн хүн эдэгэхэ, Эзэн тэрэниие хүл дээрэнь бодхоохо. Тэрэ хүнэй нүгэл үйлэдэһэн байбалынь, нүгэлынь хүлисэгдэхэ.

Иоаннай 1-дэхи хандалга 3:22

Тиин бүхы эриһэн юумэеэ Бурханһаа абанабди, юундэб гэбэл, Тэрэнэй захяа заабариие бэелүүлэн сахинабди, Тэрээндэ һайшаагдаха юумэ хэнэбди.