Матвей 7:11 - Библи

¹¹ Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Шэнэ Хэлсээн

¹¹ Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Матвей 7:11 Referencias Cruzadas

Эхин 6:5

Түби дэлхэй дээрэ хүн зоной муу үйлэ хэдэгые, мүн тэдэнэй хүсэл һанааньшье буруу шэглэлтэй гэжэ Эзэн харахадаа,

Эхин 8:21

Эзэндэ энэ үнэр ехэ һайшаагдажа, Тэрэ иигэжэ шиидэбэ: – Саашадаа Би хүнэй түрэлхиин муу шанар, хара һанаанда голхорон, хүрьһэтэ газарта хараал шэнгээхэеэ болёоб. Дахин Би хэзээшье амиды амитадые иимэ аргаар усадхахагүйб.

2 Хаан түрэнүүд 7:19

Энэшье Танда бага шэнгеэр һанагдаал, Эзэн Бурхамни! Өөрынгөө богоолой уг удамай ерээдүй тушаа үшөө айладхаат. Хүниие иигэжэ хүтэлнэлта, Эзэн Бурхамни!

Иоов 15:16

Харин хүн гэжэ бузар амитанда найдалтай гү? Булагай уһанай гараһантай адли хүнэй гэм буруу таһархагүй.

Псалманууд 84:11

Энэрэл хайра болон үнэн хамта уулзаха, зүб шударга болон амгалан тайбан таалалдаха.

Псалманууд 85:12

Үнэнхэ зүрхэнһөө, Эзэн Бурхамни, Таниие магтанаб, нэрыетнай хэтэ мүнхэдөө алдаршуулан байхалби.

Псалманууд 86:5

Сион тушаа зон иигэжэ хэлсэхэ: «Энэ хүн ба тэрэ хүн тэндэ түрэһэн, Дээдэ Бурхан тэрэниие Өөрөө бэхижүүлээ».

Исай 49:15

Тиихэдэнь Эзэн иигэжэ харюусана: Эхэ хүн хүхүүлһэн хүүгэдээ мартажа шадаха гү? Түрэһэн үхибүүгээ хайрлангүй байжа шадаха гү? Мартабашье гэлэй, харин Би таанадые хэзээдэшье мартахагүйб!

Исай 63:7

Би Эзэнэй энэрэл хайрые дурсанаб. Маанадта бэлэг болгон хэһэн бүхы үйлэ хэрэгүүдэйнь түлөө Тэрээндэ баяр баясхалан хүргэнэб. Израилиин улад зониие Тэрэ угаа ехээр үреэн үршөөгөө, энэрэл хайраяа, бэлэг үреэлөө олоор бэлэглээ.

Ерэмияа 17:9

Хүнэй зүрхэ сэдьхэл харатай, заһахын аргагүй. Тэрэниие хэн ойлгожо шадахаб?

Ерэмияа 33:14

Эзэн иигэжэ айладхал буулгаба: – Израилиин болон Иудын хан түрын улад зондо найдуулан хэлэһэн үгэнүүдээ бэелүүлхэ сагни дүтэлөө.

Һошээ 14:2

Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Михей 7:18

Тандал адли нэгэшье Бурхан байхагүй. Та Өөрынгөө уг залгамжалгын хубида – Өөрын арадһаа амиды мэндэ үлэһэн маанарта нүгэлыемнай хүлисэнэт. Та хэтэ мүнхэдөө уурлажа байдаггүйт, хайрлаха, энэрэл үзүүлхэ дуратайт.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Матвей 23:9

Баһа газар дэлхэй дээрэ хэнииешье эсэгэ гэжэ бү нэрлэгты, юундэб гэхэдэ, таанар огторгойдо оршодог ори ганса Эсэгэтэйт.

Матвей 7:10

Мүн загаһа эрихэдэнь, могой үгэхэ хүн байха аал?

Иоанн 3:16

Бурхан дэлхэйн хүнүүдтэ тон ехээр дурлаһандаа Өөрынгөө ори ганса Хүбүүе үргэл болгожо үгөө. Энэ Хүбүүндэ этигэдэг хүн бүхэн хосоронгүй, мүнхэ ами наһатай байха.

Римэйхиндэ 3:19

Хүн түрэлхитэнэй өөрыгөө сагааруулхаяа болихын тула, бүхы газар дэлхэйнхидые Бурханай зарга шүүбэридэ оруулхын тула Хуули соо хэлэгдэһэн бүхы юумэнүүд Хуулиин мэдэлдэ байһан хүнүүдтэ хандуулаатай гэжэ бидэ мэдэнэбди.

Римэйхиндэ 3:9

Зай, хэлэһэн бүхы юумэмнай ямар удхатайб? Бидэ еврейнүүд бусад яһатанда орходоо һайн нүхэсэлдэ байна гүбди? Үгыл даа. Еврейнүүд бусад яһатанай зондол тон адляар нүгэл шэбэлдэ хүтэлүүлэгдэдэг гэжэ би һаяхан хэлээ һэнби.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Галадуудта 3:22

Гэбэшье хүн бүхэн нүгэл шэбэлдэ унаад байна гэжэ Нангин Бэшэг соо хэлэгдэнэ. Энэ бэшэгдэһэн бүхэнэй ушарынь гэхэдэ, Иисүүс Христоосто һүзэглэһэн бүхы зон этигэлээрээ Бурханай найдуулһые хүлеэжэ абаха.

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Иоаннай 1-дэхи хандалга 3:1

Хараад үзыт, Эсэгэ Бурхан маанадта ямар ехэ дуратай байгааб! Бидэнэр Бурханай үхибүүд гэжэ нэрлэгдэнэбди. Үнэхөөрөөшье тиимэбди! Газар дэлхэйнхид бидэниие Бурханай үхибүүд гэжэ мэдэнэгүй, юундэб гэбэл, Бурханиие тэдэ мэдэнэгүй бшуу.

Иоаннай 1-дэхи хандалга 4:10

Дуран гээшэ иимэ: Бурханда бидэ дурлаагүйбди, Бурхан Өөрөө бидэндэ дурлажа, бидэнэй хэһэн нүгэлэй түлөө үргэл болгон, Өөрынгөө Хүбүүе эльгээгээ.