Матвей 5:10 - Библи

¹⁰ Бурханай эрхэ хүсэлөөр ажаһууһанайнгаа түлөө хашуулагшад жаргалтайл, Огторгойн хаан түрэ тэдэнэй ха юм.

Шэнэ Хэлсээн

¹⁰ Бурханай эрхэ хүсэлөөр ажаһууһанайнгаа түлөө хашуулагшад жаргалтайл, Огторгойн хаан түрэ тэдэнэй ха юм.

Матвей 5:10 Referencias Cruzadas

Псалманууд 37:12

Минии анда нүхэд, танилнуудни хамшагһаамни зайлан байна, түрэл гарални холодон зогсоно.

Исай 66:5

Эзэнһээ айдаг, үгыень дууладаг зон, Тэрэнэй иимэ үгэ шагнагты: «Намда этигэдэг байһандатнай танай арад зоной заримашуул таанадые үзэн ядажа, харшална. Эзэн Өөрынгөө хүсэ шадал харуулаг лэ, таанадые манай хараһаар байтар абараг лэ, баярлахыетнай харахабди гэжэ тэдэ хэлэнэ. Тэдэ эшхэбтэр байдалда орохо!

Матвей 10:23

Таанарые нэгэ хотодо хашажа мүрдэбэлнь, ондоо хото руу зугадажа ошогты. Ушарынь хэлэбэл, Израилиин бүхы хотонуудаар таанарай ябажа үрдеэгүй байтар Хүн түрэлхитэнэй Хүбүүн заларжа ерэхэ гэжэ Би таанадта баталан хэлэнэб.

Матвей 19:14

Теэд Иисүүс: – Үхибүүдые наашань табигты, Намда ерэхэдэнь һаалта бү хэгты, ушарынь юуб гэбэл, эдэ үхибүүдтэл адли зон Огторгойн хаан түрын мэдэлдэ юм, – гэжэ хэлээ.

Матвей 25:34

Тиигээд хаан Тэрэнэй баруун талада байгаашадта хандажа: «Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Матвей 5:3

Бурханай Һүлдөөр дуталдагшад, жаргалтайл, Огторгойн хаан түрэ тэдэнэй ха юм.

Марк 10:14

Тиигэхыень хараад, Иисүүс уурлажа: – Үхибүүдые наашань табигты, Намда ерэхэдэнь һаалта бү хэгты. Эдэ үхибүүдтэл адли зон Бурханай хаан түрын мэдэлдэ юм.

Марк 10:30

энэ дэлхэйдэ бүришье ехэ юумэндэ хүртэхэ гэжэ Би баталнаб. Тэдэнэр зуу дахин олон гэрнүүдтэй, аха дүүнэртэй, эгэшэ дүүнэртэй, эжынэртэй, үхибүүдтэй, эдлэхэ газартай байха, хашалга мүрдэлгэнүүдыешье өөр дээрээ мэдэрхэ, тиин ерээдүйдэ мүнхын ажамидаралтай болохо.

Лука 21:12

Зүгөөр, эдэ бүхы юумэнүүдэй болохын урда тээ таанадые Намтай холбоотой байһанайтнай түлөө барижа хааха, хашан мүрдэхэ. Таанадые мүргэлэй гэртэ гэмнэхэ, түрмэдэ хааха. Таанадые хаашуулда болон зонхилогшодто абаашажа мүшхүүлхэ.

Лука 22:29

Хаандал адли захирха эрхэ Эсэгымни Намда үгэһэндэл адли Бишье таанадта хаандал адли захиржа байха эрхэ үгэнэб.

Лука 6:20

Иисүүс шабинар тээшээ хараад, иигэжэ хэлэбэ: – Бурханай Һүлдые угаа хүсэгшэд, жаргалтайт, Бурханай хаан түрэ танай ха юм.

Лука 6:22

Хүн түрэлхитэнэй Хүбүүнһээ боложо таанадые хүнүүдэй үзэн ядажа, доромжолоошье һаань, мүргэлэй гэрһээ намнаашье һаань, үнэн нэрыетнай гутаагаашье һаань, таанад жаргалтайт.

Иоанн 15:20

«Зараса болбол өөрынгөө эзэнһээ ехэ бэшэ» гэжэ хэлэһыемни һанана гүт? Намайе харшалаа, тиин таанарыешье харшалха. Минии үгэ дуулаа, тиин таанарайшье үгэ дуулаха.

Хэрэгүүд 5:40

Тиигээд элшэнэрые дуудажа оруулаад, ташуурдаад, Иисүүсэй нэрэ алдараар номнохыень хорёод табиба.

Хэрэгүүд 8:1

Стефаниие алаһан хэрэг Саулда ехэ һайшаагдаба. Энэ үдэрһөө хойшо Иерусалимда һүзэглэгшэдые ехээр хашан мүрдэдэг болобо. Тиимэһээ элшэнэр лэ хотодо үлөөд, бусад һүзэглэгшэд булта Иудейн ба Самариин нютагуудаар тараба.

Коринфынхидтэ 2-дохи 4:17

Тиимэ ойро зуурын бэрхэшээл зоболонгууд маанадта угаа ехэ мүнхын алдар асардаг.

Филиппынхидтэ 1:28

Дайсадһаа хэзээдэшье бү айгты, хододоо зоригтой зүрхэтэй байгты, тиигээ һаа, тэдэнэй хосорхые, харин өөһэдынгөө абарагдахые харуулхат. Бурхан таанадта тэрэ абаралга үршөөхэ.

Тимофейдэ 2-дохи 2:12

Хэрбээ бидэ зоболонгуудые дабажа байбал, Тэрээнтэйл хамта зонхилхобди. Хэрбээ бидэ Тэрээнһээ арсабал, Тэрэ баһал бидэнһээ арсаха.

Тимофейдэ 2-дохи 3:11

Антиох, Икоони, Листра хотонуудта мүрдүүлдэг, зободог байһандамнил адли ши баһа мүрдүүлнэш, зоболон эдлэнэш. Тэдэ зоболонгуудые би дабажа гараа хүнби, Эзэн тэдэнһээ намайе аршалаа.

Яковай хандалга 1:12

Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Яковай хандалга 5:11

Аргагүй ехэ тэсэбэриинь түлөө бидэ тэдэ зониие жаргалтай гэжэ тоолодогбди. Таанад Иоовой ямар тэсэбэритэй байһые, Эзэнэй һүүлэй һүүлдэ тэрээниие буян хэшэгтээ хүртөөһые һаныт. Эзэн үршөөл хайратай, энэрхы сэдьхэлтэй дээрэһээ тиигэжэ туһалаа.

Иоаннай 1-дэхи хандалга 3:12

Бидэнэр Хаяан шэнги байха ёһогүйбди. Хаяан хадаа шолмосой түрэлэй байжа, дүүгээ алаа. Юундэ тиигээб гэхэдэ, Хаяанай үйлэ хэрэгынь харатай байгаа, харин дүүгэйнь хэрэг үнэн зүб байгаа.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!