Матвей 4:4 - Библи

⁴ Тиихэдэнь Иисүүс: – «Хүн ганса хилээмээр амидардаггүй, харин Бурханай хэлэһэн үгын ашаар амиды ябадаг», – гэжэ Нангин Бэшэг соо хэлэгдэнэ, – гэжэ харюусаба.

Шэнэ Хэлсээн

⁴ Тиихэдэнь Иисус: «„Хүн гансал хилээмээр амидардаг бэшэ, харин Бурханай хэлэһэн үгын ашаар амиды ябадаг юм“, – гэжэ Нангин Бэшэгтэ хэлэгдэнэ», – гэжэ харюусаба.

Матвей 4:4 Referencias Cruzadas

Египедһээ гаралга 16:15

Израилиин хүбүүд ойлгожо ядан, бэе бэеһээ энэ юун гээшэб гэжэ асуужа байба. Моисей хэлэбэ: – Таанадай эдихэ будаа Эзэн үршөөбэ гээшэ.

Египедһээ гаралга 16:35

Израиль угсаатан Бурханай зааһан нютагта ерэтэрээ, Ханаһаан нютагай хилэ гаталтараа дүшэн жэлэй туршада сагаан будаагаар хоолложо ябаа гэдэг.

Египедһээ гаралга 16:8

– Үдэшэндөө Эзэн мяха үршөөхэ, харин үглөөдэр садатараа хилээмэ эдихэт. Юуб гэхэдэ, танай гэмэрэлдээе Тэрэ дуулаа. Харин бидэ хэн гээшэбибди? Маанадые бэшэ, Эзэниие муушална гээшэт, – гэжэ Моисей хэлэбэ.

Египедһээ гаралга 23:15

Эһээлтэгүй талханай һайндэр тэмдэглэдэг бай. Египедһээ гаралгын авиив һарада гэжэ тогтоогдоһон сагта долоон хоногой туршада эһээлтэгүй талха эдидэг байхаш гэһэн зарлиг Би буулгаа бэлэйб. Хэншье Минии урда хооһон гартай харагдаха ёһогүй.

Матвей 15:11

Амандатнай орожо байһан эдеэн таниие бузарладаггүй, харин аманһаатнай гаража байһан муухай үгэнүүд таниие бузарладаг, – гэжэ хэлэбэ.

Матвей 4:10

Тиихэдэнь Иисүүс шолмосто: – Ай, сатана! Намһаа зайла! «Ши Эзэн Бурхандаал шүтэжэ, гансал Тэрээндэ алба хэжэ бай!» – гээд Нангин Бэшэг соо хэлэгдэнэ, – гэжэ харюусаба.

Матвей 4:7

Тиихэдэнь Иисүүс: – Эзэн Бурханаа бү турша гээд баһа тэндэ бэшээтэй юм, – гэжэ шолмосто харюусаба.

Марк 7:20

Тиигээд Иисүүс үргэлжэлүүлбэ: – Досооһоотнай гарадаг юумэн таанадые бузарладаг.

Лука 4:12

Иисүүс харюудань: – Эзэн Бурханаа бү турша гэжэ Нангин Бэшэг соо хэлээтэй байдаг, – гэжэ шолмосто хэлэбэ.

Лука 4:4

– Хүн ганса хилээмээр амидардаггүй, харин Бурханай үгын ашаар амиды ябадаг гэжэ Нангин Бэшэг соо хэлэгдэнэ, – гэжэ Иисүүс шолмосто харюусаба.

Лука 4:8

– Эзэн Бурхандаа шүтэжэ, гансал Тэрээндэ алба хэгты гэжэ Нангин Бэшэг соо бэшээтэй байдаг, – гэжэ Иисүүс харюусаба.

Иоанн 15:26

Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 6:63

Ажамидарал гансал Һүлдэһөө эхи абадаг, харин хүнэй бэе эндэ юушье хэжэ шадахагүй. Таанадта Минии хэлэһэн үгэнүүд хадаа Һүлдэ, Ажамидарал гээшэ.

Римэйхиндэ 15:4

Нангин Бэшэг соо хэлээтэй бүхы юумэнүүд маанадта найдал үгэхэ зуураа һургаха, тэсэбэритэй болгохо, урмашуулха зорилготойгоор бэшээтэй.

Эфесэйхиндэ 6:17

Абаралгые дуулгадал адляар, Бурханай үгые Һүлдын үгэжэ байһан һэлмэдэл адляар абагты.

Хуули дабталга 8:3

Хүн ганса хилээмээр амидардаггүй, харин Эзэнэй үгын ашаар амиды ябадаг гэжэ ойлгохынтнай тула Тэрэ таанадые даран номгоруулаа, гэдэһыетнай үлдэхүүлээ, удаань таанадай хараагүй, үбгэ эсэгэнэрэйтнайшье үзөөгүй сагаан будаагаар холлуулаа.