Матвей 27:2 - Библи

² Иисүүсые тэдэ гэнжээр хүлеэд, Пиладта абаашажа тушааба.

Шэнэ Хэлсээн

² Иисусые тэдэ гэнжээр хүлеэд, Пиладта абаашажа тушааба.

Матвей 27:2 Referencias Cruzadas

Эхин 22:9

Бурханай заагша газар хүрөөд, Абраһаам тэндэ шулуугаар үргэлэй шэрээ барижа, дээрэнь түлеэ табяад, Исаак хүбүүгээ ооһороор хүлижэ, түлеэн дээрэ хэбтүүлбэ.

Матвей 20:19

Тиигээд Тэрээниие хариин зоной гарта тушааха. Тэдэнь Тэрээниие доромжолон наада бариха, сохихо, хэрээһэндэ хадаха. Тиигэбэшье Хүбүүн үхөөд, гурбадахи үдэртөө амидырха, – гэбэ.

Матвей 28:14

Хэрбээ засаглагшын энээн тухай юумэ дуулабал, бидэ тэрээнтэй уулзажа энэ хэрэг аргалхабди, тиимэһээ таанадта зобохо хэрэггүй, – гэбэ.

Лука 13:1

Эгээл тэрэ үедэ хүнүүд Иисүүстэ мэдээсэл асарба. Галилейн хэдэн хүнэй Һүмэ соо үргэл хэжэ байхадань, Пилат тэдэ хүнүүдэй ами хорообо гэжэ ерэһэн зон Иисүүстэ дуулгаба.

Лука 20:20

Иисүүсэй хойноһоо тагнуул табижа, үнэн сэдьхэлтэд мэтээр бэеэ харуулжа, Иисүүсые үгэ алдуулан гэнэдхээжэ баряад, Римэй захирагшын эрхэ засагта Тэрэниие тушааха зорилготойгоор өөһэдынгөө хэдэн хүнүүдые тэдэ эльгээбэ.

Лука 23:1

Зүблэлэй гэшүүд булта бодожо, Иисүүсые Пиладта абаашаад,

Лука 23:12

Энээнэй урда тээ хоорондоо дайсан харша байһан Ирод Пилат хоёр тэрэ үдэрһөө ехэ хани нүхэд болоо бэлэй.

Лука 3:1

Тибери хаанай арбан табадахи жэлээ Римэй хаан орон захиржа байхадань, Израилиин Иудей можо Понтий Пилат, Галилей можо Ирод, Итурия болон Трахониит орон нютагуудые Иродэй дүү Филипп, Абилэнээ можо Лисаний гэгшэд зонхилжо байгаа.

Иоанн 18:12

Тиихэдэнь Римэй сэрэгшэд даргатаяа хамта, мүн ахамад санаартын болон фарисейнүүдэй эльгээһэн Һүмын харуулшад Иисүүсые барижа хүлибэ.

Иоанн 18:24

Тиихэдэнь Анна Иисүүсые хүлеэтэй зандань ахамад санаарта Кайафада эльгээбэ.

Иоанн 18:28

Эртэ үглөөгүүр еврейнүүд Иисүүсые удамаршын ордондо Кайафаһаа асарба. Бэеэ бузарлахагүйн тула тэдэ римэй засаглагшын ордондо оробогүй, тэндэ ороо һаа, тэдээндэ Паасхын зоог барижа болохогүй байгаа.

Хэрэгүүд 12:6

Иродэй Пётрые улад зоной урда шүүбэрилхэ гэһэн үдэрэй урда һүни Пётр хоёр сэрэгшэдэй хоорондо дабхар гэнжээр хүлеэтэй унтажа байгаа. Тиихэдэ түрмын үүдэнэй хажууда үшөө харуул табигданхай байба.

Хэрэгүүд 21:33

Түмэнэй дарга тэдэндэ дүтэлжэ, Павелые дабхар гэнжээр хүлихыень захираад, һүүлдэ тэрэнэй хэн байһан, юу хэһэн тухай һураашалба.

Хэрэгүүд 22:25

Павелые баханада уяжа хүлихэдэнь, хажуудань байһан зуунай даргада хандан: – Таанар римэй эрхэтэниие зарга шүүбэригүйгөөр ташуурдаха эрхэтэй гүт? – гэжэ Павел асууба.

Хэрэгүүд 22:29

Павелые ташуурдаха ёһотой байһан сэрэгшэд түргэхэн холо болобо. Харин түмэнэй дарга римэй эрхэтэниие гэнжээр хүлибэб гэжэ мэдэхэдээ, ехээр айн һүрдэбэ.

Хэрэгүүд 24:27

Хоёр жэлэй үнгэрһэн хойно Феликсын орондо захирагшын тушаалда Поркий Фест оробо. Феликс еврейнүүдэй һайшаалда хүртэхын тула Павелые харуул доро үлөөбэ.

Хэрэгүүд 28:20

Энэ талаар уулзажа хөөрэлдэхын тула би таанадые өөртөө дуудааб. Юуб гэхэдэ, Израилиин зоной найдажа байһан хүнэй түлөө би гэнжэлүүлээд ябанаб.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Хэрэгүүд 4:27

Нээрээшье Ирод ба Понтий Пилат хоёр Израилиин арад зонтой болон бусад арадуудтай энэ хотодо үгэсэлдэн, Танай табисуурта, нангин Зараса Иисүүсэй урдаһаа эбээ нэгэдхэбэ.

Хэрэгүүд 9:2

Дамааскын мүргэлэй гэрнүүдтэ бэшэг бэшэжэ үгэхыень гуйба. Тэрэ бэшэгэй ёһоор Эзэнэй зам баримталһан эхэнэр, эрэшүүлые барижа, Иерусалим туужа абаашаха эрхэ Саулда үгтэбэ.

Тимофейдэ 1-дэхи 6:13

Бүхы юумэндэ ами хайрлажа байһан Бурханай урда, Понтий Пиладта һүзэгөө баталжа хэлэһэн Христоос Иисүүсэй урда Эзэн Иисүүс Христоосой ерэхэ үдэр хүрэтэр гэмнүүлхэгүйн тула заабариие үнэн сэхээр сахижа байхыешни би шамда захинаб.

Тимофейдэ 2-дохи 2:9

Тэрэл Һайн Мэдээсэлэй түлөө би зобожо, үшөө тиихэдэ дээрмэшэндэл мэтэ гэнжээр хүлеэтэй байнаб. Зүгөөр Бурханай үгые гэнжээр хүлихэ аргагүй.

Еврейнүүдтэ 13:3

Түрмэдэ һууһан хүнүүд тухай тэдэнтэй суг хаагдаһан мэтэл һанажа байгты. Зобожо байһан хүнүүдтэй адли зоболсон, тэдэниие һанажа байгты.

Ударидагшад 15:12

Тиихэдэнь тэдэнэр Самсоондо иигэжэ хэлэбэд: – Бидэнэр шамайе барижа хүлеэд, пилиштүүдэй гарта үгэхэбди. Самсоон тэдэндэ иигэжэ хэлэбэ: – Таанад намайе алахагүйбди гэжэ намда тангариглагты!