Матвей 26:53 - Библи

⁵³ Мүнөө Эсэгэһээ туһаламжа гуйхатаймни сасуу Намда Эльгээмэлнүүдэй арбан хоёр сэрэгһээ үлүү ехэ сэрэг тэрэ дороо ябуулха аргатай гэжэ мэдэнэгүй аалши?

Шэнэ Хэлсээн

⁵³ Мүнөө Эсэгэһээ туһаламжа гуйхатаймни сасуу намда Эльгээмэлнүүдэй арбан хоёр сэрэгһээ үлүү ехэ сэрэг тэрэ дороо ябуулха аргатай гэжэ мэдэнэгүй аалши?

Матвей 26:53 Referencias Cruzadas

4 Хаан түрэнүүд 6:17

Тиигээд тэрэ зальбаржа мүргөөд: – Эзэн, минии зарасын харахын тула нюдыень нээгыт, – гэжэ хэлэбэ. Эзэн тэрэнэй зарасын нюдэ нээбэ. Тиихэдэнь тэрэ зарасын харахада, гүбээгээр дүүрэн морид, галта тэргэнүүд байба. Тэдэнэр Элишаае бүһэлэн тойроод,

Даниил 7:10

Тэрээнһээ гал дүлэн гол мэтэ урдажа байгаа. Мянганай мянган Тэрээндэ алба хэжэ, түмэнэй түмэн урдань зогсожо байгаа. Шүүбэрилэгшэд һуужа, номууд нээгдэбэ.

Матвей 25:31

– Хүн түрэлхитэнэй Хүбүүн алдар солотойгоор бүхы Эльгээмэлнүүдтэйгээ хамта ерэхэдээ, Өөрынгөө алдарта шэрээдэ һууха.

Матвей 4:11

Тиихэдэнь шолмос Иисүүсые орхижо ошобо, харин Бурханай Эльгээмэлнүүд Тэрээндэ туһалхаяа ерэбэ.

Марк 5:15

Тэдэнэй Иисүүстэ ерэхэдэнь, үй түмэн ада шүдхэрнүүдтэ барюулаатай байһан хүн хубсалаад, элүүр ухаантай һууба, тиимэһээ хүн зон ехээр айжа һүрдэбэ.

Марк 5:9

Тиигээд Иисүүс: – Нэрэшни хэн бэ? – гэжэ һураба. – Үй түмэн гэжэ нэрэтэйб, юундэб гэхэдэ, бидэ угаа олонбди, – гэжэ үнөөхи хүниинь харюусаба.

Лука 8:30

– Нэрэшни хэн бэ? – гэжэ Иисүүс тэрээнһээ һураба. – Үй түмэн, – гэжэ тэрэ харюусаба. Юундэб гэхэдэ, тоогүй олон ада шүдхэрнүүд тэрэ хүнэй досоонь орожо байрлаа бшуу.

Иоанн 10:18

Минии ами наһые хэншье хороохогүй, харин Би Өөрөө ами наһаяа үгэхэб. Би ами наһаяа үгэхэ эрхэтэйб, Би ами наһаяа һөөргэнь абаха эрхэ засагтайб. Эсэгэмни Намда тиигэжэ захяа юм.

Иоанн 18:36

Иисүүс харюусаба: – Минии хаан түрэ энэ дэлхэй дээрэхи засаг түрэдэл адли бэшэ. Хэрбээ Минии хаан түрэ энэ дэлхэйн байбал, Минии албатан Намайе еврейнүүдэй ахамадуудай гарта оруулхагүй гэжэ оролдохо һэн. Минии мэдэлэй хаан түрэ энэ дэлхэйн бэшэ.

Фессалоникиинхидтэ 2-дохи 1:7

харин зобожо байһан таанад, мүн бидэ, баясахабди. Эзэн Иисүүсэй һүр хүсэтэй Эльгээмэлнүүдтэйгээ тэнгэридэ аһажа байһан гал соо харагдахадань, Бурхан эдэ бүхэниие бэелүүлхэ. Бурханиие буруушааһан хүнүүдые, Һайн Мэдээсэлыень баримталдаггүй хүнүүдые Эзэн Иисүүс хэһээхэ.

Иудын хандалга 1:14

Тэдэнэр тухай Адаамай долоодохи үеын үри һадаһан болохо Эноох иигэжэ уридшалан айладаа: «Тоогүй олон гэгээнүүдтэйгээ хамта Эзэн ерэнэ.