Матвей 26:11 - Библи

¹¹ Үгытэй ядуушуул хододоо таанартай байхал, харин Би таанартай ходо байхагүйб.

Шэнэ Хэлсээн

¹¹ Үгытэй ядуушуул хододоо таанартай байхал, харин би таанартай ходо байхагүйб.

Матвей 26:11 Referencias Cruzadas

Матвей 18:20

Ушарынь юуб гэхэдэ, хоёр гү, али гурбан хүн Минии нэрээр хаана сугларнаб, тэндэнь Би хоорондонь байхаб.

Матвей 26:10

Теэд Иисүүс шабинарайгаа хэлэжэ байһые мэдэжэ байгаад, тэдэндээ хандан: – Энэ эхэнэрые юундэ түбэгшөөлгэбэт? Тэрэ намда ехэл һайн юумэ хэбэл.

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Марк 14:7

Үгытэй ядуушуул хододоо таанартай байхал, таанад дуратайл сагтаа тэдэндэ туһалха аргатай байхат. Харин Би таанартай ходо байхагүйб.

Иоанн 12:8

Үгытэй ядуушуул хододоо таанартай байхал, харин Би таанартай хододоо байхагүйб.

Иоанн 13:33

Үхибүүдни, таанартай суг хамта байха сагни бага үлөө. Таанар Намайе бэдэрхэт, теэд еврейнүүдэй ахамадуудта хэлэһэндэл адляар, Би таанарташье мүнөө хэлэхэмни: «Минии ошохо газарта таанар ерэжэ шадахагүйт».

Иоанн 14:19

Үшөө нэгэ хэды болоод, дэлхэйнхид Намайе харахагүй, харин таанар Намайе хаража, үзэжэ байхат; Би амиды байнаб, тиимэһээ таанаршье баһа амиды байхат.

Иоанн 16:28

Би эндэ Эсэгэһээ ерээб, мүнөө энэ дэлхэйе орхёод, Эсэгэдээ бусахамни.

Иоанн 16:5

– Мүнөө Намайе эльгээгшэдэ ошохомни. Теэд «Та хайшаа ошохотнайб?» гэжэ таанарай хэнтнайшье Намһаа һуранагүй.

Иоанн 17:11

Энэ дэлхэйдэ саашадаа байхаяа болёоб, Тандаа бусажа ошохомни, харин эдэмни дэлхэйдэ үлэхэнь. Гэгээн нангин Эсэгэмни аа! Өөрынтнай нэрэ солын тулада, Намда Танай үгэһэн эдэ хүнүүдые, Та Бидэ хоёртол нэгэн адли байхынь тула абаран үлөөгыт даа.

Хэрэгүүд 3:21

Гэгээн лүндэншэдөөрөө үни гэхэдэ дамжуулан найдуулһан ёһоороо Бурханай бүхы юумые шэнэлүүлтэр Христоос тэнгэридэ оршохо ёһотой.

Галадуудта 2:10

Тэдэ элшэнэр Иерусалимай ядуу һүзэглэгшэдэй бүлгэмдэ анхаралаа хандуулхыемнай бидэнһээ гуйгаа. Тиимэһээ би энээндэ һаналаа табижа, тэдэ зондо туһалдаг байгааб.

Хуули дабталга 15:11

Газар дэлхэй дээрэ үгытэй нэгэ тэды израильшууд хододоо байха. Тиимэһээ үгытэй угсаатандаа туһалхые, өөрынгөө орон нютагай гуйраншанда туһалжа байхые би шамда захирнаб.

Иоаннай 1-дэхи хандалга 3:17

Энэ дэлхэйдэ юумээр дутадаггүй баян һуудаг хүн аад, аханар дүүнэрэйнгээ үгытэй ядуу һуухадань һанаагаа зободоггүй хүн: Бурханда дуратайб гэжэ яагаад хэлэжэ шадаха гээшэб?