Матвей 23:5 - Библи

⁵ Зүгөөр хүнүүдтэ юумэ хэжэ байһан хэбэр үзүүлхэ гэжэ бүхы шадалаараа оролдодог. Нангин Бэшэг сооһоо мүрнүүдые бүд дээрэ олоор бэшээд, духаяа боодог, гартаа уядаг, Бурханда зорюулаатай байһыень харуулһан дэгэлдэнь оёотой сасагуудынь бусад зонойхиһоо ута унжагар байдаг, Нангин Бэшэг сооһоо буулгажа абтаһан мүрнүүдые хадагалжа ябадаг арһан туламуудынь ехэл томо байдаг.

Шэнэ Хэлсээн

⁵ Зүгөөр юумэ хэжэ байһан хэбэр хүнүүдтэ үзүүлхэ гэжэ бүхы шадалаараа оролдодог. Нангин Бэшэг сооһоо мүрнүүдые бүд дээрэ олоор бэшээд, духаяа боодог, гартаа уядаг, Бурханда зорюулаатай байһыень харуулһан дэгэлдэнь оёотой сасагуудынь бусад зонойхиһоо ута унжагар байдаг, Нангин Бэшэг сооһоо буулгажа абтаһан мүрнүүдые хадагалжа ябадаг арһан туламуудынь ехэл томо байдаг.

Матвей 23:5 Referencias Cruzadas

4 Хаан түрэнүүд 10:16

тэрээндэ хандажа: – Намтай ябалса. Ши минии Эзэндэ үнэн сэхэ байһые харахаш, – гэбэ. Ёнадааб тэрээнтэй хамта ябалсаба.

Египедһээ гаралга 13:9

Энэ хадаа Эзэнэй зарлиг тогтоохын тулада гар дээрэш тэмдэг, нюдэнэйш урда хүшөө болохо ёһотой. Эзэнэй зарлиг хуули үгэ хэлэндэш хододоо байха ёһотой, юуб гэхэдэ, Эзэн хүсэ хүсэлэн, Египедһээ шамайе гаргаһан байна.

Һургаал 3:3

Этигэл ба үнэн сэхэ шамайе бү орхиг. Эдэниие зүрхэнэйнгөө хабтаһан дээрэ бэшэ, хүзүүндээ орёо.

Левит 13:32

Долоодохи хоногто санаарта яра шархыень хараха, хэрбээ шархань саашаа һүжэрөөгүй, шарабтар үһэгүй, хамуу арһа руунь ороогүй байгаа һаань,

Матвей 9:20

Арбан хоёр жэл соо шуһа гоожоод тогтодоггүй үбшэнгөөр зобожо байһан нэгэ эхэнэр Иисүүсэй араһаа ерэжэ, хубсаһандань халта гараараа хүрэбэ.

Лука 16:15

Иисүүс тэдэндэ хэлэбэ: – Таанад зоной урда Бурханай захяа заабари дүүргэдэг хэбэр үзүүлдэгта, харин Бурхан танай досоохиие нэбтэ хаража байна. Хүнүүдэй ехэ шухала гэжэ тоолодог юумэнүүд Бурханай урда юуншье бэшэ ха юм.

Лука 20:47

Тэдэнэр бэлбэһэн эхэнэрнүүдэй зөөри һэшхэлгүйгөөр үбэртэлдэг, олоной нюдэн дээрэ удаан мүргөөшэ болодог. Тиимэрхүү зон хатуу хэһээлтэдэ хүртэхэ даа.

Иоанн 12:43

Хүнүүдэй магтаалда хүртэхэнь Бурханай һайшаалда хүртэхэһөө дээрэ гэжэ тэдэ һанаһан байна.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Иоанн 7:18

Өөрэһөөн хэлэһэн хүн өөрыгөө магтуулхаяа оролдоно, харин Намайе эльгээһэн Бурханиие алдаршуулхаяа оролдогшо үнэн зүбые хэлэнэ, тэрэнэй зүрхэ сэдьхэлдэ худал юумэн байхагүй.

Хуули дабталга 11:18

Минии эдэ үгэнүүдые ой ухаандаа, зүрхэ сэдьхэлдээ хадуун абагты, гартаа дүлгэ тэмдэг болгон уягты, һанажа байхын тула магнай дээрэтнай тэдэ боолто болоод байг лэ.

Хуули дабталга 22:12

Сасаг хэжэ, үмдэдэг хубсаһанайнгаа дүрбэн тээһээнь тэрэниие уян бүхэлэ.

Хуули дабталга 6:8

Дүлгэ тэмдэг мэтээр тэдэниие гартаа уягты, һануулга мэтээр магнай дээрээ боолто болгон байлгагты.

Филиппынхидтэ 1:15

Тиихэдээ нэгэ зариманиинь манда атаархаһан, маанадтай арсалдаһан шалтагаанһаа Христоос тухай номноно, харин нүгөө зариманиинь һайн дураараа, туһалхаяа хүсэжэ байһан дээрэһээ номноно.

Филиппынхидтэ 2:3

Юумэ хэхэдээ, өөр тухайгаал бү бодогты, али хүнэй магтаалда хүртэхын лэ тула бү оролдогты. Зүгөөр даруу номгон байгты, бусад зониие өөрһөө дээгүүр бодожо байгты.

Фессалоникиинхидтэ 2-дохи 2:4

Бурханда, нангин гэжэ нэрлэгдэдэг бүхы юумэндэ тэрэ хүн эсэргүүсэхэ, тэдэ бүхэнэй дээгүүр өөрыгөө табиха. Тиихэдээ тэрэ бүри Һүмэдэ һуугаад, өөрыгөө Бурханби гэжэ баталан хэлэхэ.