Матвей 21:12 - Библи

¹² Иисүүс Һүмэ ошожо, тэндэ хонжоо наймаа хэгшэдые, юумэ худалдажа абагшадые бултыень намнажа гаргаба. Мүнгэ һолигшодой шэрээнүүдые, гулабхаа худалдагшадай һандалинуудые хүмэрюулбэ.

Шэнэ Хэлсээн

¹² Иисус Бурхан Һүмэ ошожо, тэндэ хонжоо наймаа хэгшэдые, юумэ худалдажа абагшадые бултыень намнажа гаргаба. Мүнгэ һолигшодой шэрээнүүдые, гулабхаа худалдагшадай һандалинуудые хүмэрюулбэ.

Матвей 21:12 Referencias Cruzadas

Египедһээ гаралга 30:13

Тоо бүридхэлэй үедэ хүн бүхэн хадаа нангин шээкэлэй хахадыень (шээкэл – хорин гер) һүмэдэ оруулаг. Энэ бол Эзэндэ үргэл.

Левит 1:14

Хэрбээ шубуу шонхорһоо Эзэндэ түгэс шатаалта үргэл хэхэ гэбэл, түүтэй шубуу гү, али залуу тагтаа шубуу асараг.

Левит 12:6

Арюудхалгын хоног хүсөөгөөд, тэрэ эхэнэр хүбүүнэйнгээ гү, али басаганайнгаа түлөө хурьга түгэс шатаалта үргэл болгон, залуу тагтаа шубуу гү, али түүтэй шубуу нүгэл сагааруулгын үргэл болгон, майхан һүмын үүдэндэ санаартада асаржа үгэхэ ёһотой.

Левит 12:8

Хэрбээ нарайлһан эхэнэр хурьга асарха шадалгүй байгаа һаа, хоёр залуу тагтаа шубуу гү, али хоёр түүтэй шубуу, нэгыень түгэс шатаалта үргэл болгон, нүгөөдыень нүгэл сагааруулгын үргэл болгон асараг. Санаартын арюудхалга хэхэдэнь, тэрэ үдэрһөө хойшо нарайлһан эхэнэр арюун сэбэр гэжэ тоологдохо.

Левит 14:22

Баһа тиигээд өөрынгөө шадалаараа хоёр түүтэй шубуу гү, али хоёр залуу тагтаа шубуу: нэгыень нүгэл сагааруулгын үргэл болгон, нүгөөдыень түгэс шатаалта үргэл болгон асараг.

Левит 14:30

Тэрэ арюудхагдагша хүнэй шадалаараа хүргэһэнһөөнь нэгэ түүтэй шубуу гү, али нэгэ тагтаа шубуу асарха ёһотой.

Левит 15:14

Наймадахи үдэртөө хоёр залуу тагтаа шубуу, хоёр түүтэй шубуу Уулзалгын майхан һүмын үүдэндэ Эзэнэй үмэнэ асаржа, санаартада үгэхэ ёһотой.

Левит 15:29

Наймадахи үдэр хоёр залуу тагтаа шубуу гү, али хоёр түүтэй шубуу майхан һүмын үүдэндэ, санаартада асаржа үгэхэ ёһотой.

Левит 5:11

Хэрбээ хоёр эмэ гү, али хоёр эрэ тагтаа шубуу асарха шадалгүй байгаа һаань, нүгэл сагааруулгын үргэл гэжэ эфаагай арбанай нэгэ хуби шэниисын гурил асараг. Тэрээн дээрээ оливын тоһо бү адхаг, гүгэл бү хэг, юундэб гэхэдэ, энэ хадаа нүгэл сагааруулгын үргэл гээшэ.

Левит 5:7

Хэрбээ хони асарха шадалгүй байгаа һаа, нүгэлэйнгөө түлөө хоёр эмэ гү, али хоёр эрэ тагтаа шубуу асараг: нэгыень – нүгэл сагааруулгын үргэл гээд, нүгөөдынь – түгэс шатаалта үргэлдэ.

Марк 11:11

Иерусалимда ороод, Иисүүс Һүмэ ошожо, досоонь байһан бүхы юумэ анхаралтайгаар хараба. Тиигээд орой болошоһон дээрэһээ арбан хоёр элшэнэрээрээ хамта Тэрэ Бэтаани руу бусажа ошобо.

Иоанн 2:13

Еврейнүүдэй Паасхын һайндэрэй болохонь ойртожо байхада, Иисүүс Иерусалим ошобо.