Матвей 2:1 - Библи

¹ Иисүүс болбол Иудейн Бэтлэһээм хотодо Ирод хаанай зонхилжо байха үедэ түрэбэ. Тэрэ үедэ зүүн зүгһөө Иерусалим хотодо сэсэшүүл ерээд,

Шэнэ Хэлсээн

¹ Иисус болбол Иудейн Вифлеем хотодо Ирод хаанай зонхилжо байха үедэ түрэбэ. Тэрэ үедэ зүүн зүгһөө Иерусалим хотодо сэсэшүүл ерээд,

Матвей 2:1 Referencias Cruzadas

Эхин 10:30

Иигээд Шээмэй үри һадаһад өөр өөрын хэлэтэй обог аймагууд боложо, Мэшаа хотын ба зүүн зүгтэ хада уулатай газарта оршодог Сэпаар хотын хоорондо һуурижаһан гэхэ.

Эхин 25:6

Харин бага һамгадһаа гараһан хүбүүдтээ үнэтэ бэлэгүүдые үгөөд, Исаагһаа холодуулан, зүүн зүг руу ябуулжа, һуурижуулба.

Эхин 41:8

Үглөөгүүрынь тэрэ һанаата болоод, Египедэй хамаг мэдэлшэдые болон сэсэн мэргэн тайлбарилагшадые дуудан ерүүлээд, хараһан зүүдэеэ хөөрэхэдэнь, хэншье тэрэнииень тайлбарилжа шадабагүй.

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

3 Хаан түрэнүүд 4:30

Зүүн зүгэй сэсэн мэргэшүүлһээ, Египедэй сэсэшүүлһээ тэрэ һураггүй дээгүүр мэргэн ухаатай һэн.

1 Угай бэшэг 2:51

Бэтлэһээмые байгуулагша Сальмаа; Бэт-Гадээрые байгуулагша Харээп.

Иоов 1:3

Зөөри баялигынь гэхэдэ, долоо мянган хонитой, гурба мянган тэмээтэй, табан зуун паар ажалай сартай, табан зуун эмэ элжэгэтэй, олон тоото зарасанартай байгаа. Тэрэ хүн Дурна зүгэй хамагай суутай зоной нэгэн бэлэй.

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Матвей 1:25

Хүбүүнэйнгээ түрэтэр Иосиф һамгантайгаа хамта унтаагүй һэн. Хүбүүндээ тэрэ Иисүүс гэжэ нэрэ үгөө һэн.

Матвей 2:16

Сэсэшүүлдэ мэхэлүүлһэнээ мэдэрхэдээ, Ирод аргагүй ехээр сухалдаба. Тиигээд Бэтлэһээм хото болон тэрэниие оршон тойроһон нютагуудай хоёр наһанһаа доошо хүбүүдые алагты гэһэн захиралтатайгаар сэрэгшэдээ эльгээбэ. Үхибүүнэй наһа Ирод сэсэшүүлһээ мэдэжэ абаһан сагаар багсааһан байна.

Матвей 2:19

Иродэй үхэһэн хойно Египедтэ байһан Иосифой зүүдэндэ Бурханай Эльгээмэл үзэгдөөд:

Матвей 2:3

Энээниие дуулаад, Ирод хаан, тэрээнтэй хамта бүхы Иерусалимай зон һанаата болобо.

Матвей 2:5

Тэдэнь иимэ харюу үгэбэ: – Иудейн Бэтлэһээмдэ түрэхэ ёһотой байгаа, лүндэншын иигэжэ бэшэһэн ёһоор:

Матвей 2:7

Тиихэдэнь Ирод зүн зүгһөө ерэһэн сэсэшүүлые нюусаар дуудаад, одоной мандаһан саг тэдэнһээ мэдэжэ абаба.

Лука 1:5

Иудейн орон нютагые Ирод хаанай зонхилжо байхада Захарияа ба Елизавета гэжэ нэрэтэй үбгэ һамга хоёр ажаһуугаа: үбгэниинь Абияа бүлэгэй санаартан, тиин һамганиинь Аарон гэжэ ахамад санаартанай үри һадаһан мүн байгаа.

Лука 2:11

мүнөөдэр Давид хаанай хотодо танай Абарагша түрэбэ, Бурханай табисуурта Эзэн мүндэлбэ.

Лука 2:15

Эльгээмэлнүүдэй огторгойдоо бусахадань: – Бэтлэһээм хото ошожо, энэ ушарһан бүхэниие хараял, Эзэнэй хэлээшыень үзэел! – гэжэ малшад бэе бэедээ хэлэбэ.

Иоанн 7:42

Бурханай табисуурта болбол Давидай үри һадаһан мүн, Давидай түрэһэн Бэтлэһээм хотоһоо ерэхэ ёһотой гэжэ Нангин Бэшэг соо хэлээтэй ха юм.

Ударидагшад 17:7

Эгээл тэрэ үедэ Иудын Бэтлэһээм хотодо Иудын обогой залуу левит хүбүүн ажаһууба.