Матвей 19:9 - Библи

⁹ Зүгөөр Би таанарта иигэжэ хэлэхэб: өөртэнь урбаагүй һамганһаа һалаад, ондоо эхэнэртэй гэрлэһэн хүн бүхэн урбагша болоно, – гэжэ хэлээ.

Шэнэ Хэлсээн

⁹ Зүгөөр би таанарта иигэжэ хэлэхэб: өөртэнь урбаагүй һамганһаа һалаад, ондоо эхэнэртэй гэрлэһэн хүн бүхэн урбагша болоно», – гэжэ хэлээ.

Матвей 19:9 Referencias Cruzadas

Эхин 20:3

Зүгөөр нэгэтэ һүни зүүдэн соонь Бурхан үзэгдэжэ, Абимээлэхтэ иигэжэ айладхаба: – Энэ эхэнэрые абаһанайнгаа түлөө ши үхэхэш. Тэрэшни үбгэнтэй.

2 Угай бэшэг 21:11

Тэрэ Иудын хадалиг газарнуудаар мүргэлэй газарнуудые байгуулжа, Иудын болон Иерусалимай зониие Эзэнэй урдаһаа нүгэл хэхэ харгы руу түлхибэ.

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Ерэмияа 3:8

Намда урбаһан Израилиин бүхы һальхай забхай ябадалыень хараад, Би тэрэниие ябуулжа, һалаһанай гэршэлгэ үгөөб. Харин үнэн сэхэ бэшэ Иуда эгэшэнь энээнһээ айбагүй, тэрэ мүн лэ янхан эхэнэр мэтэ болоо.

Эзэкээл 16:15

Гэбэшье гоё һайхан болоһоноо ойлгожо, хажуугааршни гарагша бүхэнтэй забхайран унтажа эхилээш.

Эзэкээл 16:29

Вавилооной зоной хойноһоо гүйн, тэдээнтэй унтаад, баһал ханабагүйш.

Эзэкээл 16:8

Би дахяад шамайе эрьехэдээ, инаг дуранай наһандаа ябахыеш хаража, хубсаһа-далиингаа хормойгоор нюсэгэн бэеыеш орёон хушаа бэлэйб. Минии болохош гэжэ Би тиихэдэ ехэ тангариглаад, шамтай хэлсээ баталаа һэм.

Матвей 19:10

Шабинарынь тэрээндэ: – Хэрбээ хүн һамганайнгаа урда тиимэ уялгатай байбалнь, юрэдөө һамга абангүй байбал дээрэ бэшэ гү, – гэжэ хэлэбэ.

Матвей 19:8

Иисүүс тэдэндэ: – Шулуун сэдьхэлтэй байһан хадатнай һамганһаа һалаха зүбшөөл Моисей таанарта үгөө; теэд Бурхан анханһаа тиигэжэ заяагаагүй юм.

Матвей 5:32

Харин Би мүнөө таанадта иигэжэ хэлэхэб: өөртэнь урбаагүй эхэнэрһээ бусад шалтагаануудаар һалаһан алишье эрэ һамгаяа урбалтада түлхинэ; мүн тиимэ эхэнэрээр һамга хэһэн хүн баһал урбагша болоно.

Лука 16:18

Һамганһаа һалаад, ондоо эхэнэртэй һууһан хүн түрүүшынгээ һамганда урбаба гээшэ. Мүн үбгэнһөө һалаһан эхэнэрээр һамга хэһэн хүн баһал түрүүшынгээ нүхэртэ урбаба гээшэ.

Коринфынхидтэ 1-дэхи 5:1

Таанадай дунда забхайралга ушарна, нэгэнтнай хойто эхэтэйгээ орёолдоно гэһэн һураг минии һонорто хүрэбэ. Тиимэ бузар забхайралга бусад арадуудайшье дунда ушараа гэжэ дуулдаагүй.

Коринфынхидтэ 1-дэхи 7:39

Хадамтай эхэнэр нүхэрэйнгөө элүүр мэндэ байха сагта нүхэртэйгөө холбоотой. Харин нүхэрэйнь нүгшэбэл, тэрэ эхэнэр сүлөөтэй боложо, дуратай хүндөө дахин хадамда гараха эрхэтэй, гэхэтэй сасуу тэрэ хүниинь заабол Христоосто һүзэглэдэг хүн байха ёһотой.

Коринфынхидтэ 1-дэхи 7:4

Эхэнэр хүн өөрынгөө бэеын эзэн бэшэ, нүхэрынь һамганайнгаа бэеын эзэн гээшэ, тон тиигэжэл эрэ хүн өөрынгөө бэеын эзэн бэшэ, һамганиинь нүхэрэйнгөө бэеын эзэн гээшэ.