Матвей 18:10 - Библи

¹⁰ Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – Минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Шэнэ Хэлсээн

¹⁰ Таанад эдэ багашуулай нэгыеньшье доогуур бү харагты, тэдэнэй тэнгэридэ оршогшо һахюуһан – Эльгээмэлнүүдынь – минии Эсэгын шарайе хододоо тэнгэридэ хаража байдаг юм гэжэ танда хэлэнэб.

Матвей 18:10 Referencias Cruzadas

2 Хаан түрэнүүд 14:28

Абшалоом Иерусалимда хоёр жэл соо ажаһуухадаа хаантай нэгэшье удаа уулзаагүй.

3 Хаан түрэнүүд 22:19

Михай харюудань: – Эзэнэй айладхал шагна! Эзэнэй сэнтиидээ залараад, хажуудань баруун, зүүн гараарнь Огторгойн сэрэг барандаа зогсон байна гэжэ би харааб.

Эстээр 1:14

Перс болон Мидиин уласай эгээл үндэр тушаалнуудые эзэлдэг, хааниие һанаһан сагтаа бараалхаха эрхэтэй Харшэнаа, Шэтаар, Адматаа, Таршииш, Мээрэс, Марсэнаа, Мэмухаан гэдэг сэсэн мэргэшүүлдээ хаан хандаба.

Псалманууд 15:4

Ондоо бурханда хандагшадай зоболон олошорог! Шуһата ундан үргэлынь тэдэнтэй хамта үргэхэгүйб, нэрэнүүдыньшье амаараа дурдахагүйб!

Псалманууд 17:15

Годлинуудаа харбажа, дайсадые сасан бутаргааба, олоор сахилгаа сахилуулжа, бута сохибо.

Псалманууд 34:7

Юуб гэбэл, ямаршье шалтагаангүйгөөр тэдэ намда урьха табина, ямаршье шалтагаангүйгөөр тэдэ намда нүхэ малтана.

Псалманууд 91:11

Харин Та эбэрыем зэрлиг үхэрэй мэтээр үргэнэт, шэнэхэн тоһоор тоһологдооб.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Захарияа 4:10

Долоон дэн тухай хэлээ һэмнайб. Эдэ хадаа Эзэнэй хамаг дэлхэйе шобто харадаг нюдэд гээшэ. Зэрубабээлэй гарта байһан тэгшэлүүр тээшэ баяртайгаар хаража байһан энэ үдэрые хэн шухала бэшэ гэжэ хэлэхэб даа, – гэжэ Эльгээмэл хэлэбэ.

Матвей 1:20

Тиигэжэ бодоод, Иосифой дууран хэбтэхэдэнь, Бурханай Эльгээмэл зүүдэндэнь үзэгдөөд, иигэжэ хэлэбэ: – Давидай үри һадаһан Иосиф, Мариягай түрэхэ хүбүүн Арюун Һүлдэһөө бүрилдэһэн юм. Тиимэһээ ши тэрэниие һамган болгожо абахаяа бү ай.

Матвей 12:20

хухарһан хулһые таһа татахагүй, залиржа байһан дэн унтараахагүй. Үнэн зүб зарга шүүбэри илалтада хүргэхэ,

Матвей 18:14

Энээндэл тон адляар, тэнгэридэ оршогшо танай Эсэгэ эдэ багашуулай нэгыеньшье алдаха дурагүй байна.

Матвей 18:6

Зүгөөр Намда этигэгшэ эдэ юрын зоной нэгыеньшье нүгэл хилэнсэдэ хэн нэгэн түлхибэл, тэрээн дээрэ аймшагтай хэһээлтэ бууха. Тэрэ хүнэй хүзүүндээ тээрмын шулуу уяад, далайн гүн руу орожо шэнгэбэлнь, тэрээндэ өөртэнь дээрэ байха һэн.

Матвей 2:13

Тэдэ сэсэшүүлэй ябаһан хойно Бурханай Эльгээмэл Иосифой зүүдэндэ үзэгдөөд, иигэжэ хэлэбэ: – Ирод энэ хүбүүе алахаяа һанаашалаад, бэдэржэ орохонь. Тиимэһээ ши бушуухан бодоод, хүбүүгээ эхэтэйнь абажа, Египет руу тэрьедэ. Тиигээд минии шамда дуулгатар тэндээ байгаарай.

Матвей 2:19

Иродэй үхэһэн хойно Египедтэ байһан Иосифой зүүдэндэ Бурханай Эльгээмэл үзэгдөөд:

Матвей 24:31

Шанга дуутай бүреэгэй дуугархада, Тэрэ Өөрынгөө Эльгээмэлнүүдые замби түбиин дүрбэн хизаарта эльгээхэ, тэдэнь Тэрэнэй шэлэжэ абаһан хүнүүдые огторгойн нэгэ захаһаа нүгөө заха хүрэтэр суглуулха.

Лука 1:19

– Би болбол Бурханай ойро оршодог Габриһээл гээшэб. Энэ һайн мэдээсэл дуулгахыемни Бурхан намайе шамда эльгээгээ юм.

Лука 10:16

Түлөөлэгшэдни, таанадые шагнажа байһан хүнүүд Намайешье шагнана, таанадые буруушааһан хүнүүд Намайешье буруушаана. Харин Намайе буруушааһан хүнүүд Намайе иишэ эльгээһэн Бурханиие буруушаана, – гэжэ хэлэбэ.

Лука 16:22

Тииһээр байтар тэрэ үгытэй баарһан үхэбэ гэхэ. Бурханай Эльгээмэлнүүд тэрэниие тэнгэридэ абаашажа, Абраһаамай хажууда һуулгаба ха. Мүнөөхи баяншье наһанһаа нүгшэжэ, тэрэниие хүдөөлүүлээ һэн.

Хэрэгүүд 10:3

Нэгэтэ үдын гурбан саг багаар үзэгдэл харагдаба. Бурханай Эльгээмэл орожо: – Корнелий, – гэжэ дуудахыень элеэр дуулаба.

Хэрэгүүд 12:15

– Ай, ухааншни муудаа ха, – гэжэ бусад зон Родада хэлэбэ. Гэбэшье тэрэ эхэнэрэй өөрынхёорөөл болоод һалахагүйдэнь, тэдэ: – Пётрой Эльгээмэл байгаа ёһотой, – гэжэ буруушаабад.

Хэрэгүүд 12:23

Бурханай алдар соло дуудангүй байһанайнь түлөө Эзэнэй Эльгээмэл Иродые гэнтын үбшэнгөөр дайража, Ирод хаан үтэ хорхойдо барюулан үхэбэ.

Хэрэгүүд 27:23

Эрхэ мэдэлдэнь байдаг, минии шүтэдэг Бурхан үнгэрһэн һүни Эльгээмэлээ намда эльгээгээ.

Хэрэгүүд 5:19

Гэбэшье Эзэнэй Эльгээмэл һүниндөө түрмын үүдэ нээжэ, элшэнэрые сүлөөдэ гаргаба. Тиихэдээ тэрэ Эльгээмэл:

Римэйхиндэ 14:10

Тиихэдээ ши юундэ һүзэглэгшэ аха дүүгээ шүүбэрилээ хүмши? Али яахадаа ши һүзэглэгшэ аха дүүгээ доогуур хараа хүмши? Бидэ бултадаал Бурханай зарга шүүбэридэ орохо ха юмбибди.

Римэйхиндэ 14:21

Бусад һүзэглэгшэдые доройтон унагааха шалтаг болохо ямаршье юумэ хэнгүй, мяха эдингүй, үзэмэй дараһан архи уунгүй байхань зүб шуу.

Римэйхиндэ 15:1

Бата һүзэгтэй бидэнэр ганса бэе тухайгаа бодохо ёһогүйбди, харин һүзэгөөр бирагүйхэн зониие дэмжэхэ ёһотойбди.

Коринфынхидтэ 1-дэхи 11:22

Таанад эдижэ, уужа байхаар гэргүй юм гүт? Али таанад Бурханай һүзэглэгшэдэй бүлгэмые тоонгүй, дуталдаһан зониие доромжолно гүт? Энээн тухай юу гэхыемни хүлеэнэбта? Таанадые магтаха ёһотой гүб? Үгы даа, энээнэй түлөө магтахагүйб!

Коринфынхидтэ 1-дэхи 16:11

Хэншье тэрэниие доогуур бү хараг. Тэрэнэй намда бусажа ерэхэ замайнь амгалан байха тухай бодон, тэрэниие үдэшөөрэйт. Би тэрэниие һүзэглэгшэ аха дүүнэртэйгээ ерэхыень хүлеэнэб.

Коринфынхидтэ 1-дэхи 9:22

Бирагүйхэн һүзэгтэй зоной дунда байхадаа, тэдэниие татахын тула бирагүйхэн һүзэгтэнүүдэй нэгэниинь шэнги болоод ябааб. Хүнүүдэй заримыеньшье шадаха зэргээрээ абархын тула би бүхы хүнүүдтэ бүхы юумэн болооб.

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 10:10

«Павелай бэшэгүүд хатуу, шэрүүн байдаг, харин маанадтай байхадаа тэрэ өөрөө зөөлэн, үгэнүүдыньшье энхэргэн байдаг», – гэжэ таанадай зариман хэлээ.

Галадуудта 6:1

Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдыгөө анхарагты.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

Тимофейдэ 1-дэхи 4:12

Залуухан байнаш гээд шамда хайхарамжагүйгөөр бү хандаг. Ши хэлэһэн үгөөрөө, амидаралаараа, хайра дураараа, һүзэгөөрөө, арюун сэбэрээрээ һүзэглэгшэдтэ жэшээ харуулжа байгаарай.

Еврейнүүдтэ 1:14

Тиихэдээ Эльгээмэлнүүд хэд гээшэб? Тэдэ Бурханда алба хэжэ, абарагдаха ёһотой хүнүүдтэ туһалхаар Бурханай эльгээһэн һүлдэнүүд гээшэ.

Еврейнүүдтэ 9:24

Бодото юумые һажаан хүнэй гараар бүтээһэн Нангин Газарта Христоос ороогүй. Тэрэ мүнөө манай орондо Бурханай урда зогсохын тулада тэнгэридэ өөртэнь ороо.

Гэршэлгэ 8:2

Тиигээд Бурханай урда долоон Эльгээмэлнүүдэйнь зогсожо байхые харабаб. Тэдэ Эльгээмэлнүүдтэ долоон бүреэнүүд үгтэбэ.