Матвей 15:9 - Библи

⁹ Хүнүүдэй зохёоһон ёһо гуримуудта һургажа байхадаа, тэдэ дэмы Намда мүргэнэ даа».

Шэнэ Хэлсээн

⁹ Хүнүүдэй зохёоһон ёһо гуримуудта һургажа байхадаа, тэдэ дэмы намда мүргэнэ даа“».

Матвей 15:9 Referencias Cruzadas

Псалманууд 39:6

Эзэн Бурхамнай! Хэды олон юумэ бүтээгээ гээшэбта! Хэды олон гайхамшагта хэрэгүүдые маанад тушаа түсэблөөт, хэниишье Тантай сасуулмаар бэшэ. Би тэрэ гайхамшагта үйлэнүүдые олондо зарлан хэлэхэб, гэбэшье тэдэ тоолошогүй олон юм.

Псалманууд 73:13

Өөрын хүсэ шадалаар Та далайе хубаагаат, уһан дотор могойнуудай тархи бута сохёот.

Египедһээ гаралга 20:7

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Левит 26:16

Би таанадта иигэжэ орохоб: таанадта аймшагтай юумэ, хаталга, халуун үбшэ эльгээхэб, тэдэнһээ боложо, нюдэнтнай шэргэхэ, зүрхэнтнай үбдэхэ. Үрэһэ дэмы тарихат, тэдэниие дайсантнай эдихэ.

Левит 26:20

Дэмы хии талаар хүсэнтнай буураха, газартнай ургаса үгэхэгүй, мододтнай үрэ жэмэс үгэхэгүй.

Малаахи 3:14

«Бурханда үйлэ бүтээхэ гээшэ ашаггүй. Тэрэнэй һургаал сахижа, Түмэн Сэрэгтэ Эзэнэй үмэнэ гашуудан ябахань ямар ашаг үрэ үгэхэ гээшэб?

Матвей 15:10

Иисүүс улад зониие дуудаад: – Хэлэһыемни шагнажа, ойлгохые хэшээгты!

Марк 7:7

Хүнүүдэй зохёоһон ёһо гуримуудта һургажа байхадаа, тэдэ дэмы Намда мүргэнэ даа».

Коринфынхидтэ 1-дэхи 15:2

Тэрэнэй ашаар таанад абарагдаат. Минии номноһон Мэдээсэл хатуугаар баримталжа байһан ушарта таанад абарагдабат, үгы юм һаа, дэмы һүзэглэһэн байгаат.

Хуули дабталга 12:32

Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!

Тимофейдэ 1-дэхи 1:4

Арсалдаан лэ гаргадаг үльгэрнүүдээ, дууһашагүй угай бэшэгүүдээ хөөрэхэеэ болигты гэжэ тэдээндэ захираарай. Һүзэгынь Бурханай түлэблэһэнтэй таарахагүй байһаниинь мэдээжэ.

Еврейнүүдтэ 13:9

Тиимэһээ элдэб янзын һургаалнуудһаа зайсан, үнэн зүб замаар ябагты. Эдеэ хоол тухай гуримуудые сахихые бү оролдогты, тэдэ гуримууд тэдэниие сахиһан хүнүүдтэ ямаршье аша туһагүй байгаа, харин Бурханай хайра үршөөлөөр сэдьхэл зүрхэнтнай бэхижэбэл һайн гээшэ.

Яковай хандалга 2:20

Тэнэг амитан, үйлэ хэрэгүүдээр баталагдаагүй этигэл һүзэгэй дэмы хооһон байһыень ши мэдэхэ хүсэлтэй аалши?

Гэршэлгэ 22:18

Энэ номой уридшалан хэлэһэн үгэнүүдые шагнагша бүхэндэ иигэжэ дуулганаб: эдэ үгэнүүдтэ ямар нэгэн юумэ хэн нэмэлтэ оруулнаб, энэ ном соо бэшээтэй гай аюулые Бурхан нэмэжэ, бүри ехэ болгохо.

1 Хаан түрэнүүд 25:21

Давид: – Би элһэн сүл губида тэрэ хүнэй бүхы зөөри дэмы харууһалааб. Тэрэнэй юумэнһээ юуншье үгы болоогүй бэлэй. Тэрэ намда һайниие муугаар харюулба.