Матвей 13:57 - Библи

⁵⁷ Тиигэжэ зон тэрэнэй талаар һэжэглэбэ. Иисүүс тэдэндэ: – Лүндэншэдые нютагынхидһаань, гэр бүлэһөөнь бусад зон булта хүндэлжэ ябадаг юм, – гэжэ хэлэбэ.

Шэнэ Хэлсээн

⁵⁷ Тиигэжэ зон тэрэнэй талаар һэжэглэбэ. Иисус тэдэндэ: «Лүндэншэдые нютагынхидһаань, гэр бүлэһөөнь бусад зон булта хүндэлжэ ябадаг юм», – гэжэ хэлэбэ.

Матвей 13:57 Referencias Cruzadas

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Исай 8:14

Би зониие арюудханаб, Иудын, Израилиин хан түрэнүүдтэ бүдэрдэг шулуун, торожо унадаг шулуун мэтэ байхаб. Иерусалимай улад зониие бариха урьха занга мэтэб.

Матвей 11:6

Нам тушаа һэжэг түрөөгүй хүн жаргалтай юм.

Матвей 13:58

Улад зоной этигэл һүзэггүй байһан туладань, Иисүүс нютагтаа гайхамшагта хэрэгүүдые ехээр бүтээбэгүй.

Марк 6:1

Тэндэһээ Иисүүс шабинартайгаа хамта түрэһэн хотодоо бусажа ерэбэ.

Марк 6:14

Иисүүс тухай һураг хаа хаанагүй таража, Иродойшье һонорто хүрэбэ. Зарим хүнүүд: – Энэ Уһаар Арюудхагша Иоанн амидыраад, иимэ гайхамшагта хэрэгүүдые бүтээнэ, – гэлсэбэ.

Марк 6:3

Үгы, Энэмнай дархан бэшэ һэн гү? Мариягай хүбүүниинь, Яковай, Ёшияагай, Иудын, Симонэй ахань бэшэ һэн гү? Дүү басагадынь энэ хотодо маанадаар ажаһууна бэшэ аал? – гэлсэбэ. Тиигэжэ зон Тэрэнэй талаар һэжэглэбэ.

Марк 6:4

Харин Иисүүс тэдэндэ: – Лүндэншэдые нютагайхидһаань, түрэлхидһөөнь, гэр бүлэһөөнь бусад зон булта хүндэлжэ ябадаг юм, – гэжэ хэлэбэ.

Лука 4:24

Таанадта үнэн зүрхэнһөө хэлэхэ байнаб: ямаршье лүндэншые түрэһэн нютагтань тоодоггүй юм!

Лука 7:23

Нам тушаа һэжэг түрөөгүй хүн жаргалтай, – гэжэ хэлэбэ.

Иоанн 4:44

«Лүндэншые түрэһэн нютагтань хүндэлдэггүй», – гэжэ Иисүүс Өөрөө хэлээ һэн.

Иоанн 6:42

– Энэмнай Иосифой хүбүүн Иисүүс ха юм? Тиимэ бэшэ аал? Бидэ Тэрэнэй эсэгыеньшье, эхыеньшье мэдэхэбди. Теэд «Би тэнгэриһээ буужа ерээб», – гэжэ энэ юундэ хэлэнэб? – гэлдэбэ тэдэнь.

Иоанн 6:61

Тэрэнэй үгэнүүд шабинарайнь дура гутааба гэжэ мэдээд, Иисүүс тэдэндээ иигэжэ хэлэбэ: – Эдэ үгэнүүдни таанад соо һэжэг түрүүлнэ гү?