Матвей 12:10 - Библи

¹⁰ Тэндэнь нэгэ хатаһан гартай хүн байба. Буруу юумэ хэһэнэйнь түлөө Иисүүсые зэмэлхэ һанаатайшуул тэрээнһээ: – Субботодо хүниие эмшэлхэнь зүб гү? – гэжэ һураба.

Шэнэ Хэлсээн

¹⁰ Тэндэнь нэгэ хатаһан гартай хүн байба. Буруу юумэ хэһэнэйнь түлөө Иисусые зэмэлхэ һанаатайшуул тэрээнһээ: «Субботодо хүниие эмшэлхэнь зүб гү?» – гэжэ һураба.

Матвей 12:10 Referencias Cruzadas

Исай 32:6

Муу хүн удхагүй юумэ дуугардаг, муу юумэ хэхэеэ һанажа байдаг. Тэрэ үлэсхэлэн хооһон хүнһөө эдеэ хоол буляан абажа, ангаһан хүнһөө унда буляажа, Эзэниие доромжолон хэлэдэг, муу юумэ хэдэг.

Исай 59:13

Бидэ Танай урдаһаа һөөргэдөөбди, Таниие орхёобди, Танһаа буруу хараабди. Һанаан бодолнай буруу, үгэнүүднай худал.

Исай 59:4

Хэншье зүб шударга юумэнэй түлөө тэмсэнэгүй, хооһон, худал юумэ хэлэнэ. Муу муухай хэрэгүүдые түсэблэжэ, тэрэнээ бэелүүлнэт!

Захарияа 11:17

Һүрэгөө орхиһон адуулагша хараалда хүртүүжэг. Тэрэнэй гар болон баруун нюдэн дээрэнь эритэ илдэ буулгагты. Гарынь бүхэлеэрээ хатажа, баруун нюдэниинь огто харахаяа болюужаг!

Матвей 12:2

Фарисейнүүд энээниие хараад: – Үгы, харыт, шабинартнай субботодо хэжэ болохогүй юумэ хэнэл, – гэжэ Иисүүстэ хэлэбэ.

Матвей 19:3

Хэдэн фарисейнүүд Иисүүстэ ойртожо, Тэрэниие туршаха һанаатайгаар: – Хүн ямаршье шалтагаанаар һамганһаа һалаха эрхэтэй гү? – гэжэ һураба.

Марк 3:2

Баһа буруу юумэ хэһэнэйнь түлөө Иисүүсые зэмэлхэ һанаатайшуулшье байжа, үбшэн хүниие субботодо аргална аа гү гэжэ Тэрэниие ажаглан хаража байбад.

Лука 11:54

буруу юумэ хэлүүлжэ бариха арга боломжонуудые бэдэрдэг болобо.

Лука 13:14

Тиихэдэнь мүргэлэй гэрэй ахалагша субботодо үбшэнтэниие аргалба гэжэ Иисүүстэ дураа гутан: – Ажал хэхэ зургаан үдэр бии ха юм. Аргалуулхаяа тэрэл үдэрнүүдтэ ерэжэ байгты, субботодо бэшэ, – гэжэ зондо хэлэбэ.

Лука 20:22

Бидэ Римэй хаанда алба татабари түлэхэ ёһотой гүбди, али үгы гү? – гэжэ асуубад.

Лука 23:14

– Израилиин зониие үймүүлжэ ябана гэжэ зэмэлэн, таанад Энэ Хүниие намда асарбат. Харин би танай хараһаар байтар мүрдэлгэ хэхэдээ, танай тохоһон тиимэ зэмэтэй байһыень тодоруулбагүйб.

Лука 23:2

– Энэ хүн арад зонииемнай үймүүлнэ, худхуулна, Римэй хаанда алба татабари түлэхые хорино, Өөрыгөө Бурханай табисууртаб гэжэ нэрлэнэ, – гэжэ Тэрэниие зэмэлбэ.

Иоанн 5:10

Еврейнүүдэй ахамадууд аргалуулһан хүндэ хандан: – Мүнөөдэр суббото. Ши дэбдихэрээ абажа ябаха ёһогүйш! – гэбэд.

Иоанн 7:23

Моисейн Хуули эбдэхэгүй гэжэ хүниие субботодо отолуулжа байхадаа, субботодо хүнэй бэеые сүм эдэгээхэдэмни таанар Намда яахадаа ехээр сухалданабта?

Иоанн 8:6

Хуули заадаг багшанар ба фарисейнүүд юундэ тиигэжэ асуугааб гэбэл, Иисүүсые туршан үгэ алдуулаад, хожомынь гэмнэхэеэ һанаһан байгаа бшуу. Теэд Иисүүс доошоо тонгойгоод, хургаараа юушьеб газар дээрэ бэшэжэ байба.

Иоанн 9:16

– Энэ хүн Бурханһаа заяагдаһан байха ёһогүй, юундэб гэбэл, субботые тооногүй, – гэжэ зарим фарисейнүүд мэдүүлбэ. – Теэд нүгэлтэн һаа, энэ хүн иимэ гайхамшаг хэрэгүүдые бүтээхэ һэн гү? – гэжэ нүгөө зариманиинь буруушааба. Тиин фарисейнүүд өөһэд хоорондоо арсалдан хубааралдаба.