Матвей 10:23 - Библи

²³ Таанарые нэгэ хотодо хашажа мүрдэбэлнь, ондоо хото руу зугадажа ошогты. Ушарынь хэлэбэл, Израилиин бүхы хотонуудаар таанарай ябажа үрдеэгүй байтар Хүн түрэлхитэнэй Хүбүүн заларжа ерэхэ гэжэ Би таанадта баталан хэлэнэб.

Шэнэ Хэлсээн

²³ Таанарые нэгэ хотодо хашажа мүрдэбэлнь, ондоо хото руу зугадажа ошогты. Ушарынь хэлэбэл, Израилиин бүхы хотонуудаар таанарай ябажа үрдеэгүй байтар Хүн түрэлхитэнэй Хүбүүн заларжа ерэхэ гэжэ би таанадта баталан хэлэнэб.

Матвей 10:23 Referencias Cruzadas

Ерэмияа 26:21

Ёякиим хаан, тэрэнэй сэрэгшэд болон түшэмэлнүүд Урияагай үгэнүүдые шагнажа, тэрэниие алахаяа һанаба. Теэд Урияа энээн тушаа дуулаад, айн тэрьедэжэ, Египет руу гүйгөө.

Матвей 16:27

Хүн түрэлхитэнэй Хүбүүн Эсэгынгээ алдар соо Эльгээмэлнүүдтэйгээ хамта һаяар ерэхэл, тиигээд хэһэн хэрэгэйнь хэмээр хүн бүхэниие шиидхэхэл.

Матвей 16:28

Эндэ байгшадай зариман Хүн түрэлхитэнэй Хүбүүнэй хаан түрэеэ баряад заларжа ерэхые үзөөгүйдөө үхэхэгүй гэжэ таанадта баталан хэлэнэб.

Матвей 2:13

Тэдэ сэсэшүүлэй ябаһан хойно Бурханай Эльгээмэл Иосифой зүүдэндэ үзэгдөөд, иигэжэ хэлэбэ: – Ирод энэ хүбүүе алахаяа һанаашалаад, бэдэржэ орохонь. Тиимэһээ ши бушуухан бодоод, хүбүүгээ эхэтэйнь абажа, Египет руу тэрьедэ. Тиигээд минии шамда дуулгатар тэндээ байгаарай.

Матвей 23:34

Мүнөө Би таанарта лүндэншэдые, сэсэн мэргэшүүлые, Хуули заадаг багшанарые эльгээхэмни. Харин таанар тэдэнэймни заримыень алахат, хэрээһэндэ хадажа саазалхат, нүгөөдүүлыень мүргэлэй гэрнүүдтэ сохихот, нэгэ хотоһоо нүгөөдэ хото руу мүрдэн намнахат.

Матвей 23:36

Эдэ бүхы алагдаһан хүнүүдэй түлөө хэһээлтэ энэ үе сагай хүнүүд дээрэ бууха гэжэ таанарта үнэниие хэлэнэб.

Матвей 24:27

Хүн түрэлхитэнэй Хүбүүн ерэхэдээ, зүүн зүгһөө баруун хизаар хүрэтэр ялагас гэһэн сахилгаан шэнгеэр гэрэлтэн үзэгдэхэ бшуу.

Матвей 24:30

Тиихэдэ тэнгэридэ Хүн түрэлхитэнэй Хүбүүнэй бэлгэ тэмдэг үзэгдэхэ. Тэрэ сагта газар дэлхэйн бүхы угсаатан Хүн түрэлхитэнэй Хүбүүнэй тэнгэриин үүлэн дээрэ тамаран, агуу хүсэтэйгөөр, алдар солотойгоор буужа ерэхые харахадаа бархиралдаха.

Матвей 24:34

Мүнөө ажамидаржа байһан хүнүүдэй бултанайнь үхэжэ үрдеэгүй байхада Минии таанадта хэлэһэн бүхэн тохёолдохо гэжэ таанадта баталан хэлэнэб.

Матвей 24:48

Хэрбээ муу зараса дайралдабал: «Эзэмни һаяар ерэхэгүй», – гэжэ бодоод,

Матвей 25:13

Тиигээд Иисүүс түгэсхэлдэнь: – Тиимэһээ таанар ходо һэргэг байгты, юундэб гэбэл, Хүн түрэлхитэнэй Хүбүүнэй ерэхэ үдэрыешье, сагыешье мэдэнэгүй ха юмта, – гэжэ шабинартаа хэлэбэ.

Матвей 26:64

Иисүүс тэрээндэ: – Ши тиигэжэ хэлээш. Харин би та бүхэндэ иигэжэ хэлэхэб: Мэнэ гэһээр таанад Хүн түрэлхитэнэй Хүбүүе Һүр хүсэтэй Бурханай баруун талада һуухыень, тэнгэриин үүлэнүүд дээрэ тамаран ерэхыень үзэхэт, – гэбэ.

Матвей 4:12

Иоанные түрмэдэ хаагаа гэжэ дуулаад, Иисүүс Галилей можо ошобо.

Марк 13:26

Тэрэ үедэ үүлэн дундуур Хүн түрэлхитэнэй Хүбүүнэй һүр хүсэтэйгөөр, алдар солотойгоор ерэжэ ябахань хүнүүдтэ үзэгдэхэ.

Лука 18:8

Бурхан тэдэнэй хэрэгүүдые үнэн зүб руунь түргөөр шиидхэн, туһалха гэжэ танда хэлэнэб. Теэд Хүн түрэлхитэнэй Хүбүүнэй ерэхэдэ, газар дээрэ тиимэ һүзэгтэй хүн байха гү?

Лука 21:27

Эгээл тэрэ үедэ үүлэ дамжан Хүн түрэлхитэнэй Хүбүүнэй агуу хүсэтэйгөөр, алдар солотойгоор газарта буужа ябахань харагдаха.

Иоанн 7:1

Удаань Иисүүс Галилейгээр ябаба. Иудейдэ ошохогүй гэжэ Тэрэ шиидэбэ, юундэб гэхэдэ, Иудейн ахамадууд Тэрэниие алаха һанаатай байгаа.

Хэрэгүүд 17:10

Һүни болохотой сасуу һүзэглэгшэд Павел Сила хоёрые Бээрэ хото руу ябуулба. Тэндэ хүрэжэ ерээд, тэдэ хоёр мүргэлэй гэртэ ошобо.

Хэрэгүүд 17:14

Һүзэглэгшэд дары Павелые далай хүргэжэ ошобо, харин Сила Тимофей хоёрынь Бээрэдэ үлэбэ.

Хэрэгүүд 20:1

Үймөөнэй үнгэрһэн хойно Павел шабинараа суглуулжа зоригжуулаад, тэдэнтэйгээ хахасажа, Македони ошобо.

Хэрэгүүд 8:1

Стефаниие алаһан хэрэг Саулда ехэ һайшаагдаба. Энэ үдэрһөө хойшо Иерусалимда һүзэглэгшэдые ехээр хашан мүрдэдэг болобо. Тиимэһээ элшэнэр лэ хотодо үлөөд, бусад һүзэглэгшэд булта Иудейн ба Самариин нютагуудаар тараба.