Марк 9:7 - Библи

⁷ Тиигэжэ байтарнь үүлэн бии боложо, тэдэниие хушаад, тэндэһээнь иимэ абяан дуулдаба: – Энэ Минии инаг хайрата Хүбүүмни юм, үгыень дуулажа байгты.

Шэнэ Хэлсээн

⁷ Тиигэжэ байтарынь үүлэн бии боложо, тэдэниие хушаад, тэндэһээнь: «Энэ минии инаг хайрата Хүбүүмни юм, таанад үгыень дуулажа байгты», – гэһэн абяан дуулдаба.

Марк 9:7 Referencias Cruzadas

Псалманууд 2:7

Би, хаан, Эзэнэй зарлигые тунхаглахам. Эзэн намда иигэжэ айладаа: «Ши Минии хүбүүнши, Мүнөөдэр Би Эсэгэшни болооб.

Псалманууд 97:2

Эзэн Өөрын абаралые мэдүүлээ, үндэһэтэдэй хараһаар байтар зүб шударгаяа элирхэйлээ.

Египедһээ гаралга 24:16

Эзэнэй һүр соло Синай уулада буугаа. Зургаан үдэртэ хадые үүлэн хушанхай байгаад, долоодохи үдэртэнь Эзэн үүлэн сооһоо Моисейе дуудаба.

Египедһээ гаралга 40:34

Уулзалгын майхан һүмэ дээрэ үүлэн бууба, Эзэнэй һүр соло майхан һүмые сүм бүрхөөбэ.

Даниил 7:13

Һүниин үзэгдэлнүүд соогоо би мүн лэ иимэ юумэ харааб: тэнгэриин үүлэнүүдтэй хамта хүн түрэлхитэнэй хүбүүндэл адли хэншьеб ябажа, дүтэлхэдэнь, Үндэр наһатайда тэрэниие асарба.

Матвей 27:43

Тэрэ Бурханда найдадаг байгаа, Өөрыгөө Бурханай Хүбүүнби гэжэ нэрлээ. Зай, тиигэбэл, Бурханда хэрэгтэй юм һаань, Бурхан Тэрээниие абараг лэ! – гэлдэбэ.

Матвей 27:54

Тиихэдэ зуунай дарга, мүн тэрээнтэй хамта Иисүүсые һахилсагша сэрэгшэд газарай хүдэлхые, мүн бусадшье болоһон үзэгдэлнүүдые хараад, ехэ айн һүрдэжэ: – Тэрэ үнэхөөрөө Бурханай Хүбүүн байгаа, – гэлсэбэ.

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Марк 1:11

– Ши хайрата Хүбүүмниш, сэдьхэлыемни баярлуулнаш, – гэһэн абяан тэнгэриһээ дуулдаба.

Марк 9:6

Пётр юушье хэлэһэнээ мэдэнгүй тиигэжэ хэлээ бшуу, юундэб гэхэдэ, шабинар ехээр айн һүрдэһэн байгаа.

Марк 9:8

Шабинарайнь тойроод харан гэхэдэнь, Иисүүсһээ ондоо хэншье үгы байба.

Лука 3:22

гулабхаагай дүрсэтэйгөөр Арюун Һүлдэ Тэрээндэ бууба. – Ши Минии хайрата Хүбүүмниш, сэдьхэлыемни баярлуулнаш, – гэһэн абяан огторгойһоо дуулдаба.

Иоанн 1:34

Би эдэ бүгэдые хараа һэм, тиин Энэ Бурханай Хүбүүн мүн гэжэ би гэршэлнэб.

Иоанн 1:49

– Рабби аа! Та ёһоороол Бурханай Хүбүүн, Израилиин Хаан байнат! – гэжэ Натанаил дуугарба.

Иоанн 12:28

Эсэгэ аа, Өөрынгөө нэрые алдаршуулыт! Тиигэхэдэнь тэнгэриһээ: – Би алдаршуулааб, бүришье ехээр алдаршуулхаб! – гэһэн абяан дуулдаба.

Иоанн 19:7

– Манай Хуулиин ёһоор энэ Хүн үхэхэ ёһотой, юундэб гэхэдэ, Өөрыгөө Бурханай Хүбүүнби гэжэ айладхана, – гэжэ еврейнүүд харюусаба.

Иоанн 20:31

Теэд Иисүүс болбол Бурханай табисуурта, Бурханай Хүбүүн гэжэ таанарай этигэхын түлөө, Иисүүстэ этигэдэгэйнгээ ашаар амиды ябахынтнай түлөө энэ бүхы юумэн бэшэгдэбэ гээшэ.

Иоанн 5:18

Тиихэдэнь еврейнүүдэй ахамадууд Иисүүсые алаха гэжэ бүри ехээр оролдобо: хорюултай байһан субботын үдэр ажаллахаһаа гадна, Бурханиие Эсэгэмни гэхэдээ, Өөрыгөө Бурхантай зэргэсүүлбэ гэлдэбэ.

Иоанн 5:37

Намайе эльгээһэн Эсэгэ тиигэжэ Нам тухай Өөрөө гэршэлнэ. Эсэгымни үгэ хэлэхые таанар хэзээдэшье дуулаа шагнаагүйт, Өөрыень таанар хэзээдэшье хаража үзөөгүйт.

Иоанн 6:69

Та Бурханай Арюун Хүбүүнта гэжэ бидэ этигэнэбди, мэдэнэбди, – гэжэ Симон Пётр харюусаба.

Иоанн 9:35

Аргалуулһан хүниие намнаба гэжэ дуулаад, Иисүүс тэрэниие бэдэржэ олоод: – Ши Хүн түрэлхитэнэй Хүбүүндэ этигэнэ гүш? – гэжэ асууба.

Хэрэгүүд 1:9

Тиигэһээр Иисүүс элшэнэрэйнгээ хаража байтар тэнгэри өөдэ дэгдэжэ захалба, тииһээр үүлэндэ халхалуулба.

Хэрэгүүд 7:37

Моисей израильшуудта: «Таанадай дундаһаа намдал адли лүндэншые Эзэн Бурхантнай элирүүлэн гаргаха», – гэжэ хэлээ бэлэй.

Хэрэгүүд 8:36

Замаа үргэлжэлүүлһээр тэдэнэр уһатай газарта хүрэжэ ерэбэд. – Энэ уһан байнал. Уһаар арюудхуулхадамни намда юун һаалта болоноб? – гэбэ түшэмэл.

Еврейнүүдтэ 2:1

Тиимэһээ урасхалда абтахагүйн тула бидэ дуулажа абаһан юумэеэ хатуугаар сахижа байха ёһотойбди.

Пётрой 2-дохи хандалга 1:17

«Энэ Минии инаг хайрата Хүбүүмни, сэдьхэлэймни урма охин» гэжэ Бурханай Агууехэ Алдарай дуугай һонортонь хүрэхэтэйнь зэргэ Бурхан Эсэгэһээ нэрэ түрэдэ, алдар солодо хүртэхэдэнь, бидэ байлсаа һэмди.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.

Гэршэлгэ 1:7

Хаража байгты: үүлэн соогуур Тэрэ ерэхэ. Бүхы хүнүүд, мүн жадаар хадхаашадшье Тэрээниие хараха. Газар дэлхэйн бүхы арадууд Тэрээниие шаналан хайрлаха. Үнэхөөрөө тиихэ. Болтогой!