Марк 9:24 - Библи

²⁴ Тиигэхэтэйнь сасуу хүбүүнэй эсэгэ: – Би этигэнэб! Бүри ехэ этигэл һүзэг хайрлан туһалыт! – гэжэ хашхарба.

Шэнэ Хэлсээн

²⁴ Тиигэхэтэйнь сасуу хүбүүнэй эсэгэ: «Би этигэнэб! Бүри ехэ этигэл һүзэг хайрлан туһалыш!» – гэжэ хашхарба.

Марк 9:24 Referencias Cruzadas

2 Хаан түрэнүүд 16:12

Эзэн минии доромжолуулагдажа байһые хаража, тэрэнэй хараалай орондо намда һайн һайханиие хэжэ магад.

4 Хаан түрэнүүд 20:5

Эзэн тэрээндэ иигэжэ хэлэбэ: – Минии арад зониие зонхилогшо Хэзэкияада бусаад, иигэжэ хэлэ: Би, Эзэн, шинии үбгэ эсэгэ Давидай Бурхан, гуйлтыешни соносооб, нулимсыеш харааб, шамайе Би эдэгээхэб. Ши нүгөөдэр Эзэнэй һүмэдэ оро. Тиигээд шинии наһые Би арбан табан жэлээр утадханаб.

Псалманууд 126:5

Тэдээр һаадагаа дүүргэгшэ хүн угаа юрөөлтэй. Тэрэ хаалгануудай хажууда дайсадтай мүргэлдэбэл, эшэхэ байдалда орохогүй.

Псалманууд 39:12

Эзэн, үршөөлөө намһаа бү хаһыт! Энэрэл хайратнай, үнэнтнай намайе үргэлжэ хамгаалжа байг лэ!

Ерэмияа 14:17

Өөрынгөө гай зоболон тухай улад зондо дуулгахыемни намда Эзэн захирба. Тэрэ иигэжэ хэлэхыемни айладхаа: Минии нюдэнһөө һүни, үдэргүй нулимса урдан байг. Уйлахаяа оройдоошье болихогүйб, улад зомни аргагүй ехэ сохилтодо дайрагдаба, угаа хүндөөр шархатаа.

Марк 9:23

– Юундэ «шадахал һаа» гэбэш? Этигэл һүзэгтэй һаашни, хүсэһэн лэ юумэншни бүтэхэ юм! – гэжэ Иисүүс харюусаба.

Марк 9:25

Улад зоной үшөө олоор сугларжа байхые харахадаа, Иисүүс ада шүдхэртэ захирба: – Хэлэгүй, дүлии ада шүдхэр! Би шамда захирнаб: энэ хүбүүнһээ гара, хойшодоо тэрээндэ бү оро!

Лука 17:5

– Эзэн аа, манай этигэл һүзэгые ехэ болгожо үгыт даа! – гэжэ Иисүүсэй элшэнэр хэлэбэ.

Лука 7:38

Тиигээд Иисүүсэй ара талада хүлдэнь һуугаад, уйлажа байгаад, нюдэнэйнгөө нулимсаар хүлыень угааба, толгойнгоо үһөөр аршан, таалан, һайхан хангалтай тоһо хүлдэнь түрхибэ.

Лука 7:44

Тиигээд эхэнэр тээшэ эрьелдэн, Симондэ хэлэбэ: – Энэ эхэнэрые харана гүш? Танайда ороходом, ши хүл угааха уһа үгөөгүйш, харин энэ эхэнэр нюдэнэйнгөө нулимсаар хүлыем угаагаад, үһөөрөө аршаа.

Хэрэгүүд 10:19

Хараһан үзэгдэл тухайгаа Пётрой бодомжолжо байхада, Арюун Һүлдэ тэрээндэ: – Симон, гурбан хүн шамайе бэдэрнэ, харана гүш?

Хэрэгүүд 10:31

«Корнелий, шинии зальбарал болон хэһэн буяншни Бурханда хүрөө. Тэрэ шамайе һанаандаа барижа байна.

Коринфынхидтэ 2-дохи 2:4

Гашуудан голхорхынтнай тула бэшэ, харин аргагүй ехээр дуратай байһанаа мэдүүлхын тула би ехэл һанаа зобон, ехэл нулимсаа гоожуулан, таанадта бэшээб.

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Филиппынхидтэ 1:29

Ушарынь хэлэбэл, таанад Христоосто гансал һүзэглэн алба хэхэ бэшэ, харин Тэрэнэй түлөө зоболон амсан үүргээ бэелүүлхэ табилантайт.

Фессалоникиинхидтэ 2-дохи 1:11

Тиимэһээл бидэ таанадай түлөө ходо зальбаржа байдагбди. Зохистой ажамидархынтнай тула Бурхан таанадые дуудаа. Тиин тэрэ ажамидаралые Бурхан таанадта үршөөг лэ. Дэмбэрэлтэй юумэ бүтээхэ гэһэн хүсэлэнгүүдыетнай Бурхан Өөрынгөө хүсөөр бэелүүлэг лэ, этигэлтэйгээр хэжэ байһан хэрэгүүдыетнай эсэстэнь хүргэг лэ.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Тимофейдэ 2-дохи 1:4

Дуһааһан нулимсануудыешни һанаад, шамтай уулзаха гэжэ ехээр лэ хүсэнэб. Тиигэбэл, би баяраар дүүрэхэ һэнби.

Еврейнүүдтэ 12:17

Тэрэ эсэгынгээ буян хэшэгтэ хүртэхэ дуратай байбашье, нулимсаа гарган, алдуугаа заһаха гэжэ оролдобошье, хэһэн алдуугаа заһажа шадаагүй, тиимэһээл эсэгэнь тэрэниие угтажа абаагүй гэжэ таанад мэдэнэт.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.