Марк 7:28 - Библи

²⁸ – Тиимэшьел даа, Эзэн, теэд шэрээһээ унаһан үхибүүдэй үлөөдэһые нохойнуудшье эдидэг ха юм, – гэжэ үнөөхи эхэнэрынь харюусаба.

Шэнэ Хэлсээн

²⁸ «Тиимэшьел даа, Дээдын Эзэн, теэд шэрээһээ унаһан үхибүүдэй үлөөдэһые нохойнуудшье эдидэг ха юм», – гэжэ үнөөхи эхэнэрынь харюусаба.

Марк 7:28 Referencias Cruzadas

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Матвей 15:27

Тиигэхэдэнь тэрэ эхэнэрынь: – Зүб даа, Эзэн! Теэд эзэдэй шэрээһээ унаһан бутархай нохойнуудшье эдидэг бшуу, – гэжэ урдаһаань хэлэбэ.

Матвей 5:45

Тиигээ һаа, огторгойдо байгша Эсэгэдээл адли бэеэ абажа ябадаг болохот. Юундэб гэбэл, Эсэгэтнай өөрынгөө муушуулдашье, һайшуулдашье нара гэрэлтүүлнэ, мүн зүбтэндэшье, буруутандашье хура бороо оруулна.

Марк 7:27

Харин Иисүүс тэрэ эхэнэртэ: – Нэн түрүүн үхибүүдые садхааха хэрэгтэй. Тэдэнэй эдихэ хоол абаад, нохойнуудта хаяхань зохихогүй юм, – гэбэ.

Марк 7:29

– Зүб даа энэ харюушни. Ши гэртээ хари, басаганайшни досооһоо ада шүдхэр гаража тонилоо, – гэжэ Иисүүс эхэнэртэ хэлэбэ.

Римэйхиндэ 10:12

Еврей хүн гү, али ондоо яһанай хүн гү, ямаршье илгаагүй юм. Эзэн хүн бүхэндэ ори ганса юм, тиин Тэрээндэ хандаһан хүн бүхэниие Тэрэ элбэг дэлбэгээр үршөөлдөө хүртөөдэг.

Римэйхиндэ 3:29

Али Бурхан гансал еврейнүүдэй Бурхан гү? Тэрэ баһал бусад арадуудай Бурхан бэшэ аал? Тиимэл даа,

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.