Марк 4:39 - Библи

³⁹ Иисүүс бодоод, һалхи саража, долгинуудта захирба: – Аалин бологты, намдагты! – гэжэ захирба. Тэрэ дороо һалхин намдажа, далай долгилхоёо болижо, оршон тойрон огто аалин намдуу болошобо.

Шэнэ Хэлсээн

³⁹ Тиигэхэдэнь Иисус хүл дээрээ бодоод, һалхи саража, долгинуудта: «Аалин бологты, намдагты!» – гэжэ захирба. Тэрэ дороо һалхин намдажа, далай долгилхоёо болижо, оршон тойрон огто аалин намдуу болошобо.

Марк 4:39 Referencias Cruzadas

Псалманууд 148:8

гал ба мүндэр, саһан ба манан, үгыень дүүргэдэг шуурга һалхин,

Псалманууд 29:10

Хүүр руу минии уруудабал, шуһандам ямар ашаг үрэ байхаб?! Хүүрэй тооһо шорой Таниие магтаха аал, Танай үнэниие тунхаглаха аал?!

Псалманууд 65:7

Өөрын агууехэ хүсөөр Тэрэ хэтэдээ зонхилно, үндэһэтэд нюдэн доронь! Буһалгаашад бү бодог лэ!

Псалманууд 89:9

Иигэжэ манай бүхы үдэрнүүд уур хилэн дундатнай үнгэрөө. Бидэ һанаа алдаһан мэтэ он жэлнүүдээ дууһаабди.

Египедһээ гаралга 14:16

Харин өөрөө дулдыгаа далай тээшэ дэлгэн дэехэш – далай хажуу тээшээ эбхэрэн зайлажа, хуурай газар бии болохо. Израиль угсаатан далайн оёороор хуурай газарта ябаһан шэнги гарахал.

Египедһээ гаралга 14:22

Израиль угсаатан далайн оёороор хуурай газарта ябаһан шэнги ябаба. Баруун гар тээнь эгсэ уһан хана байба, зүүн гартань мүн лэ уһан хана байба.

Һургаал 8:29

Тэрэнэй зааһанһаа уһанай дээшэ болохогүйн тула тэнгис далайда хилэ хизаарыень тогтоожо үгэхэдэ, газарай үндэһэ һуури тэмдэглэн тогтоохо үедэ би тэндэ байгаа һэм.

Ерэмияа 5:22

Би – Эзэмби. Юундэ Намһаа айнагүйбта? Минии урда юундэ шэшэрнэгүйбта? Би элһэ тэнгис далайда хилэ болгон табяаб. Хэтэ мүнхын тэрэ хизаарые далай гаталхагүй. Долгидынь хэды мушхарбашье, тэрэниие дабажа шадахагүй. Тэдэ хэды шааябашье, хүндэлэн гаража шадахагүй.

Гашуудал 3:31

Үгы, Эзэн хэтэдээ орхёо бэшэ!

Наум 1:4

Тэрэнэй зэмэлхэдэнь, далай хатадаг, бүхы голнууд шэргэдэг. Башаан болон Кармээл хатажа эхилдэг, Ливаанай набша намаа ганхадаг.

Матвей 8:26

– Таанад юундэ иигэтэрээ айгаабта? Һүзэг этигэлээр хомор байнат даа, – гэжэ Иисүүс тэдэндээ хэлэбэ. Тиигээд хүл дээрээ бодожо, дошхон һалхинда, далайн долгинуудта зогсохыень захирба. Тиихэдэнь оршон тойрон огто аалин намдуу болошобо.

Марк 4:38

Энэ үедэ Иисүүс тархи дороо юумэ дэрлээд онгосын һүүл хабида унтажа байгаа. Шабинарынь багшаяа һэрюулэн: – Багша! Бидэнэй үхэхэеэ байхада, Танда хамаагүй гээшэ гү? – гэлдэбэ.

Марк 9:25

Улад зоной үшөө олоор сугларжа байхые харахадаа, Иисүүс ада шүдхэртэ захирба: – Хэлэгүй, дүлии ада шүдхэр! Би шамда захирнаб: энэ хүбүүнһээ гара, хойшодоо тэрээндэ бү оро!

Лука 4:35

– Абяа аниргүй болоод, энэ хүнһөө гара! – гэжэ Иисүүс ада шүдхэртэ захирба. Ада шүдхэр тэрэ хүниие зоной дунда унагаагаад, халташ гэмтээнгүй, бэеһээнь гаража арилба.

Лука 4:39

Иисүүс тэрэ үбшэн эхэнэртэ дүтэлжэ, халуунда бэеһээнь гара гэжэ захирба. Халууниинь бууража, эхэнэр дары бодоод, айлшадаа хүндэлжэ ороо һэн.

Лука 8:24

Шабинарынь Иисүүсые һэреэжэ: – Багша! Багша! Уһанда шэнгэжэ хосорхоёо байналди! – гэбэд. Иисүүс һэреэд, дошхорһон һалхиие, долгитоһон уһые хорибо. Тиихэдэнь далай аалин номгон болошобо.